ເຈົ້າໜ້າທີ່ ແຂວງ ສະຫວັນນະເຂດ ທ່ານໜຶ່ງໃຫ້ຮູ້ວ່າ ຝົນຕົກໜັກຢ່າງຕໍ່ເນື່ອໃນສອງສາມມື້ຜ່ານມາ ໄດ້ເຮັດໃຫ້ຫລາຍບ້ານໃນແຂວງນີ້ ເກີດມີນໍ້າຖ້ວມ, ເຮັດໃຫ້ເນື້ອທີ່ປູກຝັງ ແລະ ໜອງປາຫລາຍໜອງ ຖືກຈົມຢູ່ໃຕ້ນໍ້າ. ຢູ່ເມືອງອາດສະພອນ, ມີ 5.100 ກວ່າຄອບຄົວໃນ 28 ບ້ານພວມຖືກຜົນສະທ້ອນ.
ກົມອຸຕຸນິຍົມ ແລະ ອຸທົກກະສາດ ຂອງລາວ ໃຫ້ຮູ້ວ່າ: ຄາດວ່າ ຈະມີຝົນຕົກໜັກຢູ່ບັນດາແຂວງພາກກາງ ແລະ ພາກໃຕ້ຂອງລາວ, ເຮັດໃຫ້ລະດັບນໍ້າໃນແມ່ນໍ້າຂອງສືບຕໍ່ເພີ່ມຂຶ້ນ ແລະ ອາດຈະລົ້ນຝັ່ງ. ປັດຈຸບັນ ລະດັບນໍ້າໃນແມ່ນໍ້າປະກັນ ແລະ ຫີນບູນ ແຂວງຄໍາມ່ວນ, ແມ່ນໍ້າເຊຈໍາພອນ ແຂວງສະຫວັນນະເຂດ ພາກກາງຂອງລາວ ແລະ ແມ່ນໍ້າເຊໂດນ ແຂວງຈໍາປາສັກ ພາກໃຕ້ຂອງລາວ ຢູ່ໃນລະດັບສູງຂີດອັນຕະລາຍ.
ກົມອຸຕຸນິຍົມ ແລະ ອຸທົກກະສາດ ຂອງລາວ ແຈ້ງເຕືອນປະຊາຊົນໃນເຂດນີ້ ຕ້ອງປ້ອງກັນ ເເລະ ມີສະຕິ ລະວັງຕົວຕໍ່ກັບໄພອັນຕະລາຍທີ່ອາດຈະເກີດດິນເຊາະເຈື່ອນ ແລະ ນໍ້າຖ້ວມ ເນື່ອງຈາກຝົນຕົກໜັກໃນ 1-2 ມື້ຕໍ່ໜ້າ, ຂໍໃຫ້ປະຊາຊົນຕິດຕາມພະຍາກອນອາກາດ ແລະ ລະດັບນ້ຳ ໂດຍກົມອຸຕຸນິຍົມ ແລະ ອຸທົກກະສາດ ສະໜອງຢ່າງໃກ້ຊິດ ເພື່ອອາດຈະຂຶ້ນແຜນການກະກຽມໃນກໍລະນີຮີບດ່ວນ ຖ້າຈໍາເປັນ.
ດີງເລື້ອງ
