| ປິດຊຸດຝຶກອົບຮົມວຽກງານຊາວໜຸ່ມ ແລະກໍາມະບານ ໃຫ້ກອງທັບປະຊາຊົນລາວ | |
| ສະພາແຫ່ງຊາດ ຫວຽດນາມ ແລະ ສະພາແຫ່ງຊາດ ອາຟະລິກາໃຕ້ ເພີ່ມທະວີການແລກປ່ຽນ, ຮ່ວມມື |
ຕອນເຊົ້າວັນທີ 12 ທັນວາ, ຢູ່ ຮ່າໂນ້ຍ, ທ່ານ ຫງວຽນຈ້ອງເງັຍ, ຫົວໜ້າຄະນະໂຄສະນາສຶກສາສູນກາງພັກ ໄດ້ດຳເນີນການພົບປະເຈລະຈາກັບທ່ານ ຄຳພັນ ເຜີຍຍະວົງ, ຫົວໜ້າຄະນະໂຄສະນາອົບຮົບສູນກາງພັກປະຊາຊົນປະຕິວັດ ລາວ.
 |
| ທີ່ການພົບປະເຈລະຈາ (ພາບ: VOV) |
ທີ່ການພົບປະເຈລະຈາ, ທ່ານ ຫງວຽນຈ້ອງ ເງັຍ ແລະ ທ່ານ ຄຳພັນ ເຜີຍຍະວົງ ເຫັນດີຕ້ອງສືບຕໍ່ເອົາໃຈໃສ່ເຖິງວຽກງານກໍ່ສ້າງພັກ, ນັບທັງດ້ານການເມືອງ, ແນວຄິດ ແລະ ຄຸນສົມບັດ, ວຽກງານພະນັກງານ, ສຸມໃສ່ສຶກສາການເມືອງ ແນວຄິດ, ການປ້ອງກັນ, ຕ້ານການສໍ້ຫຼາດບັງຫຼວງ, ສິ່ງຫຍໍ້ທໍ້. 2 ຝ່າຍໄດ້ແລກປ່ຽນ, ແບ່ງປັນບົດຮຽນ, ເອກະສານໂຄສະນາກ່ຽວກັບສາຍພົວພັນລະຫວ່າງ 2 ປະເທດພາຍໃຕ້ຫຼາຍຮູບແບບ; ສືບຕໍ່ເພີ່ມເຕີມອັບເດັດປື້ມປະຫວັດສາດການພົວພັນ ຫວຽດນາມ - ລາວ, ມຸ່ງໄປເຖິງການຂໍ່ຳນັບຕ້ອນຮັບປີສາມັກຄີມິດຕະພາບ ຫວຽດນາມ - ລາວ, ລາວ - ຫວຽດນາມ 2027.
ໃນຂອບເຂດການຢ້ຽມຢາມ ຫວຽດນາມ ແຕ່ວັນທີ 11 – 14 ທັນວາ, ທ່ານ ຄຳພັນ ເຜີຍຍະວົງ, ໄດ້ເຂົ້າຢ້ຽມຂ່ຳນັບທ່ານເລຂາທິການໃຫຍ່ຄະນະບໍລິການງານສູນກາງພັກກອມມູນິດ ຫວຽດນາມ ຫງວຽນຝູຈ້ອງ; ເຂົ້າຮ່ວມພິທີສະຫຼຸບ, ມອບລາງວັນຊອກຫາປະຫວັດສາດການພົວພັນ ຫວຽດນາມ - ລາວ, ລາວ - ຫວຽດນາມ 2022; ໄປຢ້ຽມຢາມ ແລະ ເຮັດວຽກກັບບາງອົງການ, ກະຊວງ, ຂະແໜງການຂອງ ຫວຽດນາມ.
ພ້ອມກັນນັ້ນ, ໄດ້ປຶກສາຫາລືກ່ຽວກັບການຜັນຂະຫຍາຍສັນຍາຮ່ວມມືລະຫວ່າງກົມໂຄສະນາອົບຮົມສູນກາງພັກກອມມູນິດຫວຽດນາມ ແລະ ກົມໂຄສະນາອົບຮົມສູນກາງພັກປະຊາຊົນປະຕິວັດລາວ ໄລຍະ 2022 – 2026, ໄດ້ເນັ້ນໜັກເຖິງບົດບາດຂອງສອງກົມໃນວຽກງານໂຄສະນາ. ແນະນຳຍຸດທະສາດ ແລະ ປົກປັກຮັກສາພື້ນຖານອຸດົມການຂອງພັກ. ຫົວໜ້າຄະນະສອງປະເທດໄດ້ເຫັນດີເປັນປະຈຳການແລກປ່ຽນຂໍ້ມູນຂ່າວສານ ແລະ ປັບປຸງເຊິ່ງກັນ ແລະ ກັນກ່ຽວກັບການຜັນຂະຫຍາຍການພົວພັນລະຫວ່າງ 2 ປະເທດ ແລະ ຢືນຢັນວ່າ ການຮ່ວມມືຢ່າງໃກ້ຊິດ, ແລກປ່ຽນ, ຖອດຖອນບົດຮຽນຈາກປະສົບການແມ່ນຈຳເປັນທີ່ສຸດໃນສະພາບການໃໝ່.
ວີໂອວີ
