ທີ່ການຕ້ອນຮັບ, ທ່ານ ຫງວຽນວັນເນນ ເລຂາພັກນະຄອນ ໂຮ່ຈີມິນ ເນັ້ນໜັກວ່າ ພັກ, ລັດ ແລະປະຊາຊົນຫວຽດນາມ ກໍຄືອົງຄະນະພັກ, ອໍານາດການປົກຄອງ ແລະປະຊາຊົນນະຄອນ ໂຮ່ຈີມິນ ຍາມໃດກໍເຄົາລົບນັບຖືຕໍ່ອາລົມຈິດຄວາມຮັກແພງ, ການໜູນຊ່ວຍ, ແບ່ງປັນຂອງພັກ, ລັດ ແລະປະຊາຊົນ ກູບາ ທັງດ້ານວັດຖຸ ແລະຈິດໃຈ ໃນໄລຍະຫຍຸ້ງຍາກທີ່ສຸດຂອງການຕໍ່ສູ້ຍາດເອົາເອກະລາດແຫ່ງຊາດ, ທ້ອນໂຮມປະເທດຊາດເປັນເອກະພາບ ໃນເມື່ອກ່ອນ ແລະການສ້າງສາ, ພັດທະນາປະເທດຊາດ ໃນປັດຈຸບັນ.
 |
ທ່ານ ຫງວຽນວັນເນນ ເລຂາພັກນະຄອນໂຮ່ຈີມິນ ຕ້ອນຮັບທ່ານ Roberto Morales Ojeda ກໍາມະການກົມການເມືອງ, ຜູ້ປະຈໍາການຄະນະເລຂາທິການສູນກາງພັກກອມມູນິດ ກູບາ. ພາບ: ສໍານັກຂ່າວສານຫວຽດນາມ. |
ທ່ານ ຫງວຽນວັນເນນ ຢັ້ງຢືນ ນະຄອນໂຮ່ຈີມິນ ໃຫ້ຄໍາໝັ້ນສັນຍາວ່າ ຈະຕັດສິນໃຈເຮັດຈົນສຸດຄວາມສາມາດຂອງຕົນ ເພື່ອຮ່ວມເດີນທາງພ້ອມກັບກູບາ ຜ່ານຜ່າຄວາມ ຫຍຸ້ງຍາກໃນປັດຈຸບັນ; ຍູ້ແຮງບັນດາການເຄື່ອນໄຫວຮ່ວມມືກັບກູບາ, ຄື: ສົ່ງເສີມການລົງທຶນ, ການຄ້າ, ເສດຖະກິດ, ການທ່ອງທ່ຽວ, ສາທາລະນະສຸກ, ການສຶກສາ...
ສ່ວນທ່ານ Roberto Morales Ojeda ເນັ້ນໜັກວ່າ ບົນພື້ນຖານການພົວພັນອັນດີງາມລະຫວ່າງສອງປະເທດ ໂດຍການນໍາຮຸ່ນຕ່າງໆ ແລະປະຊາຊົນສອງປະເທດ ໄດ້ກໍ່ສ້າງ, ປັບປຸງ ແລະເພີ່ມພູນຄູນສ້າງ, ໃນໄລຍະຈະມາເຖິງ, ກູບາ ແລະຫວຽດນາມ ຈະເພີ່ມທະວີການຮ່ວມມືຊຸກຍູ້ການພົວພັນດ້ານເສດຖະກິດພັດທະນາໃຫ້ສົມກັບການພົວພັນດ້ານການເມືອງອັນດີງາມລະຫວ່າງສອງພັກ, ສອງລັດ. ກູບາ ປາດຖະໜາຢາກຊຸກຍູ້ການພົວພັນຮ່ວມມືກັບນະຄອນໂຮ່ຈີມິນ ຢ່າງແຮງກວ່າອີກ, ໂດຍສະເພາະແມ່ນໃນບັນດາຂົງເຂດທີ່ມີຄວາມສາມາດບົ່ມຊ້ອນ, ຄື: ກະສິກໍາ, ການສຶກສາ, ສາທາລະນະສຸກ, ກິລາ, ການທ່ອງທ່ຽວ; ພ້ອມທັງປາດຖະໜາຢາກດຶງດູດນັກລົງທຶນຫວຽດນາມ ໃຫ້ຫຼາຍກວ່າອີກ, ໃນນັ້ນມີວິສາຫະກິດນະຄອນໂຮ່ຈີມິນ.
 |
ໃນໄລຍະຢ້ຽມຢາມ ແລະເຮັດວຽກຢູ່ນະຄອນໂຮ່ຈີມິນ, ໃນວັນດຽວກັນ, ຄະນະຜູ້ແທນພັກກອມມູນິດ ກູບາ ໄດ້ໄປຢ້ຽມຢາມເຂດປູຊະນີຍະສະຖານປະຫວັດສາດແຫ່ງຊາດພິເສດ ອຸມົງ ກູຈີ; ຢ້ຽມຢາມ ແລະເຮັດວຽກຢູ່ບາງຫົວໜ່ວຍ ແລະວິສາຫະກິດຢູ່ນະຄອນ ໂຮ່ຈີມິນ.
