| ຫວຽດນາມ - ລາວ ເພີ່ມທະວີການແລກປ່ຽນ, ແບ່ງປັນບົດຮຽນໃນວຽກງານໂຄສະນາສຶກສາ | |
| ກະຊວງອຸດສາຫະກຳ ແລະ ການຄ້າ ໄດ້ປະດັບຫຼຽນໄຊໃຫ້ທ່ານເອກອັກຄະລັດຖະທູດ ອັງກິດ ປະຈຳ ຫວຽດນາມ Gareth Ward |
ທ່ານຮອງລັດຖະມົນຕີ ເຈີ່ນກວກແຄ໋ງ ໄດ້ຕ້ອນຮັບທ່ານຮອງລັດຖະມົນຕີ ບຸນເຖິງ ດວງສະຫວັນ ແລະ ຄະນະຜູ້ແທນກະຊວງອຸດສາຫະກຳ ແລະ ການຄ້າ ລາວ ມາຢ້ຽມຢາມ ແລະ ເຮັດວຽກຢູ່ກະຊວງອຸດສາຫະກຳ ແລະ ການຄ້າ ຫວຽດນາມ. ແຜນວຽກງານຂອງກະຊວງອຸດສາຫະກຳ ແລະ ການຄ້າ ລາວ ປະກອບມີການເຄື່ອນໄຫວທີ່ຫຼາກຫຼາຍ, ເຊັ່ນ: ເຮັດວຽກກັບບັນດາກະຊວງ, ຂະແໜງການ ກ່ຽວກັບປະສົບການພັດທະນາອຸດສາຫະກຳ; ໄປຢ້ຽມສວນອຸດສາຫະກຳ, ໂຮງງານບຳບັດສິ່ງເສດເຫຼືອຢູ່ບາງທ້ອງຖິ່ນຂອງຫວຽດນາມ...
 |
ຫວຽດນາມ - ລາວ ເພີ່ມທະວີການຮ່ວມມື ດ້ານການຄ້າ ແລະ ອຸດສາຫະກຳ ຢ່າງແໜ້ນແຟ້ນ |
ໂດຍທວນຄືນສະພາບການ, ແຕ່ທ້າຍປີ 2022 ມາຮອດປະຈຸບັນ, ກະຊວງອຸດສາຫະກຳ ແລະ ການຄ້າລາວ ໄດ້ຈັດຕັ້ງຫຼາຍກຸ່ມສຶກສາບັນຫາສະເພາະ ຢູ່ຫວຽດນາມ. ການຢ້ຽມຢາມ ແລະ ເຮັດວຽກຄັ້ງນີ້, ທ່ານຮອງນາຍົກລັດຖະມົນຕີ ປາດຖະໜາຢາກໄດ້ຮັບຟັງການແບ່ງປັນປະສົບການຈາກບັນດາອົງການຄຸ້ມຄອງຫວຽດນາມ ທີ່ກ່ຽວຂ້ອງເຖິງບັນດາເນື້ອໃນການພັດທະນາສວນອຸດສາຫະກຳ, ພັດທະນາພະລັງງານທົດແທນ ແລະ ພະລັງງານສີຂຽວ, ການພັດທະນາ ແລະ ສະຖຽນລະພາບຂອງຕະຫຼາດນ້ຳມັນ ກໍ່ຄື ລົງຢ້ຽມຢາມເຂດອຸດສາຫະກຳໂດຍກົງ, ສູນຜະລິດສະອາດຢູ່ບາງທ້ອງຖິ່ນໃກ້ຄຽງ...
ຜ່ານການຕິດຕາມ, ຝ່າຍລາວເຫັນວ່າ ໃນຊຸມປີມໍ່ໆມານີ້, ບັນດາປະເທດໃນພາກພື້ນ ໄດ້ປະສົບກັບຄວາມຫຍຸ້ງຍາກຫຼາຍຢ່າງ ໃນຂະບວນການຟື້ນຟູເສດຖະກິດ. ໃນສະພາບການນັ້ນ, ລັດຖະບານ ຫວຽດນາມ ໄດ້ຜັນຂະຫຍາຍບັນດານະໂຍບາຍຢ່າງມີປະສິດທິຜົນ, ນຳໃຊ້ບັນດາມາດຕະການແກ້ໄຂຢ່າງມີປະສິດທິຜົນ ເພື່ອຊ່ວຍໃຫ້ພື້ນຖານເສດຖະກິດຫວຽດນາມ ຜ່ານຜ່າບັນດາບັນຫາທ້າທາຍຢ່າງທັນການ, ຄື: ຄວບຄຸມໄພເງິນເຟີ້ ແລະ ສະຖຽນລະພາບຂອງຕະຫຼາດນ້ຳມັນເຊື້ອໄຟພາຍໃນປະເທດ.
 |
| ທ່ານຮອງລັດຖະມົນຕີ ເຈີ່ນກວກແຄ໋ງ |
ທ່ານຮອງລັດຖະມົນຕີ ເຈີ່ນກວກແຄ໋ງ ໄດ້ເນັ້ນໜັກເຖິງຄວາມສາມັກຄີແບບພິເສດ ແລະ ການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ. ຝ່າຍຫວຽດນາມ ໄດ້ແບ່ງປັນກ່ຽວກັບສະພາບການເສດຖະກິດທີ່ຫຍຸ້ງຍາກຂອງລາວ ແລະ ຊົມເຊີຍເລື່ອງກະຊວງ, ຂະແໜງການຂອງລາວ ຈັດຕັ້ງຫຼາຍຄະນະມາຫວຽດນາມ ເພື່ອແລກປ່ຽນບົດຮຽນ ແລະ ປະສົບການໃນການພັດທະນາການຄ້າ ແລະ ອຸດສາຫະກຳ. ການນຳຂັ້ນສູງຂອງຫວຽດນາມ ກໍ່ມີຄວາມສົນໃຈຫຼາຍຕໍ່ສະພາບການພັດທະນາເສດຖະກິດຢູ່ລາວ ແລະ ໄດ້ກ່າວເຕືອນບັນດາກະຊວງ, ຂະແໜງການຢ່າງເປັນປະຈຳວ່າ ດ້ວຍໜ້າທີ່ຂອງຕົນ ຕ້ອງເຮັດຈົນສຸດຄວາມສາມາດ ເພື່ອໜູນຊ່ວຍປະເທດລາວຜ່ານຜ່າຄວາມຫຍຸ້ງຍາກລວມ.
ທີ່ການພົບປະ, ທ່ານຮອງລັດຖະມົນຕີ ເຈີ່ນກວກແຄ໋ງ ໄດ້ແບ່ງປັນກັບ ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ລາວ ໃນບາງເນື້ອໃນຄື: ບົດບາດຂອງກະຊວງອຸດສາຫະກຳ ແລະ ການຄ້າ ໃນການຮັບປະກັນການຈະລາຈອນສິນຄ້າ; ປະສົບການໃນການດຶງດູດການລົງທຶນພັດທະນາສວນອຸດສາຫະກຳ (ໂດຍເນັ້ນໃສ່ແຮງງານທີ່ມີສີມືດີ); ບັນດາປັດໄຈທີ່ມີຜົນກະທົບ ຕໍ່ບັນຫາການຄຸ້ມຄອງລາຄາສິນຄ້າ; ປະສົບການໃນການບໍລິຫານຕະຫຼາດນ້ຳມັນເຊື້ອໄຟຢູ່ຫວຽດນາມ...
ທ່ານຮອງລັດຖະມົນຕີ ໄດ້ມອບໃຫ້ບັນດາຫົວໜ່ວຍທີ່ມີໜ້າທີ່ຂອງກະຊວງອຸດສາຫະກຳ ແລະ ການຄ້າ ເພື່ອສືບຕໍ່ເຮັດວຽກລະອຽດ ກັບຄະນະຜູ້ແທນລາວ.
ໃນຕອນທ້າຍຂອງກອງປະຊຸມ, ສອງຝ່າຍຢືນຢັນວ່າ ຈະສົມທົບກັນຢ່າງແໜ້ນແຟ້ນ ເພື່ອປະຕິບັດບັນດາມາດຕະການຊຸກຍູ້ການຮ່ວມມືດ້ານການຄ້າ ແລະ ອຸດສາຫະກຳ ສອງຝ່າຍຂອງສອງປະເທດ; ປະກອບສ່ວນປະຕິບັດເປົ້າໝາຍເພີ່ມວົງເງິນການຄ້າສອງຝ່າຍ ລະຫວ່າງສອງປະເທດ ໃຫ້ໄດ້ຢ່າງໜ້ອຍສຸດ 10% ໃນປີ 2023 ດັ່ງທີ່ການນຳຂັ້ນສູງສອງປະເທດໄດ້ວາງອອກ.
ຄຳຮຸ່ງ
