 |
ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ກ່າວຄຳເຫັນທີ່ການສົນທະນາ. ພາບ: NG |
ການສົນທະນາໄດ້ດຳເນີນໃນໂອກາດສະເຫຼີມສະຫຼອງ 78 ປີແຫ່ງວັນສ້າງຕັ້ງອົງການການທູດຫວຽດນາມ 28 ສິງຫາ 1945 - 28 ສິງຫາ 2023, ໃນສະພາບທີ່ທົ່ວປະເທດພວມມານະພະຍາຍາມປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງພັກ, ກະກຽມຈັດກອງປະຊຸມການທູດຄັ້ງທີ 32 ແລະ ກອງປະຊຸມການຕ່າງປະເທດແຫ່ງຊາດຄັ້ງທີ 21.
ບັນດານັກປາຖະກະຖາ: ທ່ານເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການມິດຕະພາບ ຫວຽດນາມ; ທ່ານເອກອັກຄະລັດຖະທູດ ທ່ານ ດັ້ງດີ່ງກູຍ ອະດີດຮອງລັດຖະມົນຕີກະຊວງການຕ່າງປະເທດ ໄດ້ຊີ້ແຈ້ງ ແລະ ໄຈ້ແຍກຢ່າງເລິກເຊິ່ງ ແລະ ຮອບດ້ານກ່ຽວກັບຮີດຄອງປະເພນີອັນສະຫງ່າງາມຂອງການທູດຫວຽດນາມ ໃນປະຫວັດສາດ ແລະ ປະຈຸບັນ.
ກ່າວຄຳເຫັນຢູ່ທີ່ນີ້, ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທງເຊີນ ຖືວ່າ, ໃນສະພາບການໃໝ່, ໜ້າທີ່ສ້າງພື້ນຖານການທູດນຳໜ້າ, ຮອບດ້ານ, ທັນສະໄໝ, ຮັບໃຊ້ປະເທດຊາດ ໃນພາລະກິດສ້າງສາ ແລະ ປົກປັກຮັກສາປະເທດຊາດ ຍິ່ງຮີບດ່ວນກວ່າເວລາໃດໝົດ. ຂະແໜງການທູດຍິ່ງຕ້ອງຮ່ວມແຮງຮ່ວມໃຈ, ເປັນຈິດໜຶ່ງໃຈດຽວກັນ, ຕັດສິນໃຈສ້າງຖັນແຖວພະນັກງານການທູດທີ່ມີຄຸນນະທາດດ້ານການເມືອງ, ມີລະດັບວິຊາຊີບສູງ. ທີ່ການໂອ້ລົມສົນທະນາ, ບັນດານັກປະຖະກະຖາໄດ້ສະເໜີມາດຕະການ ເພື່ອປຸກລຸກ ແລະ ເສີມຂະຫຍາຍຄຸນນະທາດ, ການປະດິດຄິດສ້າງ, ເປັນເຈົ້າການຮັບມື, ເສີມຂະຫຍາຍບົດບາດນຳໜ້າຂອງການທູດ; ສ້າງແບບຢ່າງພະນັກງານການທູດທັນສະໄໝ, ເປັນເຈົ້າການປະດິດຄິດສ້າງ, ມານະພະຍາຍາມຜ່ານຜ່າຄວາມຫຍຸ້ງຍາກ, ສິ່ງທ້າທາຍ.
ດີງເລື້ອງ
