| ການອະນຸລັກ ແລະ ເສີມຂະຫຍາຍຄຸນຄ່າ ມໍລະດົກວັດທະນະທຳໂລກ ພະລາດຊະວັງ ທັງລອງ | |
| ພິທີຕ້ອນຮັບໃບຢັ້ງຢືນ “ສິລະປະຂັບແທນ ຂອງຊາວເຜົ່າໄຕ່, ນຸ່ງ, ໄທ” ແມ່ນມໍລະດົກບໍ່ເປັນວັດຖຸເປັນຕົວແທນໃຫ້ມວນມະນຸດ |
ທ່ານລັດຖະມົນຕີ ບຸຍແທງເຊີນ ຢືນຢັນວ່າ: ນະໂຍບາຍການຕ່າງປະເທດຂອງຫວຽດນາມ ແມ່ນຕັ້ງໜ້າ, ເປັນເຈົ້າການໃນການເຊື່ອມໂຍງເຂົ້າກັບສາກົນຢ່າງຮອບດ້ານ, ກວ້າງຂວາງ ແລະ ມີປະສິດທິຜົນ, ເປັນສະມາຊິກທີ່ຕັ້ງໜ້າ, ປະກອບສ່ວນເຂົ້າໃນບັນດາຄວາມມານະພະຍາຍາມລວມຂອງສາກົນ; ເນັ້ນໜັກເຖິງບົດບາດສຳຄັນຂອງ UNESCO ໃນການປະກອບສ່ວນຮັກສາ ແລະ ຮັດແໜ້ນສັນຕິພາບ, ພັດທະນາແບບຍືນຍົງ ແລະ ຄວາມຈະເລີນຮຸ່ງເຮືອງຂອງບັນດາປະເທດໃນໂລກ ເວົ້າລວມ, ປະກອບສ່ວນຮັກສາ, ອະນຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກ ແລະ ວັດທະນະທຳຂອງມະນຸດ ເວົ້າສະເພາະ.
ທ່ານລັດຖະມົນຕີໃຫ້ຮູ້ວ່າ: ຫວຽດນາມ ຍາມໃດກໍ່ແມ່ນສະມາຊິກທີ່ຕັ້ງໜ້າ, ເປັນເຈົ້າການ ແລະ ມີຄວາມຮັບຜິດຊອບຂອງ UNESCO, ປະກອບສ່ວນເຂົ້າໃນບັນດາກົນໄກສຳຄັນຂອງອົງການທີ່ ຫວຽດນາມ ເຂົ້າເປັນສະມາຊິກ, ເຊັ່ນ: ສະພາບໍລິຫານງານ, ຄະນະກຳມະການລະຫວ່າງລັດຖະບານ ເພື່ອປົກປັກຮັກສາວັດທະນະທຳທີ່ບໍ່ເປັນວັດຖຸ, ສົນທິສັນຍາເພື່ອປົກປັກຮັກສາຄວາມຫຼາກຫຼາຍ ຂອງການສະແດງອອກທາງດ້ານວັດທະນະທໍາ...
 |
ຫວຽດນາມ ແມ່ນແບບຢ່າງໃນການອານຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກ |
ຜູ້ອຳນວຍການສູນມໍລະດົກໂລກ ໄດ້ຕີລາຄາວິທີການສຳຜັດຂອງຫວຽດນາມ ໃນການສົມດູນ ແລະ ກົມກຽວໃນການຮັກສາ ແລະ ການພັດທະນາມໍລະດົກ, ຖືເປັນສຳຄັນການອະນຸລັກຮັກສາມໍລະດົກທີ່ເປັນວັດຖຸ ໄປຄຽງຄູ່ກັບການຊຸກຍູ້ບັນດາຄຸນຄ່າທີ່ບໍ່ແມ່ນວັດຖຸຂອງມໍລະດົກ.
ທ່ານເຊື່ອໝັ້ນວ່າ ຫວຽດນາມ ແມ່ນແບບຢ່າງເພື່ອອານຸລັກຮັກສາ ແລະ ເສີມຂະຫຍາຍບັນດາຄຸນຄ່າມໍລະດົກ ແລະ ປາດຖະໜາຢາກແບ່ງປັນປະສົບການຂອງ ຫວຽດນາມ ກັບບັນດາປະເທດສະມາຊິກ.
ທ່ານຜູ້ອຳນວຍການ Assomo ຢືນຢັນວ່າ: ສູນມໍລະດົກໂລກ ຍາມໃດກໍ່ຮ່ວມເດີນທາງ ແລະ ໜູນຊ່ວຍ ຫວຽດນາມ ເປັນຢ່າງດີ ໃນການອະນຸລັກ ແລະ ເສີມຂະຫຍາຍບັນດາມໍລະດົກໂລກ, ພ້ອມກັນນັ້ນ ກໍ່ໃຫ້ຄຳໝັ້ນສັນຍາຈະພິຈາລະນາ ແລະ ໜູນຊ່ວຍໃນຂອບເຂດໜ້າທີ່ຂອງຕົນສຳຫຼັບບັນດາເອກະສານສະເໜີຊື່ມໍລະດົກໂລກຂອງ ຫວຽດນາມ ໃນໄລຍະຈະມາເຖິງ; ກໍ່ຄືໃຫ້ຄຳປຶກສາ, ສະໜັບສະໜູນການຄຸ້ມຄອງ, ອະນຸລັກຮັກສາ ແລະ ໂຄສະນາມໍລະດົກໂລກ 8 ແຫ່ງຂອງຫວຽດນາມ ແລະ ການອອກຮັບສະໝັກເລືອກຕັ້ງຂອງ ຫວຽດນາມ ເຂົ້າໃນຄະນະກຳມະການມໍລະດົກໂລກ ໄລຍະ 2023-2027.
ທ່ານຜູ້ອຳນວຍການສູນມໍລະດົກໂລກ ໃຫ້ຮູ້ວ່າ: ນີ້ແມ່ນການຢ້ຽມຢາມທີ່ແທດຈິງ ແລະ ມີປະສິດທິຜົນ, ເຮັດໃຫ້ມີຄວາມປະທັບໃຈ ແລະ ຄວາມຮູ້ສຶກທີ່ບໍ່ອາດຫຼົງລືມໄດ້, ທ່ານຫວັງວ່າຈະໄດ້ກັບຄືນມາຢ້ຽມຢາມ ຫວຽດນາມ ອີກຫຼາຍເທື່ອ.
ຄຳຮຸ່ງ
