| ຄະນະກູ້ໄພຫວຽດນາມ ໄດ້ຕີລາຄາສູງຈາກຕວກກີ ແລະ ເພື່ອນມິດສາກົນ ສຳຫຼັບຄວາມສາມາດ ແລະ ນ້ຳໃຈເຮັດວຽກ | |
| ລັດຖະມົນຕີກະຊວງຕຳຫຼວດ ຫວຽດນາມ ຕ້ອນຮັບເອກອັກຄະລັດຖະທູດ ກາຕາ ປະຈຳ ຫວຽດນາມ |
ໂດຍໄດ້ຮັບຄຳເຊີນຈາກທ່ານລັດຖະມົນຕີກະຊວງພາຍໃນ ອີຕາລີ Matteo Piantedosi, ຄະນະຜູ້ແທນຂັ້ນສູງກະຊວງຕຳຫຼວດ ຫວຽດນາມ ໂດຍທ່ານພົນເອກ ໂຕເລິມ, ກຳມະການກົມການເມືອງ, ລັດຖະມົນຕີ ເປັນຫົວໜ້າຄະນະ ໄດ້ໄປຢ້ຽມຢາມ ແລະ ເຮັດວຽກຢູ່ ສ.ອີຕາລີ ແຕ່ວັນທີ 17-19 ກໍລະກົດ. ໃນຂອບເຂດການຢ້ຽມຢາມ, ທ່ານລັດຖະມົນຕີ ໂຕເລິມ ໄດ້ພົບປະເຈລະຈາກັບລັດຖະມົນຕີກະຊວງພາຍໃນ ອີຕາລີ ແລະ ລັດຖະມົນຕີກະຊວງຍຸຕິທຳ ອີຕາລີ.
ການລົງນາມໃນ "ສັນຍາວ່າດ້ວຍການຮ່ວມມືຕ້ານອາດຊະຍາກຳ" ຂອງສອງຝ່າຍໃນປີ 2014 ໄດ້ສ້າງພື້ນຖານໃຫ້ແກ່ການເພີ່ມທະວີການຮ່ວມມືປ້ອງກັນ ແລະ ຕ້ານອາດຊະຍາກຳ.
 |
ກະຊວງຕຳຫຼວດຫວຽດນາມ ໄດ້ສົ່ງນາຍທະຫານຫຼາຍຄົນເຂົ້າຮ່ວມບັນດາຊຸດຝຶກອົບຮົມ, ຍົກສູງກຳລັງຄວາມສາມາດປ້ອງກັນ, ຕ້ານອາດຊະຍາກຳໂດຍການຈັດຕັ້ງຂອງກະຊວງພາຍໃນອີຕາລີ, ພ້ອມກັນນັ້ນເຂົ້າຮ່ວມບັນດາຊຸດອົບຮົມບຳລຸງສ້າງໂດຍລັດຖະບານອີຕາລີ.
ທີ່ບັນດາການພົບປະເຈລະຈາ, ທ່ານລັດຖະມົນຕີ ໂຕເລິມ ຢືນຢັນວ່າ, ຫວຽດນາມ ພ້ອມແລ້ວຈະເປັນຂົວເຊື່ອມຕໍ່ລະຫວ່າງ ອີຕາລີ ແລະ ອາຊຽນ, ໜູນຊ່ວຍ ອີຕາລີ ເຂົ້າຮ່ວມບັນດາກົນໄກຮ່ວມມືຢູ່ພາກພື້ນ ອາຊີ - ປາຊີຟິກ; ຕັ້ງໜ້າສະໜັບສະໜູນ ອີຕາລີ ຢູ່ບັນດາເວທີປາໄສຫຼາຍຝ່າຍ. ພ້ອມກັບ “ສັນຍາຮ່ວມມືປ້ອງກັນ, ຕ້ານອາດຊະຍາກຳ” ລະຫວ່າງ 2 ປະເທດໃນປີ 2014, ບັນດາ “ສັນຍາພາຕົວ” ແລະ “ສັນຍາມອບສົ່ງຜູ້ຖືກຕັດສິນຈຳຄຸກ” ເຊິ່ງໄດ້ຮັບການລົງນາມໃນຄັ້ງນີ້ ຈະແມ່ນບັນດາເອກະສານສຳຄັນໃນການຮ່ວມມືປ້ອງກັນ, ຕ້ານອາດຊະຍາກຳລະຫວ່າງ ຫວຽດນາມ ແລະ ອີຕາລີ.
ຄຳຮຸ່ງ
