| ນັກສຶກສາຫວຽດນາມ ຢູ່ລັດເຊຍຮ່ວມແຮງຮ່ວມໃຈໜູນຊ່ວຍຜູ້ປະສົບເຄາະຮ້າຍຢູ່ຊີຣີ | |
| ຍູ້ແຮງບັນດາການເຄື່ອນໄຫວແກ້ໄຂຜົນຮ້າຍຢ້ອນຫຼັງຈາກລະເບີດໝາກມິນພາຍຫຼັງສົງຄາມ |
 |
| ພາບປະກອບ: : AFP/TTXVN |
ຕາມນັກຂ່າວສຳນັກຂ່າວສານຫວຽດນາມ ປະຈຳລາວແລ້ວ, ວັນທີ 28 ມີນາ, ອາກາດແຫ້ງ ຮ້ອນ ແລະ ເລື່ອງປະຊາຊົນຈູູດປ່າເຮັດໄຮ່ພວມເຮັດໃຫ້ເກີດເຫດໄຟໄໝ້ປ່າ ໃນທ້ອງຖິ່ນຕ່າງໆໃນທົ່ວປະເທດ, ເຮັດໃຫ້ບັນດາກຳລັງທີ່ມີໜ້າທີ່ຮັບຜິດຊອບປະສົບກັບຄວາມຫຍຸ້ງຍາກໃນການດັບໄຟ.
ໜັງສືພິມລາວໄດ້ລົງຂ່າວວ່າ ມີນາຍທະຫານ, ອາສາສະໝັກກູ້ໄຟກູ້ຊີບ ແລະ ປະຊາຊົນທ້ອງຖິ່ນກ່ວາ 400 ຄົນ ພວມພະຍາຍາມດັບໄຟຢູ່ ພູເຂົາຄວາຍ, ເມືອງ ປາກງື່ມ, ແຂວງ ວຽງຈັນ. ປັດຈຸບັນໄຟລາມໃນວົງກວ້າງບົນເນື້ອທີ່ກ່ວາ 300 ແຮັກຕາ, ບັນດາພະນັກງານດັບເພິງ ພວມມານະພະຍາຍາມເພື່ອສະກັດກັ້ານໄຟລາມໄປເຖິງບັນດາສະຖານທີ່ທ່ອງທ່ຽວ ໃກ້ໆນັ້ນຄື: ນ້ຳຕົກຕາດ ຖ້ຳພະ, ນ້ຳຕົກຕາດວັງຫຼວງ ແລະ ນ້ຳປ່ຽນ ຢໍລະປາ.
ໄຟໄໝ້ມັກເກີດຂຶ້ນຢູ່ລາວ ໃນຍາມລະດູແລ້ງ ແລະ ລະດູຮ້ອນ, ດ້ວຍອຸນຫະພຸມຢູ່ນະຄອນຫຼວງວຽງຈັນຂຶ້ນເຖິງ 39 ອົງສາ ໃນຫຼາຍວັນຕໍ່ເນື່ອງ. ວົງການເຈົ້າໜ້າທີ່ມີຄວາມວິຕົກກັງວົນວ່າ ເຫດໄຟໄໝ້ໂດຍປະຊາຊົນຈູດປ່າເຮັດໄຮ່ເພື່ອກະກຽມໃຫ້ແກ່ລະດູການຕໍ່ໄປອາດຈະຮ້າຍແຮງກ່ວານີ້ອີກ.
ຕາມວົງການເຈົ້າໜ້າທີ່ລາວແລ້ວ, ການຈູດປ່າເຮັດໄຮ່ ແລະ ໄຟໄໝ້ປ່າ ໄດ້ກໍ່ໃຫເກີດສະພາບການມົນລະພິດອາກາດທີ່ບໍ່ເຄີຍມີມາກ່ອນຢູ່ນະຄອນຫຼວງ ວຽງຈັນ ແລະ ເຂດຕ່າງໆຂອງລາວ ໃນຊຸມວັນຜ່ານມາ, ດ້ວຍຂີ້ຝຸ່ນໃນອາກາດທີ່ລື່ນກາຍລະດັບທີ່ມີຄວາມອັນຕະລາຍຕໍ່ສຸຂະພາບຂອງມວນມະນຸດ, ບັນດາອົງການທີ່ມີໜ້າທີ່ຮັບຜິດຊອບຕ້ອງກ່າວເຕືອນປະຊາຊົນຈຳກັດບັນດາການເຄື່ອນໄຫວກາງແຈ້ງ ແລະ ໃສ່ຜ້າອັດປາກອັດດັງເມື່ອອອກເຮືອນ.
ບຸນຄົງ
