| ຮັບປະກັນການປ້ອງກັນປະເທດ, ປ້ອງກັນຄວາມສະຫງົບ, ຫ່ວງໃຍຊີວິດການເປັນຢູ່ຂອງປະຊາຊົນຢູ່ທະເລ, ໝູ່ເກາະ | |
| ໂຄງການກໍ່ສ້າງວິທະຍາຄານການເມືອງປ້ອງກັນຄວາມສະຫງົບລາວ ແມ່ນສັນຍາລັກແຫ່ງນ້ຳໃຈສາມັກຄີແບບພິເສດ ຫວຽດນາມ - ລາວ |
ຕອນບ່າຍວັນທີ 29 ກັນຍາ, ຢູ່ນະຄອນຫຼວງວຽງຈັນ, ທ່ານລັດຖະມົນຕີ ກະຊວງຕຳຫຼວດ ຫວຽດນາມ ໂຕເລີມ ແລະ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຕຳຫຼວດ ລາວ ວິໄລ ລາຄຳຟອງ ໄດ້ເປັນປະທານພິທີມອບ-ຮັບກິດຈະກຳວິທະຍາຄານການເມືອງປ້ອງກັນຄວາມສະຫງົບ ລາວ, ເຊິ່ງເປັນຂອງຂວັນຂອງລັດຖະບານ ຫວຽດນາມ ມອບໃຫ້ກະຊວງຕຳຫຼວດ ລາວ.
 |
| ທ່ານລັດຖະມົນຕີ ກະຊວງຕຳຫຼວດ ຫວຽດນາມ ໂຕເລີມ ກ່າວຄຳເຫັນທີ່ພິທີ |
ໂຄງການດັ່ງກ່າວໄດ້ເລີ່ມລົງມືກໍ່ສ້າງໃນເດືອນ ສິງຫາ ປີ 2022, ມີເນື້ອທີ່ 6,5 ເຮັກຕາ, ດ້ວຍຈຳນວນເງິນລົງທຶນກວ່າ 10 ລ້ານ USD. ໂຄງການດັ່ງກ່າວໄດ້ຕອບສະໜອງພື້ນຖານດ້ານວັດທຸ, ບຳລຸງສ້າງ, ສິດສອນ ແລະ ຮ່ຳຮຽນດ້ວຍຂອບຂະໜາດ 150 ພະນັກງານ, ຄູອາຈານ ແລະ 1,200 ນັກສຶກສາຕໍ່ປີ. ກະຊວງຕຳຫຼວດ ຫວຽດນາມ ຈະສົມທົບກັບກະຊວງຕຳຫຼວດ ລາວ ສ້າງຫຼັກສູດການສອນ ແລະ ສົ່ງນັກຊ່ຽວຊານມາຊ່ວຍວິທະຍາຄານການເມືອງປ້ອງກັນຄວາມສະຫງົບ ລາວ ໃນໄລຍະຈະມາເຖິງ. ວັນທີ 26 ກັນຍາ, ວິທະຍາຄານການເມືອງປ້ອງກັນຄວາມສະຫງົບ ລາວ ໄດ້ເປີດສົກຮຽນທຳອິດ.
ກ່າວຄຳເຫັນທີ່ພິທີ, ທ່ານລັດຖະມົນຕີ ກະຊວງຕຳຫຼວດ ຫວຽດນາມ ໂຕເລີມ ເນັ້ນໜັກວ່າ: ເຖິງວ່າສະພາບເສດຖະກິດ ແລະ ງົບປະມານຍັງປະສົບກັບຄວາມຫຍຸ້ງຍາກຫຼາຍຢ່າງ, ດ້ວຍຈິດໃຈແບ່ງປັນ ແລະ ຊ່ວຍເຫຼືອເຊິ່ງກັນ ແລະ ກັນ, ພັກ, ລັດຖະບານ ແລະ ກະຊວງຕຳຫຼວດ ຫວຽດນາມ ໄດ້ຕັດສິນໃຈລົງທຶນກໍ່ສ້າງວິທະຍາຄານການເມືອງຕຳຫຼວດລາວ ເຊິ່ງເປັນຂອງຂວັນໃຫ້ກະຊວງຕຳຫຼວດລາວ ໂດຍປາດຖະໜາຢາກປະກອບສ່ວນເຂົ້າໃນວຽກງານກໍ່ສ້າງກຳລັງຕຳຫຼວດລາວໃຫ້ນັບມື້ນັບເປັນໃນລະບົບປົກກະຕິ ແລະ ທັນສະໄໝ, ຕອບສະໜອງຄວາມຮຽກຮ້ອງຕ້ອງການຂອງວຽກງານຕຳຫຼວດໃນສະພາບການໃໝ່.
 |
ຕາມທ່ານລັດຖະມົນຕີ ກະຊວງຕຳຫຼວດ ຫວຽດນາມ ໂຕເລີມ ແລ້ວ, ໃນສະພາບການທີ່ນັບມື້ນັບມີການຜັນແປຢ່າງສັບສົນ ແລະ ບໍ່ອາດຄາດຝັນຢູ່ໃນໂລກ ແລະ ພາກພື້ນ, ກະຊວງຕຳຫຼວດ 2 ປະເທດຕ້ອງບໍ່ພຽງແຕ່ມີຄວາມເກັ່ງກ້າສາມາດ, ມີຄວາມຮູ້ບໍ່ພຽງແຕ່ດ້ານວິຊາຊີບເທົ່ານັ້ນ ຫາກຍັງຍຶດໝັ້ນສະເໝີຕົ້ນສະເໝີປາຍຫຼັກໝັ້ນຄວາມຄິດດ້ານການເມືອງ.
ຕີລາຄາສູງຄວາມຄືບໜ້າຂອງການຈັດຕັ້ງປະຕິບັດ ກໍ່ຄືຄຸນນະພາບ ແລະ ມາດຕະຖານຂອງໂຄງການ, ທ່ານ ພົນເອກ ວິໄລ ຫຼ້າຄຳຟອງ, ລັດຖະມົນຕີກະຊວງຕຳຫຼວດ ສປປ.ລາວ ຢືນຢັນວ່າ: ວິທະຍາຄານການເມືອງປ້ອງກັນຄວາມສະຫງົບ ລາວ ແມ່ນໂຄງການທີ່ທັນສະໄໝ, ມີຄວາມສຳຄັນ ແລະ ຈະກາຍເປັນເຄື່ອງໝາຍຂອງການພົວພັນຮ່ວມມືຮອບດ້ານ. ລະຫວ່າງສອງພັກ, ສອງລັດ, ກອງທັບສອງປະເທດ ລາວ-ຫວຽດນາມ ໃຫ້ຄຳໝັ້ນສັນຍາຈະດຳເນີນງານວິທະຍາໄລແຫ່ງນີ້ບໍ່ພຽງແຕ່ມີປະສິດທິຜົນສູງເທົ່ານັ້ນ, ຫາກຍັງຄຸ້ມຄອງບໍລິຫານ ແລະ ນຳໃຊ້ໃຫ້ດີທີ່ສຸດໃນການຝຶກອົບຮົມນາຍພົນ ແລະ ເພື່ອຍົກສູງຄຸນນະພາບ, ຄວາມສາມາດ ແລະ ຄວາມຮູ້ຂອງກຳລັງຕຳຫຼວດລາວທັງໝົດ.”
ຄຳຮຸ່ງ
