| ຄິດເຖິງ ອາວ ຫວູຄວານ | |
| ຫວີງຟຸກ ປຸກລະດົມການປະກວດອອນລາຍ “ຊອກຮູ້ກ່ຽວກັບການພົວພັນຫວຽດນາມ - ລາວ” |
ຕາມທ່ານ ສົມສະຫວາດ ເລັ່ງສະຫວັດ ແລ້ວ, ເມື່ອຫວຽດນາມ ເຂົ້າເປັນປະເທດສັງເກດການຂອງສະມາຄົມປະຊາຊາດອາຊີຕາເວັນອອກສຽງໃຕ້ (ອາຊຽນ) ພ້ອມກັບລາວ ໃນປີ 1992, ທ່ານ ຫວູຄວານ ໃນເວລານັ້ນ ເປັນຮອງລັດຖະມົນຕີກະຊວງການຕ່າງປະເທດ ຫວຽດນາມ ແລະ ໄດ້ຮັບຖືວ່າເປັນນັກຊ່ຽວຊານກ່ຽວກັບພາສາ ລັດເຊຍ - ໄດ້ເປັນເຈົ້າການໄປຮຽນພາສາອັງກິດ ເພື່ອຮັບໃຊ້ວຽກງານກັບບັນດາປະເທດອາຊຽນ. ເຖິງວ່າຮຽນພຽງເວລາສັ້ນໆ, ແຕ່ທ່ານ ຫວູຄວານ ກໍ່ສາມາດເວົ້າພາສາອັງກິດໄດ້ຢ່າງຄ່ອງແຄ້ວ, ບໍ່ແມ່ນໃນລະດັບການພົບປະໃນສັງຄົມແບບທຳມະດາເທົ່ານັ້ນ, ແຕ່ຍັງໄດ້ເຂົ້າໃຈຢ່າງເລິກເຊິ່ງ. ທ່ານ ສົມສະຫວາດ ເລັ່ງສະຫວັດ ກ່າວວ່າ ເພື່ອນມິດໃນອາຊຽນ ທຸກຄົນກໍລ້ວຍແຕ່ຍ້ອງ ທ່ານ ຫວູຄວານ.
ນອກຈາກນັ້ນ, ອີກສິ່ງໜຶ່ງທີ່ເຮັດໃຫ້ ທ່ານ ສົມສະຫວາດ ມີຄວາມປະທັບໃຈເປັນພິເສດ ຕໍ່ອະດີດຮອງນາຍົກລັດຖະມົນຕີ ຫວູຄວານ ແມ່ນທ່ານ ຫວູຄວານ ເປັນຄົນທີ່ມີທັກສະການສື່ສານດີ, ໃກ້ຊິດຕິດພັນ ແລະ ສຸດຈິດາຸດໃຈກັບໝູ່ເພື່ອນ. ຕາມທ່ານ ສົມສະຫວາດ ເລັ່ງສະຫວັດ ແລ້ວ, ນີ້ແມ່ນສິ່ງທີ່ເພື່ອນມິດໃນບັນດາປະເທດອາຊຽນ ເວົ້າສະເໝີ, ບໍ່ພຽງແຕ່ ທ່ານ ສົມສະຫວາດ ຄົນດຽວ.
 |
| ທ່ານ ສົມສະຫວາດ ເລັ່ງສະຫວັດ ອະດີດກຳມະການກົມການເມືອງ, ອະດີດຮອງນາຍົກລັດຖະມົນຕີ ສປປ.ລາວ |
ເມື່ອແບ່ງປັນກັບນັກຂ່າວສຳນັກຂ່າວສານຫວຽດນາມ ກ່ຽວກັບບັນດາການປະກອບສ່ວນຂອງ ທ່ານອະດີດຮອງນາຍົກລັດຖະມົນຕີ ຫວູຄວານ ໃນການພົວພັນ ລາວ-ຫວຽດນາມ, ທ່ານ ສົມສະຫວາດ ເລັ່ງສະຫວັດ ໃຫ້ຮູ້ວ່າ: ເມື່ອເປັນລັດຖະມົນຕີການຕ່າງປະເທດລາວ ໃນປີ 1993, ທ່ານສະເໜີໃຫ້ທ່ານ ຫວູຄວານ ແບ່ງປັນປະສົບການໃນດ້ານການທູດ. ທ່ານ ຫວູຄວານ ໄດ້ແບ່ງປັນຢ່າງກົງໄປກົງມາວ່າ ທັງທ່ານ ແລະ ທ່ານ ສົມສະຫວາດ ບໍ່ໄດ້ຮຽນວິຊາການການທູດຢ່າງເປັນທາງການ, ດັ່ງນັ້ນ ຕ້ອງອ່ານ, ສຶກສາ ແລະ ກຳແໜ້ນສົນທິສັນຍາສາກົນກ່ຽວກັບການພົວພັນສາກົນ, ວຽກງານກົງສຸນ ແລະ ກົດໝາຍສາກົນທີ່ກ່ຽວຂ້ອງ. ຖ້າບໍ່ມີຄວາມເຂົ້າໃຈກົດໝາຍສາກົນກ່ຽວກັບການທູດ, ກົດໝາຍທີ່ກ່ຽວຂ້ອງ ແລະ ບັນຫາຕ່າງໆ, ການປະຕິບັດງານໃນຂົງເຂດການທູດຈະບໍ່ມີປະສິດທິພາບ.
ຕາມທ່ານ ສົມສະຫວາດ ເລັ່ງສະຫວັດ ແລ້ວ, ເມື່ອຍັງດຳລົງຕຳແໜ່ງເປັນຮອງລັດຖະມົນຕີກະຊວງການຕ່າງປະເທດ, ທ່ານ ຫວູຄວານ ໄດ້ປະກອບສ່ວນອັນໃຫຍ່ຫຼວງເຂົ້າໃນການຮັດແໜ້ນສາຍພົວພັນ ລະຫວ່າງສອງກະຊວງການຕ່າງປະເທດ ລາວ - ຫວຽດນາມ, ໂດຍສະເພາະແມ່ນສະໜັບສະໜູນລາວ ໃນການກະກຽມເຂົ້າຮ່ວມອາຊຽນ ແລະ ປະກອບສ່ວນຝຶກອົບຮົມພະນັກງານການທູດໃຫ້ແກ່ລາວ.
ໃນຕອນທ້າຍຂອງການໂອ້ລົມກັບນັກຂ່າວ, ທ່ານອະດີດຮອງນາຍົກລັດຖະມົນຕີ ລາວ ສົມສະຫວາດ ເລັ່ງສະຫວັດ ເນັ້ນໜັກວ່າ: ສະຫາຍ ຫວູຄວານ ກໍ່ແມ່ນໜຶ່ງໃນບັນດາການນຳຫວຽດນາມ ທີ່ໄດ້ປະກອບສ່ວນຫຼາຍຢ່າງເພື່ອປົກປັກຮັກສາ ແລະ ພັດທະນາສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ ແລະ ລາວ.
ຄຳຮຸ່ງ
