| ໜູນຊ່ວຍຍົກສູງປະສິດທິຜົນວຽກງານບຳບັດຜູ້ຕິດຢາເສບຕິດ ໃຫ້ແກ່ປະເທດລາວ | |
| ຍົກສູງຄວາມສາມາດໃນການສືບສວນ-ສອບສວນອາດຊະຍາກຳ ແລະ ຄວບຄຸມຢາເສບຕິດ ໃຫ້ແກ່ປະເທດລາວ |
ປັດຈຸບັນ ປະເທດລາວ ກໍາລັງປະເຊີນກັບໄພຂົ່ມຂູ່ຂອງຢາເສບຕິດ ແລະ ບັນຫານີ້ໄດ້ແຜ່ລາມໄປທົ່ວທຸກຫົນທຸກແຫ່ງ, ຈາກຕົວເມືອງໄປສູ່ຊົນນະບົດ ແລະ ເຂດຫ່າງໄກສອກຫຼີກ ໃນລະດັບທີ່ແຕກຕ່າງກັນ.
ລັດຖະບານລາວໄດ້ປະຕິບັດໂຄງການແຫ່ງຊາດ ເພື່ອແກ້ໄຂບັນຫາຢາເສບຕິດໄລຍະ 2021-2023. ມາຮອດປະຈຸບັນ, ບັນດາຂະແໜງການທີ່ກ່ຽວຂ້ອງໄດ້ສຸມໃສ່ປະຕິບັດ 6 ໜ້າທີ່ຂອງໂຄງການນີ້, ໂດຍສະເພາະ ແມ່ນຍົກສູງຄວາມຮັບຮູ້ໃນສັງຄົມຜ່ານການສຶກສາ, ເຜີຍແຜ່ກົດໝາຍ, ໂຄສະນາໃຫ້ປະຊາຊົນກ່ຽວກັບຜົນຮ້າຍຂອງຢາເສບຕິດ.
 |
ໃນ 6 ເດືອນຕົ້ນປີ 2023, ລາວແກ້ໄຂຄະດີຢາເສບຕິດໄດ້ 1.734 ຄະດີ ໃນຂອບເຂດທົ່ວປະເທດ, ຈັບ 2.635 ເປົ້າໝາຍພ້ອມກັບຢາເສບຕິດຫຼາຍປະເພດ.
ກຳລັງຕຳຫຼວດແຂວງໄຊຍະບູລີ ພາກເໜືອຂອງລາວ ຫາກໍຈັບຕົວ 6 ຄົນ ທີ່ກຳລັງຂົນສົ່ງຢາເສບຕິດປະເພດ methamphetamine 12 ລ້ານເມັດ.
ໜັງສືພິມປ້ອງກັນຄວາມສະຫງົບຂອງລາວ ໄດ້ລົງພິມບົດຄວາມວ່າ ພາຍຫຼັງໄດ້ຮັບຂໍ້ມູນຄະດີຄ້າຂົນສົ່ງຢາເສບຕິດແລ້ວ, ກຳລັງຕຳຫຼວດກໍໄດ້ຕິດຕາມຈັບຕົວຜູ້ຕ້ອງຫາທີ່ຂີ່ລົດກະບະ 2 ຄັນ ແລະ ລົດຈັກ 1 ຄັນ ຢູ່ກາງ ເມືອງງອຍ ແລະ ເມືອງຫົງສາ ແຂວງ ໄຊຍະບູລີ, ໂດຍໄດ້ຈັບຊາວລາວ 6 ຄົນ, ກັກຂອງກາງຢາເສບຕິດປະເພດ methamphetamine 12 ລ້ານເມັດ ແລະ ປືນ 01 ກະບອກພ້ອມກັບລູກປືນ 15 ລູກ. ໃນເບື້ອງຕົ້ນ, ຜູ້ຖືກຫາອ້າງວ່າ ໄດ້ຮັບເງິນຈາກຄົນໄທ ເພື່ອຂົນສົ່ງຢາເສບຕິດໄປຍັງນະຄອນຫຼວງວຽງຈັນ.
ຄຳຮຸ່ງ
