| ສະຖານທີ່ບຳລຸງສ້າງບັນດາຜູ້ມີຄວາມເກັ່ງກ້າສາມາດ ແລະ ເພີ່ມພູນຄູນສ້າງນ້ຳໃຈມິດຕະພາບ ຫວຽດນາມ - ລາວ | |
| ຂໍ້ລິເລີ່ມເປັນເຈົ້າຂອງ ຣາດາ ຍາມທະເລ |
 |
| ພາບປະກອບ: TTXVN |
ຖະໜົນຫົນທາງວຽງຈັນ (ລາວ) ເຕັມໄປດ້ວຍສີສັນດອກໄມ້ໃນວັນຕ້ອນຮັບທ່ານປະທານປະເທດ ຫວຽດນາມ ຫວໍວັນເຖືອງ. ການຢ້ຽມຢາມຄັ້ງນີ້ສະແດງໃຫ້ເຫັນການຖືເປັນສຳຄັນຂອງຫວຽດນາມ ຕໍ່ການພົວພັນແບບພິເສດອັນຍິ່ງໃຫຍ່ລະຫວ່າງ ຫວຽດນາມ - ລາວ.
ສຳລັບ ລາວແລ້ວ, ການຢ້ຽມຢາມຂອງທ່ານປະທານປະເທດ ຫວໍວັນເຖືອງ ໄດ້ດຳເນີນໃນຈຸດເວລາທີ່ປະເທດນີ້ເກືອບຈະສິ້ນສຸດປີເກົ່າຕາມ ພ.ສ, ຈະຕ້ອນຮັບບຸນປີໃໝ່ ໃນ 2 – 3 ວັນຈະມາເຖິງ.
ເພາະສະນັ້ນ ໃນງານລ້ຽງຕອນຄ່ຳວັນທີ 10 ເມສາ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ຈັດຕັ້ງພິທີມັດແຂນໃຫ້ແກ່ແຂກຜູ້ປະເສີດ ດ້ວຍຄວາມໝາຍພາວະນາຂໍສິ່ງທີ່ດີງາມ.
ພາຍຫຼັງການໂອ້ລົມເຈລະຈາ, ທ່ານປະທານປະເທດ ຫວໍວັນເຖືອງ ແລະ ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ເປັນສັກຂີພະຍານພິທີລົງນາມເອກະສານຮ່ວມມື ໃນຂົງເຂດວິທະຍາສາດ, ເຕັກໂນໂລຢີ ແລະ ນະວັດຕະກໍາປະດິດຄິດສ້າງ ລະຫວ່າງສອງປະເທດ.
ຫວຽດນາມໄດ້ເລືອກລາວ ແມ່ນປະເທດທຳອິດເພື່ອລົງນາມໃນສັນຍາຄູ່ຮ່ວມມືດີຈີຕອນທຳອິດ.
ສົນທິສັນຍາບັນລຸໄດ້ໃນເດືອນມັງກອນທີ່ຜ່ານມາເພື່ອແນໃສ່ຊຸກຍູ້ໂຄງການຮ່ວມມືກັບລາວ ກ່ຽວກັບການພັດທະນາອຸດສາຫະກໍາເຕັກໂນໂລຢີດິຈິຕອນ, ການຫັນເປັນດິຈິຕອນ, ພື້ນຖານໂຄງລ່າງທາງດ້ານດິຈິຕອນ, ການຄ້າ ແລະ ການລົງທືນ, ນະວັດຕະກໍາດິຈິຕອນ, ການຄົ້ນຄວ້າ ແລະ ການພັດທະນາທາງດ້ານດິຈິຕອນ, ຄວາມໄວ້ເນື້ອເຊື່ອໃຈທາງດ້ານດິຈິຕອນ ແລະ ຄວາມປອດໄພທາງອິນເຕີເນັດ, ການຮ່ວມມືໃນບັນດາເວທີປາໄສສາກົນ.
ສິ່ງດັ່ງກ່າວສະແດງໃຫ້ເຫັນວ່າ ເຖິງວ່າພວມຢູ່ໃນຂະບວນການພັດທະນາກໍ່ຕາມ, ແຕ່ຫວຽດນາມ ຍັງຕັດສິນໃຈແບ່ງປັນປະສົບການໃນເບື້ອງຕົ້ນເພື່ອພ້ອມກັນກ້າວຈຶ້ນພັດທະນາກັບປະເທດລາວ.
ບຸນຄົງ
