| ເສີມຂະຫຍາຍກຳລັງແຮງຊາວໜຸ່ມ ຮ່ວມແຮງຮ່ວມໃຈກັນກໍ່ສ້າງເຂດຊາຍແດນ ຫວຽດນາມ - ລາວ ສັນຕິພາບ, ມິດຕະພາບ, ຮ່ວມມື ແລະ ພັດທະນາ | |
| ການປະກອບສ່ວນຂອງອະດີດຮອງນາຍົກລັດຖະມົນຕີ ຫວູຄວານ ໃຫ້ແກ່ການພົວພັນຫວຽດນາມ - ລາວ |
ທີ່ກອງປະຊຸມ, ສອງຝ່າຍໄດ້ຕີລາຄາສັງລວມ ກ່ຽວກັບການພົວພັນ ຫວຽດນາມ - ລາວ ແລະ ໍແລກປ່ຽນທັດສະນະກ່ຽວກັບບັນດາບັນຫາສາກົນ ແລະ ພາກພື້ນທີ່ສອງຝ່າຍມີຄວາມສົນໃຈ.
ສອງຝ່າຍເຫັນດີສືບຕໍ່ສົມທົບກັນຢ່າງແໜ້ນແຟ້ນ ໃນການກະກຽມການຢ້ຽມຢາມຂັ້ນສູງ ແລະ ບັນດາກົນໄກຮ່ວມມືທີ່ສຳຄັນລະຫວ່າງສອງປະເທດໃນໄລຍະຈະມາເຖິງ; ພ້ອມກັນນັ້ນ, ກໍ່ສືບຕໍ່ສົມທົບກັນຢ່າງແໜ້ນແຟ້ນກັບບັນດາກະຊວງ, ຂະແໜງການ ແລະ ທ້ອງຖິ່ນຂອງສອງປະເທດ ເພື່ອແນໃສ່ຊຸກຍູ້ການປະຕິບັດບັນດາຂໍ້ຕົກລົງຂັ້ນສູງ.
ທ່ານຮອງລັດຖະມົນຕີ ໂດຮູ່ງຫວຽດ ຢືນຢັນວ່າ: ຫວຽດນາມ ຈະສົມທົບກັນຢ່າງແໜ້ນແຟ້ນ ແລະ ໜູນຊ່ວຍລາວ ສືບຕໍ່ດຳລົງຕຳແໜ່ງປະທານ ອາຊຽນ ໃນປີ 2024 ຢ່າງສຳເລັດຜົນ, ປະກອບສ່ວນຮັກສາຄວາມສາມັກຄີ ແລະ ບົດບາດໃຈກາງຂອງ ອາຊຽນ.
 |
ກ່ຽວກັບບັນຫາທະເລຕາເວັນອອກ, ສອງຝ່າຍໄດ້ເຫັນດີກັບບັນດາປະເທດອາຊຽນ ຮັກສາຫຼັກໝັ້ນຂອງອາຊຽນ ກ່ຽວກັບບັນຫາທະເລຕາເວັນອອກ, ແກ້ໄຂການຂັດແຍ່ງກັນໂດຍສັນຕິວິທີ, ເຄົາລົບກົດໝາຍສາກົນ ແລະ ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ 1982 (UNCLOS 1982); ປະຕິບັດ DOC ຢ່າງມີປະສິດທິຜົນ, ສູ້ຊົນບັນລຸໄດ້ COC ຢ່າງມີປະສິດທິຜົນໂດຍໄວ.
ກ່ຽວກັບການຮ່ວມມືລະຫວ່າງສອງກະຊວງການຕ່າງປະເທດ, 2 ຝ່າຍໄດ້ເຫັນດີເປັນເອກະພາບ ໃນການສືບຕໍ່ປະຕິບັດບັນດາຂໍ້ຕົກລົງຮ່ວມມືລະຫວ່າງ ສອງກະຊວງໄລຍະ 2021-2025; ຮັກສາ ແລະ ເສີມຂະຫຍາຍກົນໄກປຶກສາຫາລືຂັ້ນລັດຖະມົນຕີ ແລະ ຮອງລັດຖະມົນຕີຢ່າງສະໝ່ຳສະເໜີ; ເພີ່ມທະວີການແລກປ່ຽນຂໍ້ມູນຂ່າວສານ, ປະສົບການດ້ານວິຊາຊີບ ແລະ ການປະສານງານລະຫວ່າງສອງກະຊວງ, ໂດຍສະເພາະແມ່ນວຽກງານຄົ້ນຄວ້ານະໂຍບາຍ, ການທູດເສດຖະກິດ, ກົງສຸນ, ພົນລະເມືອງທີ່ອາໄສຢູ່ຕ່າງປະເທດ, ເຂດຊາຍແດນ ແລະ ວຽກງານບຳລຸງສ້າງ...
ກອງປະຊຸມປຶກສາຫາລືການເມືອງ ຄັ້ງທີ 8 ຂັ້ນຮອງລັດຖະມົນຕີການຕ່າງປະເທດຫວຽດນາມ ແລະ ລາວ ໄດ້ດຳເນີນໄປດ້ວຍບັນຍາກາດຈິງໃຈ ແລະ ກົງໄປກົງມາ. ສອງຝ່າຍໄດ້ເຫັນດີດຳເນີນກອງປະຊຸມປຶກສາຫາລືການເມືອງຂັ້ນຮອງລັດຖະມົນຕີການຕ່າງປະເທດ ຢູ່ຫວຽດນາມ ຄັ້ງທີ 9 ໃນປີ 2024.
ຄຳຮຸ່ງ
