| ຫວຽດນາມ ແລະ ລາວພ້ອມກັນກໍ່ສ້າງພື້ນຖານເສດຖະກິດທີ່ມີຄວາມເປັນເຈົ້າຂອງ | |
| ສະຖານທີ່ບຳລຸງສ້າງບັນດາຜູ້ມີຄວາມເກັ່ງກ້າສາມາດ ແລະ ເພີ່ມພູນຄູນສ້າງນ້ຳໃຈມິດຕະພາບ ຫວຽດນາມ - ລາວ |
 |
| ພາບປະກອບ: uxolo |
ລາວສ້າງຄວາມມຸ່ງຫວັງກ່ຽວກັບໄຟຟ້າແຮງລົມເພື່ອຫຼຸດຜ່ອນການຂຶ້ນກັບໄຟຟ້ານ້ຳຕົກ
ລາວແມ່ນໜຶ່ງໃນບັນດາປະເທດສົ່ງອອກໄຟຟ້ານ້ຳຕົກໃຫຍ່ທີ່ສຸດຂອງອາຊີ, ພວມສ້າງຄວາມຫວັງທີ່ຍິ່ງໃຫຍ່ໃນຂົງເຂດໄຟຟ້າແຮງລົມ ແລະ ຖືນີ້ແມ່ນວິທີການເພື່ອຫຼຸດຜ່ອນການຂຶ້ນກັບໄຟຟ້ານ້ຳຕົກທີ່ຫຼາຍເກີນໄປຕໍ່ແຫຼ່ງຊັບພະຍາກອນນ້ຳ ທີ່ພວມເຄັ່ງຕຶງຂຶ້ນ.
ໂດຍນອນຢູ່ເຂດພູສູງ ປະຊາຊົນດຳລົງຊີວິດກະແຈກກະຈາຍຢູ່ທາງທິດຕາເວັນອອກສ່ຽງໃຕ້ລາວ, ຟາມໄຟຟ້າແຮງລົມທີ່ມີຊື່ວ່າ Monsoon, ມີຍອດເງິນລົງທຶນ 950 ລ້ານ USD, ພວມໄດ້ຮັບການຜັນຂະຫຍາຍ.
ຟາມແຫ່ງນີ້, ຄາດວ່າຈະນຳເຂົ້າເຄື່ອນໄຫວແຕ່ປີ 2025, ເຊິ່ງແມ່ນໂຄງການຂອງກຸ່ມບໍລິສັດການຄ້າ Mitsubishi (ຍີ່ປຸ່ນ), BCPG, ບໍລິສັດພະລັງງານທົດແທນຂອງກຸ່ມບໍລິສັດກັ່ນຕອງນ້ຳມັນແຫ່ງລັດ ໄທ Bangchak ແລະ ບັນດານັກລົງທຶນຕ່າງໆ. ຝ່າຍກໍ່ສ້າງແມ່ນກຸ່ມບໍລິສັດໃຫຍ່ກໍ່ສ້າງໄຟຟ້າ ຈີນ (PowerChina). ພາຍຫຼັງສຳເລັດ ໂຄງການຈະກວມເອົາເນື້ອທີ່ກວ້າງ 70.000 ເຮັກຕາຢູ່ສອງແຂວງນັ້ນແມ່ນ ອັດຕະປື ແລະ ເຊກອງ ກັບກັງຫັນແຮງລົມ 133 ຕົ້ນ.
ດ້ວຍສະມັດຕະພາບຜະລິດໄຟຟ້າ 600 MW, Monsoon ຈະແມ່ນຟາມໄຟຟ້າແຮງລົມໜ້າດິນໃຫຍ່ທີ່ສຸດຢູ່ເຂດອາຊີຕາເວັນອອກສ່ຽງໃຕ້. Nikkei Asia ໃຫ້ຮູ້ວ່າ ໂຄງການນີ້ຈະສົ່ງອອກໄຟຟ້າໄປຍັງຫວຽດນາມ ໃນໄລຍະ 25 ປີ ແລະ ໂຄງການຈະຊ່ວຍຫຼຸດຜ່ອນການປ່ອຍທາດກາກບອນ ປະມານ 35 ລ້ານໂຕນໃນຕະຫຼອດໄລຍະການເຄື່ອນໄຫວ.
ບຸນຄົງ
