| ອົງການ JICA (ຍີ່ປຸ່ນ) ໃຫ້ການອຸປະຖຳ 25 ລ້ານ USD ແກ່ໂຄງການພັດທະນາໄຟຟ້າແຮງລົມຢູ່ ນິງທ້ວນ | |
| EVN: ສ້າງຂົວເຊື່ອມຕໍ່ມິດຕະພາບ ແລະ ການຮ່ວມມື ຫວຽດນາມ - ລາວ ດ້ວຍໄຟຟ້າ |
ຕາມນັ້ນແລ້ວ, 2 ຝ່າຍໄດ້ເຫັນດີເປັນເອກະພາບໃຫ້ ບໍລິສັດໄຟຟ້າກວາງຈີ້ ສົມທົບ ແລະ ໜູນຊ່ວຍສາຂາໄຟຟ້າແຂວງສາລະວັນ (EDL) ປະຕິບັດການຫັນປ່ຽນຕາໜ່າງໄຟຟ້າແຮງກາງຈາກລະດັບແຮງດັນໄຟຟ້າ 35kV ມາເປັນເຄື່ອນໄຫວລະດັບແຮງດັນໄຟຟ້າ 22kV. ການເຊື່ອມຕໍ່ຈະໄດ້ດຳເນີນກ່ອນວັນທີ 31 ທັນວາ 2023 ຢູ່ສະຖານໄຟຟ້າ ສະໝ້ວຍ, ຮັບປະກັນຄວາມປອດໄພ, ເປັນປົກກະຕິ ແລະ ມີຄວາມໄວ້ເນື້ອເຊື່ອໃຈ.
ເພື່ອໃຫ້ສອດຄ່ອງກັບສະພາບການເຄື່ອນໄຫວຕົວຈິງຂອງຕາໜ່າງໄຟຟ້າແຂວງ ກວາງຈີ້ ແລະ ກຳນົດເວລາຂອງສັນຍາຊື້ຂາຍໄຟຟ້າທີ່ໄດ້ລົງນາມ, ສອງຝ່າຍຍັງໄດ້ລົບລ້າງ ແລະ ລົງນາມຄືນໃໝ່ໃນສັນຍາຊື້ຂາຍໄຟຟ້າຜ່ານດ່ານຊາຍແດນລາໄລ, ແຂວງ ກວາງຈີ້ (ຫວຽດນາມ) ແລະ ເມືອງສະໝ້ວຍ, ແຂວງສາລະວັນ (ລາວ).
 |
| ການແລກປ່ຽນບົດບັນທຶກລະຫວ່າງ EVNCPC - EDL |
ໃນພິທີລົງນາມ, ຜູ້ຕາງໜ້າ EDL ໄດ້ສະແດງຫວັງວ່າ EVNCPC ຈະເພີ່ມທະວີສະມັດຕະພາບສະໜອງໄຟຟ້າໃຫ້ສູງກວ່າລະດັບປະຈຸບັນ. ໂດຍຕອບບັນຫາດັ່ງກ່າວ, ທ່ານຮອງຜູ້ອຳນວຍການໃຫຍ່ EVNCPC ນາງ ເລທິເຟື່ອງເກີມ ຢືນຢັນວ່າ: ລະບົບໄຟຟ້າຂອງແຂວງ ກວາງຈີ້ ມີຄວາມສາມາດຕອບສະໜອງຄວາມຕ້ອງການສະໜອງໄຟຟ້າຜ່ານດ່ານຊາຍແດນລາໄລ ແລະ ລາວບາວ. ທ່ານໄດ້ສະເໜີ EDL ມີເອກະສານຮຽກຮ້ອງເພື່ອເປັນພື້ນຖານລາຍງານກຸ່ມບໍລິສັດໄຟຟ້າຫວຽດນາມ ແລະ ກະຊວງອຸດສາຫະກໍາ ແລະ ການຄ້າ ຫວຽດນາມເພື່ອຜັນຂະຫຍາຍບັນດາບາດກ້າວຕໍ່ໄປໂດຍໄວ ເພາະວ່າການລໍຖ້າບັນດາລະບຽບການບໍລິຫານທີ່ກ່ຽວຂ້ອງກັບການເພີ່ມສະມັດຕະພາບສະຫນອງໄຟຟ້າຜ່ານດ່ານຊາຍແດນ ແມ່ນຈະໃຊ້ເວລາດົນນານ.
ເນື່ອງໃນໂອກາດນີ້, ສອງຝ່າຍໄດ້ພິຈາລະນາ ແລະ ເປັນເອກະພາບຮ່າງ “ຂັ້ນຕອນການສົມທົບການເຄື່ອນໄຫວ ແລະ ແກ້ໄຂເຫດຂັດຂ້ອງກ່ຽວກັບ 22kV ອາໂຫງ່ – ລາໄລ ຫາ ສະໝ້ວຍ” ເພື່ອມຸ່ງໄປສູ່ການລົງນາມ ແລະ ນຳໃຊ້ພາຍຫຼັງສັນຍາຊື້ຂາຍໄຟຟ້າມີຜົນສັກສິດ.
ໂດຍປະຕິບັດສັນຍາຮ່ວມມືລະຫວ່າງລັດຖະບານຫວຽດນາມ - ລາວ, ແຕ່ເດືອນສິງຫາ 1998, ບໍລິສັດໄຟຟ້າກວາງຈີ້ ເປັນຫົວໜ່ວຍທຳອິດຢູ່ພາກກາງທີ່ສະໜອງໄຟຟ້າໃຫ້ເຂດແດນສະຫວັນ - ລາວ ຜ່ານດ່ານຊາຍແດນລາວບາວ-ແດນສະຫວັນ. ມາຮອດປີ 2003, ໄຟຟ້າກວາງຈີ້ ໄດ້ສືບຕໍ່ສະໜອງໄຟຟ້າໃຫ້ແຂວງສາລະວັນຜ່ານດ່ານຊາຍແດນລາໄລ - ສະໝ້ວຍ.
25 ປີທີ່ຜ່ານມາ, ບໍລິສັດໃຫຍ່ໄຟຟ້າພາກກາງ ໄດ້ພະຍາຍາມຢ່າງບໍ່ຢຸດຢັ້ງ ເພື່ອຂະຫຍາຍ ແລະ ຍົກລະດັບຕາໜ່າງໄຟຟ້າ, ຄຸນນະພາບພະລັງງານໄຟຟ້າທີ່ດີທີ່ສຸດ ເພື່ອຕອບສະໜອງຄວາມຕ້ອງການນຳໃຊ້ໄຟຟ້າຂອງປະເທດລາວ ທີ່ນັບມື້ນັບເພີ່ມຂຶ້ນ, ປະກອບສ່ວນຊຸກຍູ້ການພັດທະນາເສດຖະກິດ - ສັງຄົມຢູ່ເຂດຊາຍແດນ ຫວຽດນາມ - ລາວ.
ດີງເລື້ອງ
