| ກຳມາທິການການຕ່າງປະເທດ ສະພາແຫ່ງຊາດຫວຽດນາມ ແລະ ລາວ ໄປຢ້ຽມຢາມທ່າກຳປັ່ນ ຫວູງອ໋າງ | |
| ໄຟໄໝ້ປ່າ ແລະ ມົນລະພິດທາງອາກາດທີ່ຮ້າຍແຮງຢູ່ ລາວ |
 |
| ສອງປະເທດເຫັນດີເປັນເອກະພາບຕໍ່ໝາກຜົນຂອງການລາດຕະເວນ (ພາບ:TTXVN) |
ໂດຍປະຕິບັດຕາມບົດບັນທຶກຂໍ້ຕົກລົງລະຫວ່າງກອງບັນຊາການທະຫານປ້ອງກັນຊາຍແດນແຂວງ ດ້ຽນບຽນ ແລະ ກອງບັນຊາການທະຫານແຂວງ ຫຼວງພະບາງ (ລາວ), ຕາມນັ້ນແລ້ວ, ປ້ອມປ້ອງກັນຊາຍແດນດ່ານສາກົນ ໄຕຈາງ (ກອງບັນຊາການປ້ອງກັນຊາຍແດນແຂວງ ດ້ຽນບຽນ) ແລະ ກອງຮ້ອຍທະຫານປ້ອງກັນຊາຍແດນ 162 (ກອງບັນຊາການທະຫານແຂວງຫຼວງພະບາງ) ໄດ້ດຳເນີນການລາດຕະເວນສອງປະເທດຢູ່ເສັ້ນຊາຍແດນ ຫວຽດນາມ-ລາວ ແຕ່ຫຼັກໝາຍແຫ່ງຊາດທີ 119 ຫາຫຼັກໝາຍແຫ່ງຊາດທີ 121, ດ້ວຍຄວາມຍາວເສັ້ນຊາຍແດນ 5 ກິໂລແມັດ.
ກອງລາດຕະເວນສອງປະເທດໄດ້ຮ່ວມກັນກວດກາລະບົບຊາຍແດນ, ຫຼັກໝາຍແຫ່ງຊາດ ແລະ ແລກປ່ຽນສະພາບຄວາມໝັ້ນຄົງ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ; ພ້ອມກັນນັ້ນ, ກໍ່ຈັດຕັ້ງບຸກເບີກເສັ້ນທາງລາດຕະເວນຊາຍແດນ, ອະນາໄມເຂດອ້ອມແອ້ມຫຼັກໝາຍຊາຍແດນ ແລະ ໂຄສະນາເຜີຍແຜ່ໃຫ້ປະຊາຊົນສອງຟາກຊາຍແດນ ປະຕິບັດຕາມບັນດາຂໍ້ກຳນົດກ່ຽວກັບຊາຍແດນ ແລະ ຜືນແຜ່ນດິນ, ຍົກສູງສະຕິຄວາມຮັບຮູ້ໃນການປົກປັກຮັກສາເສັ້ນຊາຍແດນ ແລະ ເຂດແດນຂອງຊາດ.
ເນື່ອງໃນໂອກາດບຸນປີໃໝ່ປະຈຳຊາດຂອງລາວ ພສ 2566, ປ້ອມປ້ອງກັນຊາຍແດນດ່ານສາກົນ ໄຕຈາງ, ກອງບັນຊາການທະຫານປ້ອງກັນຊາຍແດນແຂວງ ດ້ຽນບຽນ ໄດ້ມອບຂອງຂວັນ ແລະ ອວຍພອນປີໃໝ່ໃຫ້ພະນັກງານ, ລັດຖະກອນປ້ອມປ້ອງກັນຊາຍແດນ 162 (ກອງບັນຊາການທະຫານແຂວງຫຼວງພະບາງ).
ບຸນຄົງ
