| ຖະແຫຼງການຮ່ວມ ກ່ຽວກັບໝາກຜົນຂອງກອງປະຊຸມສາກົນ ກ່ຽວກັບວຽກງານສ້າງເສັ້ນຊາຍແດນລາວ-ຫວຽດນາມ | |
| ຫຼາຍບ້ານ ຢູ່ເຂດ ຊາຍແດນຫວຽດນາມ - ລາວ ຖືກຕັດແຍກ ຍ້ອນນໍ້າຖ້ວມ |
ທີ່ການໂອ້ລົມເຈລະຈາ, ການນຳ, ຜູ້ບັນຊາການ ແລະ ຄະນະຜູ້ແທນຂອງສອງປະເທດ ໄດ້ຢືນຢັນວ່າ ການສົມທົບລະຫວ່າງກຳລັງຄຸ້ມຄອງ ແລະ ປ້ອງກັນຊາຍແດນ ຫວຽດນາມ - ລາວ ເວົ້າລວມ ແລະ ນາຍທະຫານປ້ອງກັນຊາຍແດນໜຸ່ມ ເວົ້າສະເພາະ ນັບມື້ນັບໄດ້ຮັບການເພີ່ມທະວີ. ຄະນະນາຍທະຫານປ້ອງກັນຊາຍແດນໜຸ່ມ ໄດ້ປະຕິບັດໜ້າທີ່ເປັນເສນາທິການໃຫ້ຫົວໜ່ວຍບັນຊາການຂອງສອງປະເທດໃນການນຳພາ ແລະ ຊີ້ນຳວຽກງານການຕ່າງປະເທດຂອງທະຫານປ້ອງກັນຊາຍແດນເປັນຢ່າງດີ ຄື: ມີການໂອ້ລົມເຈລະຈາ, ພົບປະແລກປ່ຽນຂໍ້ມູນຂ່າວສານ ແລະ ການປະສານງານລະຫວ່າງກອງທັບສອງປະເທດ ໃນການປົກປັກຮັກສາ, ແກ້ໄຂບັນຫາຊາຍແດນຢ່າງເປັນປະຈຳ, ສົມທົບກັນໂຄສະນາເຜີຍແຜ່ໃຫ້ປະຊາຊົນປະຕິບັດຕາມຂໍ້ຕົກລົງ ກ່ຽວກັບລະບຽບການຄຸ້ມຄອງຊາຍແດນ ແລະ ດ່ານຊາຍແດນທາງບົກ; ອະນຸສັນຍາກ່ຽວກັບເສັ້ນຊາຍແດນ, ຫຼັກໝາຍຊາຍແດນ ແລະ ເອກະສານທີ່ກ່ຽວຂ້ອງຂອງລັດຖະບານສອງປະເທດໄດ້ລົງນາມ.
 |
ທີ່ການໂອ້ລົມເຈລະຈາ, ບັນດາຜູ້ແທນຂອງສອງຝ່າຍ ໄດ້ປຶກສາຫາລືເພື່ອຍົກໃຫ້ເຫັນໝາກຜົນພົ້ນເດັ່ນ, ວາງອອກວິທີແກ້ໄຂ ເພື່ອຍົກສູງຄຸນນະພາບການປະສານງານລະຫວ່າງກຳລັງທະຫານຊາຍແດນສອງປະເທດເວົ້າລວມ ແລະ ຖັນແຖວທະຫານປ້ອງກັນຊາຍແດນໜຸ່ມ ເວົ້າສະເພາະ.
ກ່າວຄຳເຫັນທີ່ການໂອ້ລົມເຈລະຈາ, ທ່ານພັນເອກ ຫງວຽນແທງຫາຍ ແລະ ທ່ານພັນເອກ ອຸ່ນຄຳ ສີແຫວນວົງສັກ ໄດ້ຊີ້ນຳນາຍທະຫານປ້ອງກັນຊາຍແດນໜຸ່ມ 2 ຝ່າຍປະຕິບັດການສົມທົບກັນໃນໄລຍະຈະມາເຖິງໃຫ້ເປັນຢ່າງດີ.
ພ້ອມກັນນັ້ນ, ກໍ່ເພີ່ມທະວີການເຄື່ອນໄຫວປະສານງານຂອງຖັນແຖວທະຫານປ້ອງກັນຊາຍແດນໜຸ່ມຢູ່ເຂດຊາຍແດນຢ່າງເປັນປະຈຳ, ຂົນຂວາຍປະຊາຊົນສອງຟາກຊາຍແດນ ເພື່ອຍົກສູງສະຕິເຄົາລົບກົດໝາຍ ແລະ ປະຕິບັດບັນດາເອກະສານນິຕິກຳກ່ຽວກັບຊາຍແດນ ແລະ ສັນຍາທີ່ກ່ຽວຂ້ອງທີ່ໄດ້ລົງນາມໂດຍການນຳຂອງສອງຝ່າຍ.
ຄຳຮຸ່ງ
