 |
| ພາບປະກອບ: NZ Herald News |
ດ່ານັ້ງ ນອນໃນ Top 7 ຫາດຊາຍທະເລແຖວໜ້າໂລກ
ຫວ່າງມໍ່ໆມານີ້, ໜັງສືພິມ NZ Herald News ຂອງ ນິວຊີແລນ ໄດ້ປະກາດ Top 7 ຫາດຊາຍທະເລແຖວໜ້າໂລກ, ໃນນັ້ນ ມີດ່ານັ້ງຂອງ ຫວຽດນາມ. ນີ້ໄດ້ຮັບຖືວ່າແມ່ນສະຖານທີ່ທ່ອງທ່ຽວທີ່ດີເພື່ອອາບແດດໃນໄລຍະຜັກຜ່ອນລະດູຮ້ອນ.
ຕາມຜູ້ຂຽນ Sara Bunny ແລ້ວ, ດ່ານັ້ນແມ່ນນະຄອນແຄມທະເລທີ່ຄຶກຄື້ນມ່ວນຊື່ນ ດ້ວຍຫາຍຊາຍຂາວຍາວຢຽດຢູ່ແຄມທະເລ. ນີ້ແມ່ນສະຖານທີ່ເໝາະສົມກັບແຂກທ່ອງທ່ຽວທີ່ມີຄວາມນິຍົມຊົມຊອບອາບແດດ.
Sara Bunny ມີຄວາມປະທັບໃຈຕໍ່ຫາດຊາດ ມີເຄ ແລະ ຫາດຊາຍ ມີອານ ດ້ວຍທິວທັດທຳມະຊາດ ທີ່ຮົກເຮື້ອ ພ້ອມກັບນ້ຳທີ່ໃສເຢັນ, ຊາຍຂາວ, ແດດເຫຼືອງ. ສະຖານທີ່ແຫ່ງນີ້ຍັງດຶງດູດດ້ວຍການບໍລິການທ່ອງທ່ຽວທີ່ຈັບອົກຈັບໃຈ ແລະ ອາຫານການກິນເຂດທະເລທີ່ແຊບນົວ.
ດ່ານັ້ງ ມີເສັ້ນທາງທີ່ສວຍງາມດ້ວຍຂົວທີ່ແປກໃໝ່ຫຼາຍແຫ່ງ. ຂົວມັງກອນ ມີຮູບໂຕມັງກອນ ແລະ ຊີດນ້ຳອອກຈາກປາກ, ໃນຂະນະທີ່ຂົວຄຳ ມີເສັ້ນທາງຍາວກ່ວາ 150 ແມັດ, ພົ້ນເດັ່ນກ່ວາໝູ່ແມ່ນຜົນງານແກະຄວັດສະຫຼັກມືຍັກທີ່ຊວ້ານຊູເອົາຂົວ.
ກ່ອນໜ້ານັ້ນ, ເມື່ອປີ 2005, Fober ອາເມລິກາ ໄດ້ຄັດເລືອກຫາດຊາຍທະເລ ດ່ານັ້ງ ແມ່ນໜຶ່ງໃນ 6 ຫາດຊາຍທີ່ຈັບໃຈທີ່ສຸດໂລກ. Fober ກໍ່ນຳຊື່ນະຄອນດ່ານັ້ງເຂົ້າບັນດາຊີລາຍຊື່ “ນະຄອນສວຍງາມ ແລະ ມີຄ່າໃຊ້ຈ່າຍເໝາະສົມທີ່ສຸດສຳລັບຊາວຕ່າງປະເທດ” ໃນປີ 2019. ສ່ວນ The Guardian (ອັງກິດ) ກໍ່ຈັດຂົວຄຳ - ດ່ານັ້ງ ເຂົ້າ Top ຂົວຍ່າງທີ່ມີຄວາມປະທັບໃຈທີ່ສຸດໃນໂລກ ດ້ວຍການອອກແບບທີ່ໃໝ່ອ່ຽມ ແລະ ເປັນເອກະລັກສະເພາະ ໃນປີ 2018.
ນອກຈາກນັ້ນ, ຫາດຊາຍ ດ່ານັ້ງ ຍັງມີຊື່ຢູ່ໃນບັນຊີລາຍຊື່ 7 ຫາດຊາຍແຖວໜ້າໂລກ ຂອງ NZ Herald News, ຢູ່ອາຊີ ຍັງມີຫາດຊາຍ Fulong (ໄຕ້ຫວັນ, ຈີນ), ສ່ວນຫາດຊາຍທີ່ຍັງເຫຼືອລວມມີ: Praia da Joatinga (ບຣາຊິນ), Glass (Califonia, ອາເມລິກາ), Blavand (ເດນມາກ), Parnu (Estonia) ແລະ Rugen (ເຢຍລະມັນ).
ບຸນຄົງ
