| ຫວຽດນາມ ແລະ ກູບາ ຮ່ວມມືກັນຮັກສາຄວາມຊົງຈຳໃນປະຫວັດສາດ | |
| ຫວຽດນາມ ເຊື່ອໝັ້ນວ່າ ກູບາ ສືບຕໍ່ປົກປັກຮັກສາຜົນປະໂຫຍດຂອງບັນດາປະເທດພວມພັດທະນາ |
ທ່ານປະທານປະເທດ ຫວໍວັນເຖືອງ ໄດ້ສະແດງຄວາມດີໃຈຕໍ່ການພັດທະນາອັນດີງາມຂອງການພົວພັນລະຫວ່າງ 2 ພັກ ແລະ 2 ປະເທດໃນຊຸມປີມໍ່ໆມານີ້; ຢືນຢັນສາຍພົວພັນສາມັກຄີແບບພິເສດ ແລະ ແບບຢ່າງລະຫວ່າງ ຫວຽດນາມ ແລະ ກູບາ ໄດ້ສ້າງສາໂດຍປະທານ ໂຮ່ຈີມິນ ແລະ Fidel Castro ແລະ ໄດ້ຮັບການປູກຝັງຈາກການນຳ ແລະ ປະຊາຊົນ 2 ປະເທດ, ເຊິ່ງແມ່ນຊັບສົມບັດອັນລ້ຳຄ່າ, ເປັນແຫຼ່ງກຳລັງແຮງຂອງປະຊາຊົນສອງປະເທດ. ຄວນໄດ້ຮັບການປົກປັກຮັກສາ ແລະ ສືບຕໍ່ຂະຫຍາຍຕົວເຂັ້ມແຂງໃນສະຖານະການໃຫມ່.
 |
ທ່ານ Roberto Morales Ojeda, ກຳມະການກົມການເມືອງ, ກຳມະການປະຈຳຄະນະເລຂາພັກກອມມູນິດກູບາ ໄດ້ມາຢ້ຽມຢາມ ແລະ ເຮັດວຽກຢູ່ຫວຽດນາມ |
ທ່ານປະທານປະເທດ ຫວໍວັນເຖືອງ ຢືນຢັນວ່າ ຫວຽດນາມ ຍາມໃດກໍ່ຕິດຕາມ ແລະ ແບ່ງປັນບັນດາຄວາມຫຍຸ້ງຍາກ, ທ້າທາຍທີ່ເກີດຈາກການຮັດແໜ້ນການຄ້າຂາຍ ແລະ ຜົນສະທ້ອນຈາກໄພທຳມະຊາດ ແລະ ໄຟໄໝ້ໃນໄລຍະມໍ່ໆມານີ້; ສະແດງຄວາມດີໃຈຕໍ່ບັນດາໝາກຜົນສຳຄັນທີ່ປະຊາຊົນ ກູບາ ບັນລຸໄດ້ໃນການປະຕິບັດມະຕິຂອງກອງປະຊຸມໃຫຍ່ຄັ້ງທີ 8, ສືບຕໍ່ປັບປຸງເສດຖະກິດ - ສັງຄົມ, ຕັ້ງໜ້າປັບປຸງໃຫ້ແທດເໝາະກັບສະພາບຕົວຈິງໃໝ່; ຊົມເຊີຍຜົນສຳເລັດຂອງການເລືອກຕັ້ງສະພາແຫ່ງຊາດຊຸດທີ X.
ທ່ານ Roberto Morales Ojeda ຢືນຢັນວ່າ ພັກ, ລັດ ແລະ ປະຊາຊົນ ກູບາ ເອົາໃຈໃສ່ເປັນພິເສດເຖິງການເພີ່ມທະວີການພົວພັນສາມັກຄີແບບພິເສດກັບ ຫວຽດນາມ ແລະ ແບ່ງປັນຄວາມຫຍຸ້ງຍາກ ແລະ ສິ່ງທ້າທາຍຂອງ ກູບາ; ເນັ້ນໜັກວ່າ ກູບາ ປາດຖະໜາຢາກສ້າງເງື່ອນໄຂສະດວກໃຫ້ບັນດາວິສາຫະກິດ ຫວຽດນາມ ມາລົງທຶນຢູ່ ກູບາ; 2 ຝ່າຍເຫັນດີເປັນເອກະພາບຈະສືບຕໍ່ຮັດແໜ້ນ ແລະ ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດທີ່ໄດ້ວາງອອກໂດຍປະທານ ໂຮ່ຈີມິນ ແລະ ປະທານ Fidel Castro ແລະ ໃຫ້ແກ່ຄົນລຸ້ນຫຼັງ.
ຄຳຮຸ່ງ
