ນາຍົກລັດຖະມົນຕີຫວຽດນາມ ທ່ານ ຟ້າມມິງຈິ້ງ ໄດ້ໂທລະສັບສະແດງຄວາມຊົມເຊີຍ ທ່ານນາຍົກລັດຖະມົນຕີ Samdech Techo Hun Sen. ທ່ານປະທານສະພາແຫ່ງຊາດຫວຽດນາມ ຫວືອງດິ່ງເຫ້ວ ໄດ້ສົ່ງຈົດໝາຍສະແດງຄວາມຊົມເຊີຍເຖິງທ່ານປະທານສະພາແຫ່ງຊາດ ກຳປູເຈຍ Samdech Heng Samrin.
 |
| ປະທານ CPP, ທ່ານນາຍົກລັດຖະມົນຕີ Hun Sen ແລະ ພັນລະຍາ ກັບນິ້ວຊີ້ທີ່ໄດ້ຈ້ຳດ້ວຍໝຶກ, ເປັນຂີດໝາຍການສຳເລັດສິດ ແລະ ພັນທະເລືອກຕັ້ງຂອງຕົນເອງ. ພາບ: ກວາງແອງ/ນັກຂ່າວTTXVN ປະຈຳ ກຳປູເຈຍ |
ດ້ວຍນ້ຳໃຈຄວາມຮັກແພງຕິດພັນກັນສະໜິດສະໜົມ, ທ່ານເລຂາທິການໃຫຍ່ ຫງວຽນຝູຈ້ອງ ແລະ ບັນດາການນຳພັກ, ການນຳ ປະເທດຫວຽດນາມ ໄດ້າະແດງຄວາມຊົມເຊີຍຢ່າງສຸດອົກສຸດໃຈຕໍ່ ກຳປູເຈຍ ທີ່ໄດ້ດຳເນີນການເລືອກຕັ້ງສະພາແຫ່ງຊາດຊຸດທີ 7 ຢ່າງສຳເລັດຜົນ, ພິເສດແມ່ນມາດຕາສ່ວນຜູ້ມີສິດເລືອກຕັ້ງທີ່ອອກໄປໃຊ້ສິດເລືອກຕັ້ງສູງ, ການເລືອກຕັ້ງດຳເນີນໄປຢ່າງປອດໄພ, ເສລີ ແລະ ຍຸຕິທຳ, ສະແດງໃຫ້ເຫັນຄວາມເຊື່ອໝັ້ນຂອງຜູ້ມີສິດເລືອກຕັ້ງກຳປູເຈຍ ໃນການພັດທະນາປະເທດຊາດໃນອະນາຄົດ.
ແຕ່ກ່ອນນັ້ນ, ໃນວັນທີ 25 ກໍລະກົດ, ທີ່ການຕອບສຳພາດຂອງນັກຂ່າວກ່ຽວກັບທັດສະນະຂອງຫວຽດນາມກ່ຽວກັບຜົນການເລືອກຕັ້ງສະພາແຫ່ງຊາດກຳປູເຈຍ ຊຸດທີ 7 ນັ້ນ, ທ່ານນາງ ຝ້າມທູຮັ່ງ ໂຄສົກກະຊວງການຕ່າງປະເທດຫວຽດນາມ ໃຫ້ຮູ້ວ່າ: ໃນຖານະເປັນປະເທດບ້ານໃກ້ເຮືອນຄຽງຂອງກຳປູເຈຍ ແລະ ສະມາຊິກອາຊຽນ, ຫວຽດນາມ ຍາມໃດກໍປາດຖະໜາໃຫ້ກຳປູເຈຍມີສັນຕິພາບ, ສະຖຽນລະພາບ ແລະ ພັດທະນາຢ່າງຈະເລີນຮຸ່ງເຮືອງ; ການພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ ຫວຽດນາມ - ກຳປູເຈຍ ນັບມື້ນັບພັດທະນາຢ່າງດີງາມ ເພື່ອຜົນປະໂຫຍດຂອງປະຊາຊົນ 2 ປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ. ບົນຈິດໃຈນັ້ນ, ຫວຽດນາມ ໄດ້ຊົມເຊີຍ ກຳປູເຈຍ ທີ່ໄດ້ດຳເນີນການເລືອກຕັ້ງສະພາແຫ່ງຊາດ ຊຸດທີ 7 ໃນວັນທີ 23 ກໍລະກົດ 2023 ຢ່າງສຳເລັດຜົນ.
ດີງເລື້ອງ
