ຕອນບ່າຍວັນທີ 18 ກໍລະກົດ, ທ່ານຮອງນາຍົກລັດຖະມົນຕີ ເຈີ່ນຮົ່ງຮ່າ ໄດ້ໃຫ້ການຕ້ອນຮັບທ່ານ Angela Pratt, ຫົວໜ້າຜູ້ຕາງໜ້າອົງການອະນາໄມໂລກ (WHO) ປະຈຳ ຫວຽດນາມ.
ຊົມເຊີຍທ່ານນາງ Angela Pratt ທີ່ດຳລົງຕຳແໜ່ງໃໝ່ຢູ່ຫວຽດນາມ, ທ່ານຮອງນາຍົກລັດຖະມົນຕີ ໄດ້ຕີລາຄາສູງບົດບາດການປະສານງານຂອງ WHO ໃນສະພາບການທີ່ໂລກພວມປະເຊີນໜ້າກັບບັນດາສິ່ງທ້າທາຍກ່ຽວກັບພະຍາດ. ການໜູນຊ່ວຍຂອງ WHO ປະກອບສ່ວນໜູນຊ່ວຍຫວຽດນາມ ປະສົບຜົນສຳເລັດໃນການຕ້ານ, ສະກັດກັ້ນພະຍາດໂຄວິດ-19 ແລະກາຍເປັນໜຶ່ງໃນບັນດາປະເທດທີ່ຈະເປີດປະຕູໄວພາຍຫຼັງການແຜ່ລະບາດຂອງພະຍາດ.
 |
ທ່ານຮອງນາຍົກລັດຖະມົນຕີ ໃຫ້ຮູ້ວ່າ ຫວຽດນາມ ຢາກໄດ້ WHO ໜູນຊ່ວຍເພື່ອຮັບມືກັບບັນດາສິ່ງທ້າທາຍໃໝ່ດ້ານສາທາລະນະສຸກ, ພິເສດແມ່ນຍົກສູງກຳລັງຄວາມສາມາດຂອງລະບົບສາທາລະນະສຸກຮາກຖານ; ພ້ອມກັນນັ້ນ, ຕັ້ງໜ້າແກ້ໄຂບັນດາຄວາມຂາດເຂີນພື້ນຖານ ແລະຂໍ້ຄົງຂ້າງກ່ຽວກັບນະໂຍບາຍປະກັນໄພສຸຂະພາບ, ເບິ່ງແຍງດຸແລສຸຂະພາບຂອງປະຊາຊົນດ້ວຍບົດບາດຊັກນຳຂອງລັດ ແລະການເຂົ້າຮ່ວມຢ່າງຕັ້ງໜ້າຂອງວິສາຫະກິດ.
ຕາມທ່ານຮອງນາຍົກລັດຖະມົນຕີແລ້ວ, ການປ່ຽນແປງຂອງດິນຟ້າອາກາດ ແລະ ພະຍາດຄື COVID-19 ແມ່ນໜຶ່ງໃນບັນດາມາດຕະການແບບຍືນຍົງຂອງຮູບແບບການພັດທະນາໃນໂລກໃນທຸກວັນນີ້. ດ້ວຍເຫດນັ້ນ, ມັນສະແດງໃຫ້ເຫັນວ່າ, ແມ່ນຄວາມຈຳເປັນອັນຮີບດ່ວນທີ່ຈະສຸມແຫຼ່ງກຳລັງເພື່ອຮັບມືກັບສິ່ງທ້າທາຍແບບຍືນຍົງໃນອະນາຄົດ.
ບົດຮຽນຂອງການປ້ອງກັນ ແລະ ຄວບຄຸມພະຍາດໂຄວິດ-19 ສະແດງໃຫ້ເຫັນວ່າ, ໂລກບໍ່ສາມາດຕ້ານການແຜ່ລະບາດຂອງພະຍາດໄດ້ຢ່າງສຳເລັດຜົນ ຖ້າຫາກຍັງມີປະເທດທີ່ຍັງບໍ່ທັນຄວບຄຸມການແຜ່ລະບາດ, ໃນນັ້ນວັກແຊງແມ່ນອາວຸດຍຸດໂທປະກອນທີ່ສຳຄັນໃນການຕ້ານການແຜ່ລະບາດ. ສະນັ້ນ, ທຸກປະເທດຕ້ອງແບ່ງປັນແຫຼ່ງຢາວັກແຊງໃຫ້ເທົ່າທຽມກັນເພື່ອຕ້ານການແຜ່ລະບາດໃຫ້ສຳເລັດຜົນ.
ທ່ານຮອງນາຍົກລັດຖະມົນຕີ ສະເໜີ WHO ສືບຕໍ່ໜູນຊ່ວຍຫວຽດນາມ ເຂົ້າເຖິງບັນດາຜະລິດຕະພັນການແພດ, ຢາ, ຜະລິດຕະພັນຊີວະພາບ, ວັກຊິນທີ່ມີຄຸນນະພາບ, ລາຄາສົມເຫດສົມຜົນ, ໂດຍສະເພາະແມ່ນວັກຊິນທີ່ຂາດເຂີນໃນລາຍການສັກວັກຊິນເປີດກວ້າງ.
ທ່ານຮອງນາຍົກລັດຖະມົນຕີ ເຈີ່ນຮົ່ງຮ່າ ໄດ້ແລກປ່ຽນກັບທ່ານນາງ Angela Pratt ກ່ຽວກັບບາງບັນຫາລະອຽດ, ຄື: ການຮັບມືກັບບັນດາພະຍາດທີ່ເກີດຂຶ້ນຈາກມົນລະພິດສິ່ງແວດລ້ອມ ແລະແຫຼ່ງນ້ຳ; ການປ້ອງກັນ ແລະຄວບຄຸມອັນຕະລາຍຂອງຢາສູບ; ຍົກເວັ້ນສິ່ງກີດຂວາງໃນການເຂົ້າເຖິງ ແລະຖ່າຍທອດເຕັກໂນໂລຊີໃນການຜະລິດວັກຊິນ, ວັດຖຸດິບ ແລະຢາສຳເລັດຮູບ, ການຄວບຄຸມຄຸນນະພາບຂອງຢາ, ການປະມູນຢາ...
ຜູ້ຕາງໜ້າ WHO ຕີລາຄາສູງ ແລະຂອບໃຈຫວຽດນາມ ທີ່ຕັ້ງໜ້າເຂົ້າຮ່ວມບັນດາລາຍການ ແລະແຜນການຮັກສາສຸຂະພາບໃນອະນາຄົດ; ໃຫ້ຄໍາໝັ້ນສັນຍາທີ່ຈະບັນລຸເປົ້າໝາຍທີ່ກ່ຽວຂ້ອງກັບການປ່ຽນແປງຂອງດິນຟ້າອາກາດ.
ຄຳຮຸ່ງ
