| ໄຟໄໝ້ປ່າ ແລະ ມົນລະພິດທາງອາກາດທີ່ຮ້າຍແຮງຢູ່ ລາວ | |
| ຈີນ ສ້າງນິຄົມອຸດສາຫະກຳ Kali ຢູ່ລາວ |
ທ່ານປະທານຄະນະກຳມະການປະຊາຊົນແຂວງ ບິ່ງດິ້ງ ຝ້າມແອັງຕ້ວນ ໄດ້ແຈ້ງໃຫ້ຄະນະຜູ້ແທນ 4 ແຂວງພາກໃຕ້ລາວ ກ່ຽວກັບສະພາບການພັດທະນາເສດຖະກິດ - ສັງຄົມ, ທ່າແຮງ ແລະ ຄວາມສາມາດບົ່ມຊ້ອນໃນການຮ່ວມມື ແລະ ພັດທະນາຮອບດ້ານກັບບັນດາແຂວງຂອງລາວ.
 |
ແຂວາງບິ່ງດິງ ລົງນາມການຮ່ວມມືກັບອຳນາດການປົກຄອງ 4 ແຂວງ ພາກໃຕ້ລາວ. (ພາບ: TTXVN) |
ດ້ວຍຄວາມເອົາໃຈໃສ່ ແລະ ເພີ່ມພູນຄູນສ້າງຂອງການນຳລຸ້ນຕ່າງໆຂອງສອງປະເທດ, ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງແຂວງ ບິ່ງດິ້ງ ແລະ ບັນດາແຂວງພາກໃຕ້ຂອງລາວ ສືບຕໍ່ໄດ້ຮັບການຮັດແໜ້ນ, ເຕີບໂຕຢ່າງເລິກເຊິ່ງ, ມີປະສິດທິຜົນ ແລະ ແທດຈິງ. ແຂວງບິ່ງດິ້ງ ແລະ 4 ແຂວງພາກໃຕ້ຂອງລາວ ໄດ້ລົງນາມ ແລະ ສົມທົບກັນປະຕິບັດໂຄງການຮ່ວມມືຮອບດ້ານ, ບັນລຸໄດ້ບັນດາໝາກຜົນດີໃນທຸກຂົງເຂດ, ປະກອບສ່ວນຊຸກຍູ້ການພັດທະນາເສດຖະກິດ - ສັງຄົມ, ຮັບປະກັນຊີວິດສັງຄົມ, ຮັບປະກັນຄວາມປອດໄພດ້ານເສດຖະກິດແຫ່ງຊາດ ແລະ ປັບປຸງຊີວິດການເປັນຢູ່ຂອງປະຊາຊົນ. ບັນດາໝາກຜົນດັ່ງກ່າວ ໄດ້ຢືນຢັນນະໂຍບາຍ ແລະ ທິດທາງອັນຖືກຕ້ອງ ໃນການຮ່ວມມືພັດທະນາຮອບດ້ານ ລະຫວ່າງແຂວງ ບິ່ງດິ້ງ ກັບບັນດາແຂວງພາກໃຕ້ຂອງລາວ.
ທີ່ພິທີລົງນາມ, ບັນດາຜູ້ແທນໄດ້ແຈ້ງໃຫ້ຊາບກ່ຽວກັບສະພາບການພັດທະນາເສດຖະກິດ - ສັງຄົມຂອງແຕ່ລະທ້ອງຖິ່ນ; ຕີລາຄາໝາກຜົນການຮ່ວມມືໄລຍະ 2016 – 2020; ປຶກສາຫາລື, ເຫັນດີເປັນເອກະພາບ ແລະ ລົງນາມໃນບັນດາເນື້ອໃນການຮ່ວມມືໄລຍະ 2021 - 2025 ຕາມບັນດາຂໍ້ກຳນົດດ້ານກົດໝາຍຂອງສອງປະເທດ ຫວຽດນາມ - ລາວ ແລະ ສົນທິສັນຍາສາກົນທີ່ກ່ຽວຂ້ອງຂອງແຕ່ລະປະເທດ.
ຄຳຮຸ່ງ
