ຄະນະກູ້ໄພຫວຽດນາມ ໄດ້ຕີລາຄາສູງຈາກຕວກກີ ແລະ ເພື່ອນມິດສາກົນ ສຳຫຼັບຄວາມສາມາດ ແລະ ນ້ຳໃຈເຮັດວຽກ

	ຄະນະກູ້ໄພກູ້ຊີບ ຫວຽດນາມຢູ່ ຕວກກີ: ບໍ່ໄດ້ຫວັ່ນໄຫວກັບຄວາມຫຍຸ້ງຍາກ, ຕັ້ງໃຈທີ່ຈະດຳເນີນ ພາລະກິດອັນສູງສົ່ງຢ່າງສໍາເລັດ
	ສະຖານທູດຫວຽດນາມ ໜູນຊ່ວຍໜ່ວຍກູ້ໄພ ແລະ ເຮັດວຽກງານປົກປ້ອງພົນລະເມືອງ

ພິທີມອບໃບຍ້ອງຍໍໃຫ້ບັນດາພະນັກງານເຂົ້າຮ່ວມໜ້າທີ່ກູ້ໄພກູ້ຊີບ ຢູ່ ຕວກກີ (ພາບ: VOV)

ຄະນະປະຕິບັດງານໄດ້ກູ້ເອົາຊີວິດ 1 ຄົນອອກຈາກຊາກຫັກພັງ; ຊອກຫາ, ນຳ 14 ຊາກສົບອອກຈາກຊາກຫັກພັງ ມອບສົ່ງໃຫ້ອົງການການແພດທ້ອງຖິ່ນ; ພ້ອມທັງໄດ້ຂົນສົ່ງອຸປະກອນການແພດເກືອບ 2 ໂຕນຂອງກະຊວງຕຳຫຼວດ ຫວຽດນາມ ໄປໃຫ້ອົງການປະສານງານຂອງ ຕວກກີ ແລະ ພະແນກການແພດນະຄອນ Adiyaman.

ພາຍຫຼັງ 10 ມື້ປະຕິບັດໜ້າທີ່ກູ້ໄພກູ້ຊີບຈາກເຫດແຜ່ນດິນໄຫວຢູ່ ຕວກກີ, ຕອນບ່າຍວັນທີ 19 ກຸມພາ, ຄະນະປະຕິບັດງານຂອງກະຊວງຕຳຫຼວດ ຫວຽດນາມ ໄດ້ປະຕິບັດສຳເລັດໜ້າທີ່ຢ່າງຈົບງາມ ແລະ ເດີນທາງກັບເມືອປະເທດ. ການນຳກະຊວງຕຳຫຼວດ ໄດ້ ຕ້ອນຮັບ ແລະ ຈັດການຍ້ອງຍໍຊົມເຊີຍ, ລະດົມກຳລັງໃຈຄະນະຢູ່ສະໜາມບິນສາກົນ ໂນ້ຍບ່າຍ, ຮ່າໂນ້ຍ.

ຄະນະກູ້ໄພຫວຽດນາມ ໄດ້ຕີລາຄາສູງຈາກຕວກກີ ແລະ ເພື່ອນມິດສາກົນ ສຳຫຼັບຄວາມສາມາດ ແລະ ນ້ຳໃຈເຮັດວຽກ

ຄະນະປະຕິບັດງານໄດ້ກູ້ເອົາຊີວິດ 1 ຄົນອອກຈາກຊາກຫັກພັງ; ຊອກຫາ, ນຳ 14 ຊາກສົບອອກຈາກຊາກຫັກພັງ ມອບສົ່ງໃຫ້ອົງການການແພດທ້ອງຖິ່ນ; ພ້ອມທັງໄດ້ຂົນສົ່ງອຸປະກອນການແພດເກືອບ 2 ໂຕນຂອງກະຊວງຕຳຫຼວດ ຫວຽດນາມ ໄປໃຫ້ອົງການປະສານງານຂອງ ຕວກກີ ແລະ ພະແນກການແພດນະຄອນ Adiyaman. ຄະນະໄດ້ໄປຢື້ຢາມຖາມຂ່າວ, ມອບຂອງຂວັນ, ລະດົມກຳລັງໃຈປະຊາຊົນທີ່ຖືກຜົນສະທ້ອນຢ່າງໜັກໜ່ວງຈາກເຫດແຜ່ນດິນໄຫວ, ໃນນັ້ນ ມີຄອບຄົວຊາວ ຫວຽດນາມ ຈຳນວນໜຶ່ງ. ພັນຈັດຕະວາ ຫງວຽນວັນເກີ໋ນ, ສະມາຊິກຂອງຄະນະ ໄດ້ແບ່ງປັນວ່າ:

“ເມື່ອເຮັດວຽກກັບບັນດາກຳລັງກູ້ໄພກູ້ຊີບ, ເພື່ອນມິດສາກົນໄດ້ຕີລາຄາສູງບົດບາດຂອງ ຫວຽດນາມ, ຍ້ອນພວກເຮົາຖືບັນດາວັດຖຸອຸປະກອນທັນສະໄໝໄປນຳ ແລະ ຮັບໃຊ້ວຽກງານເປີດທາງ, ຊອກຫາຜູ້ປະສົບເຄາະຮ້າຍຢ່າງມີປະສິດທິຜົນ ແລະ ນຳໂຕຜູ້ປະສົບເຄາະຮ້າຍອອກຈາກຊາກຫັກພັງ. ໃນສາຍຕາຂອງເພື່ອນມິດສາກົນ, ກຳລັງກູ້ໄພກູ້ຊີບ ຫວຽດນາມ ໄດ້ສະແດງໃຫ້ເຫັນເຖິງຄວາມເປັນມືອາຊີບ, ຄວາມຕັດສິນໃຈ ແລະ ກຳລັງຄວາມສາມາດໃນວຽກງານກູ້ໄພກູ້ຊີບ”.