ຄວາມພາກພູມໃຈມາເຖິງບ້ານທຸກຍາກ
ຜູ້ທີ່ເຄີຍໄປດັກຈຶງ (ເຊກອງ, ລາວ) ເລົ່າຄືນວ່າ, ໃນເມື່ອກ່ອນ, ສະຖານທີ່ແຫ່ງນີ້, ໃນເວລາກາງຄືນ ຢ້ານທີ່ສຸດ ແມ່ນຄວາມຮູ້ສຶກມິດງຽບຢູ່ໃນປ່າກວ້າງໃຫຍ່ຮົກເຮື້ອວ່າງເປົ່າ, ມີແຕ່ລົມ ແລະ ສຽງແມງໄມ້. ແຕ່ມື້ນີ້ ເມືອງດັກຈຶງ ແມ່ນແຕກຕ່າງແລ້ວ. ເມື່ອເວລາກາງຄືນ, ເມືອງນ້ອຍໆນີ້ປະກົດແສງໄຟທີ່ຫຍິບຍັບ ແລະ ຫຼາກສີສັນ. ແວ່ຮ້ານກາເຟ, ດົນຕີຫວຽດນາມ, ດົນຕີລາວທີ່ດັງກ້ອງກັງວານຢູ່ໃນແສງໄຟທີ່ແຈ້ງສະຫວ່າງ.
 |
| ຕາຂ່າຍໄຟຟ້າແກ່ຍາວຈາກ ນາມຢາງ ເພື່ອສະໜອງກະແສໄຟຟ້າໃຫ້ເມືອງດັກຈຶງ, ຝ່າຍລາວ. ພາບ: CTV |
ເມືອງດັກຈຶງ (ແຂວງເຊກອງ, ລາວ) ມີ 500 ກວ່າຄອບຄົວໃນ 4 ຕາແສງ ໄດ້ຊົມໃຊ້ໄຟຟ້າທີ່ຊື້ຈາກບໍລິສັດໄຟຟ້າກວາງນາມ (PC ກວາງນາມ). ນັບແຕ່ວັນທີ 16 ທັນວາ 2009, ປະຊາຊົນເມືອງດັກຈຶງ ໄດ້ໃຊ້ໄຟຟ້າຈາກຫວຽດນາມ. ທ່ານ Busi (ດັກຈຶງ) ໃຫ້ຮູ້ວ່າ: “ເມື່ອຍັງບໍ່ມີໄຟຟ້າຊົມໃຊ້, ເຂດຊາຍແດນນ້ຳຢາງ - ດັກຈຶງ ເກືອບຄືວ່າຖືກໂດດດ່ຽວ, ປະຊາຊົນດຳລົງຊີວິດໃນສະພາບປິດລ້ອມ. ບໍ່ມີໃຜກ້າທີ່ຈະຝັນວ່າມື້ຫນຶ່ງຈະມີໄຟຟ້າ. ແຕ່ວ່າຄວາມພູມໃຈໄດ້ມາເຖິງແບບບໍ່ຄາດຄິດ ຄື “ຂໍໄດ້ດັ່ງຄວາມຝັນ” ເມື່ອບໍລິສັດໃຫຍ່ໄຟຟ້າພາກກາງຕັດສິນໃຈລົງທຶນປະມານ 30 ຕື້ດົ່ງ, ນຳສາຍໄຟ 22 kV ເກືອບ 100 ກິໂລແມັດທີ່ນໍາເອົາໄຟຟ້າຈາກເຂດສາມແຍກ ເບັນຢັງ ເມືອງ ນາມຢາງ ມາຍັງຊາຍແດນ. ຫລາຍລຸ້ນຄົນມານີ້ ບ້ານເກີດຂອງຂ້າພະເຈົ້າໄດ້ປະສົບກັບຄວາມທຸກຍາກ, ຊີວິດການເປັນຢູ່ຮັດກຸມ, ຫຍຸ້ງຍາກເພາະບໍ່ມີໄຟຟ້າໃຊ້. ນັບແຕ່ມື້ມີການເປີດປະຕູດ່ານຊາຍແດນດາກຕະອອກ, ຖະໜົນຫົນທາງໄດ້ຮັບການປັບປຸງ ແລະ ເປີດກວ້າງ, ພິເສດແມ່ນນັບແຕ່ມື້ມີໄຟຟ້າໃຊ້, ຊີວິດການເປັນຢູ່ຂອງປະຊາຊົນໄດ້ປ່ຽນແປງຫຼາຍຢ່າງ.
ທ້າວ ເລືອງບາງ - ຮອງຫົວໜ້າໜ່ວຍຄຸ້ມຄອງໄຟຟ້າສັງລວມ ນາມຢາງ (ກວາງນາມ) ຖືວ່າ: ນະໂຍບາຍຮ່ວມມືກໍ່ສ້າງບັນດາໂຮງງານໄຟຟ້ານ້ຳຕົກ ແລະ ຊື້ຂາຍໄຟຟ້າຂ້າມຊາຍແດນ ແມ່ນໜຶ່ງໃນບັນດາບຸລິມະສິດຂອງສອງປະເທດ. ເພື່ອໃຫ້ໄຟຟ້າໄປເຖິງປະຊາຊົນ ດັກຈຶງ ຕ້ອງຜ່ານ 5 ໝໍ້ແປງໄຟຟ້າ ດ້ວຍສາຍສົ່ງເກືອບ 150 ກິໂລແມັດ ໄປທົ່ວເຂດພູປ່າ ເຊິ່ງຖືກໄພຈາກດິນເຈື່ອນ, ຟ້າຜ່າ ແລະ ໄພຈາກຕົ້ນໄມ້ປ່າເປັນປະຈຳ. ສະນັ້ນ, ໜ່ວຍຄຸ້ມຄອງໄຟຟ້ານາມຢາງ ຕ້ອງອອກແຮງຢ່າງລຳບາກ ເພື່ອຮັກສາຕາຂ່າຍໄຟຟ້າໃຫ້ປອດໄພ, ຮັບປະກັນຄວາມເຊື່ອໝັ້ນຂອງການສະໜອງໄຟຟ້າໃຫ້ເມືອງຂອງປະເທດລາວ”.
 |
| ພະນັກງານໄຟຟ້າ ແດນສະຫວັນ ພວມປະຕິບັດໜ້າທີ່ຢູ່ສະຖານີໄຟຟ້າ. ພາບ: ຫງອກຖໍ້ |
ມາຮອດປະຈຸບັນ, ໄຟຟ້າຈາກກວາງນາມ ໄດ້ປະກອບສ່ວນຊຸກຍູ້ການພັດທະນາເສດຖະກິດ - ສັງຄົມ ໃຫ້ເມືອງດັກຈຶງ ແລະ ອຳນວຍຄວາມສະດວກດ້ານການຄ້າຢູ່ເຂດຊາຍແດນສອງປະເທດ, ຮັບໃຊ້ການກໍ່ສ້າງບັນດາໂຄງການໄຟຟ້ານ້ຳຕົກ ຢູ່ແມ່ນໍ້າເຊກະໝານ ແລະ ສ້າງຕັ້ງເຂດແລວຕາເວັນຕົກຕາເວັນອອກທີສອງ, ເຊື່ອມຕໍ່ບັນດາແຂວງພາກຕາເວັນອອກສ່ຽງເໜືອຂອງໄທ, ກຳປູເຈຍ ແລະ ບັນດາແຂວງພາກໃຕ້ຂອງລາວກັບທະເລຕາເວັນອອກຫວຽດນາມ, ສ້າງການພົວພັນເຊື່ອມຕໍ່ລະຫວ່າງ ສອງປະເທດຫວຽດນາມ - ລາວ.
ຊີວິດການເປັນຢູ່ຄ່ອຍໆດີຂຶ້ນຍ້ອນ… ໄຟຟ້າ
ຈາກດ່ານຊາຍແດນແດນສະຫວັນຂອງລາວ, ປະຊາຊົນທີ່ມາຢ້ຽມຢາມເມືອງເຊໂປນ, ແຂວງສະຫວັນນະເຂດມີຄວາມປະທັບໃຈກັບແຕ່ລະແຖວເສົາໄຟຟ້າທີ່ສູງ, ຕັ້ງຊື່ຢູ່ສອງຟາກທາງຂອງບ້ານແດນສະຫວັນ. ຫຼາຍຄົນໃຫ້ຄວາມເຫັນວ່າ "ຢູ່ນີ້, ໄຟຟ້າພວມກ້າວໄປກ່ອນກ້າວໜຶ່ງ!".
ສະຖານີໄຟຟ້າໄລຍະກາງ 35/22kV ແດນສະຫວັນ ໄດ້ເປີດໃຫ້ບໍລິການຢ່າງເປັນທາງການໃນປີ 1998. ຫົວໜ້າສະຖານີໄຟຟ້າ ວ່າງສະວົງ ແບ່ງປັນວ່າ: ສະຖານີໄຟຟ້າແດນສະຫວັນ ໄດ້ຮັບການກໍ່ສ້າງຍ້ອນການຮ່ວມມືຂອງລັດວິສາຫະກິດໄຟຟ້າຫວຽດນາມ ແລະ ລາວ. ອຸປະກອນທີ່ທັນສະໄຫມທີ່ສຸດ ແລະ ໝໍ້ແປງໄຟຟ້າ 6.300 kVA ແມ່ນລ້ວນແຕ່ໄດ້ຮັບການສະຫນັບສະຫນູນ ແລະ ໃຫ້ກູ້ຢືມໂດຍບໍລິສັດໄຟຟ້າ ແຂວງກວາງຈິ.
 |
| ມຸມໜຶ່ງຂອງເມືອງດັກຈຶງ (ເຊກອງ, ລາວ). |
ທ່ານ ຊານເພັດ ອອກແຕ່ງ - ນາຍບ້ານ ແດນສະຫວັນ ໃຫ້ຮູ້ວ່າ: ຈຳນວນຄອບຄົວໃນບ້ານມີ 319 ຄອບຄົວດ້ວຍ 1.858 ຄົນ. ກ່ອນທີ່ຈະມີໄຟຟ້າໃຊ້, ມີເກືອບ 200 ຄອບຄົວທຸກຍາກ, ນັບແຕ່ມີໄຟຟ້າຈາກຫວຽດນາມ, ຈຳນວນຄອບຄົວທຸກຍາກມີພຽງ 80 ຄອບຄົວ. ຄາດວ່າໃນສອງສາມປີຂ້າງໜ້າ, ຄອບຄົວເຫຼົ່ານີ້ຈະຫຼຸດພົ້ນອອກຈາກຄວາມທຸກຍາກ.
ກ່ອນນີ້, ເຮືອນຂອງນາງ ຈູມມາລີ ຍັງບໍ່ມີໄຟຟ້າໃຊ້, ພຽງແຕ່ຄ້າຂາຍຜັກຢູ່ຕະຫຼາດ. ແຕ່ເມື່ອມີໄຟຟ້າ, ນາງກ້າກູ້ຢືມເງິນເພື່ອລົງທຶນສ້າງເຄື່ອງຜະລິດນ້ຳສະອາດ ແລະ ເຄື່ອງເຮັດນ້ຳກ້ອນ. ມີບາງມື້ອາກາດຮ້ອນ, ນາງຜະລິດນ້ຳ ແລະ ນ້ຳກ້ອນ ຂາຍໃຫ້ປະຊາຊົນບໍ່ທັນ. ທຸກໆມື້ ເກັບໄດ້ 200.000 ກີບ (520.000 ດົ່ງຫວຽດນາມ).
ເຮືອນອ້າຍ ອັວນດີ ໂພນສະຫວັນ ຕິດກັບແຄມທາງຂອງບ້ານ, ເຮືອນ 3 ຊັ້ນທີ່ໃຫຍ່ງາມ,ຕິດກັບນັ້ນເປັນໂຮງສີເຂົ້າ, ກວ້າງປະມານ 100 ແມັດກະເລ ທີ່ເຕັມໄປດ້ວຍຖົງເຂົ້າສານພ້ອມກັບກໍາມະກອນສີບປາຍຄົນກໍາລັງເຮັດວຽກ. ອ້າຍ ອັວນດີ ໂພນສະຫວັນ ໃຫ້ຮູ້ວ່າຖ້າໃຊ້ເຄື່ອງປັ່ນໄຟຄືເມື່ອກ່ອນ, ເດືອນໜຶ່ງເສຍປະມານ 1.5 ລ້ານກີບ (4 ລ້ານດົງຫວຽດນາມ), ລົບຄ່າແຮງງານ, ຂົນສົ່ງ... ຈະໄດ້ກໍາໄລໜ້ອຍ, ດຽວນີ້ແຕ່ລະເດືອນຈ່າຍໃຫ້ບໍລິສັດໄຟຟ້າສະຫວັນນະເຂດ 300.000 ກີບ (800.000 ດົງຫວຽດນາມ) ເດືອນໜຶ່ງໄດ້ກໍາໄລ 5 ລ້ານກີບ (13 ລ້ານດົງຫວຽດນາມ). ຄອບຄົວຂອງລາວຊື້ລົດກະບະໄດ້ຄັນໜຶ່ງແລ້ວ ເພື່ອຂົນເຄື່ອງໄປທົ່ວທຸກບ່ອນ.
ທ່ານ ວົງສະຫວັນ - ຫົວໜ້າສະຖານີໄຟຟ້າໄລຍະກາງແດນສະຫວັນ ສະແດງຄວາມຕື້ນຕັນໃຈ: ທັງສະຖານີໄຟຟ້າ ແດນສະຫວັນ ມີພະນັກງານທັງໝົດ 6 ຄົນ. ມີຫຼາຍຄັ້ງທີ່ຝົນຕົກ ແລະ ມີລົມແຮງ, ສະຖານີໄຟຟ້າໄດ້ເກີດເຫດຂັດຂ້ອງ, ພະນັກງານສ່ວນຫຼາຍແມ່ນໄວໜຸ່ມ ແລະ ບໍ່ມີປະສົບການຫຼາຍ. ເມື່ອພວກຂ້າພະເຈົ້າ ຮ້ອງຂໍຄວາມຊ່ວຍເຫຼືອ, ຝ່າຍຫວຽດນາມ ກໍໄດ້ສົ່ງວິສະວະກອນ ແລະ ຄົນງານຂຶ້ນພູລົງຫ້ວຍ, ເດີນເຮືອ, ຂ້າມຝົນຂ້າມລົມມາພ້ອມກັບພວກເຮົາເພື່ອແກ້ໄຂເຫດຂັດຂ້ອງ. ຈາກສຸດໃຈຂອງພວກຂ້າພະເຈົ້າ, ພວກຂ້າພະເຈົ້າສະແດງຄວາມຂອບອົກຂອບໃຈຕໍ່ການກະທຳອັນສູງສົ່ງ ແລະ ຄວາມຮັກແພງຂອງໝູ່ເພື່ອນໄຟຟ້າຫວຽດນາມ.
ຄຳຮຸ່ງ
