| ນັກຮຽນ ຫວຽດນາມ ຢູ່ອາເມລິກາ ຂົວເຊື່ອມຕໍ່ສຳຄັນລະຫວ່າງປະຊາຊົນ ຫວຽດນາມ - ອາເມລິກາ | |
| ຫວຽດນາມ - Uzbekistan ຍັງມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມືສອງຝ່າຍ |
ການພົວພັນສອງຝ່າຍ ຫວຽດນາມ - ອົດສະຕາລີ ໄດ້ມີການພັດທະນາຢ່າງກະໂດດຂັ້ນນັບແຕ່ເວລາສອງປະເທດສ້າງຕັ້ງການພົວພັນທາງການທູດແຕ່ປີ 1973. ພິເສດໃນວັນທີ 15 ມີນາ ປີ 2018, ຢູ່ນະຄອນຫຼວງ Canberra ຂອງອົດສະຕາລີ, ການນຳສອງປະເທດໄດ້ລົງນາມຖະແຫຼງການຮ່ວມມືກ່ຽວກັບການສ້າງການພົວພັນຄູ່ຮ່ວມມືຍຸດທະສາດ, ເຊິ່ງສະແດງໃຫ້ເຫັນຄວາມເຕີບໃຫຍ່ເຂັ້ມແຂງ ແລະ ຄວາມເປັນຫຼາຍຮູບແບບໃນການພົວພັນສອງຝ່າຍ, ໃນຫຼາຍຂົງເຂດຮ່ວມມືຄື ການເມືອງ, ການຄ້າ - ການລົງທຶນ, ການສຶກສາ, ການປ້ອງກັນຊາດ - ປ້ອງກັນຄວາມສະຫງົບ, ຕຳຫຼວດ, ການອົບພະຍົບ, ການຕ້ານອາດຊະຍາກຳຂ້າມຊາດ…
ຍິ່ງໄປກ່ວານັ້ນ, ໃນການຮ່ວມມືຢ່າງເລິກເຊິ່ງກ້ວາງຂວາງລະຫວ່າງສອງປະເທດ, ໂຄງການກະທຳຜັນຂະຫຍາຍການພົວພັນຄູ່ຮ່ວມມືຍຸດທະສາດໄລຍະ 2020 – 2023 ລະຫວ່າງ ຫວຽດນາມ ແລະ ອົດສະຕາລີ ໄດ້ຜັນຂະຫຍາຍຢ່າງຕັ້ງໜ້າ ແລະ ບັນລຸໄດ້ໝາກຜົນລະອຽດຫຼາຍຢ່າງ.
 |
| ພາບປະກອບ: TTXVN |
ທ່ານ ປ.ອ ຫງວຽນຮົ່ງຫາຍ - ນັກຄົ້ນຄ້ວາ ຂອງສູນອະນາຄົດນະໂຍບາຍ, ມະຫາວິທະຍາໄລ Queensland (ອົດສະຕາລີ), ໃຫ້ຮູ້ວ່າ ໂຄງການກະທຳຜັນຂະຫຍາຍການພົວພັນຄູ່ຮ່ວມມືຍຸດທະສາດໄລຍະ 2020 – 2023 ລະຫວ່າງສອງປະເທດສຸມໃສ່ 3 ເສົາຄ້ຳສຳຄັນແມ່ນເພີ່ມທະວີການສະໜິດຕິດພັນດ້ານເສດຖະກິດ - ການຄ້າ, ເຮັດໃຫ້ການຮ່ວມມືຍຸດທະສາດດ້ານປ້ອງກັນຊາດ - ປ້ອງກັນຄວາມສະຫງົບເລິກເຊິ່ງກວ້າງຂວາງກ່ວາອີກ, ສ້າງການພົວພັນຄູ່ຮ່ວມທີ່ມືພູມປັນຍາ ແລະ ການປ່ຽນແປງໃໝ່.
ໂດຍຕີລາຄາໝາກຜົນການປະຕິບັດໂຄງການກະທຳ, ທ່ານ ປ.ອ ຫງວຽນຮົ່ງຫາຍ ຖືວ່າ ໃນ 3 ປີຜ່ານມາ, ໃນຂົງເຂດເສດຖະກິດ, ສອງຝ່າຍບັນລຸໄດ້ບັນດາໝາກຜົນທີ່ເປັນໜ້າຊື່ນຊົມ.
ເຖິງວ່າຖືກຜົນກະທົບຈາກພະຍາດໂຄວິດ - 19, ແຕ່ວົງການການຄ້າສອງຝ່າຍໃນຊຸມປີ 2020, 2021 ແລະ ພິເສດແມ່ນໃນປີ 2022 ຍັງຮັກສາທ່າເຕີບໂຕຢູ່ລະດັບສູງທີ່ສຸດ.
ລະອຽດແມ່ນໃນປີ 2021, ວົງການການຄ້າສອງຝ່າຍບັນລຸ 12,4 ຕື້ USD, ປີ 2022 ເພີ່ມຂຶ້ນເກືອບ 16 ຕື້ USD. ຫວຽດນາມ ກາຍເປັນຄູ່ຮ່ວມມືທາງການຄ້າໃຫຍ່ອັນດັບທີ 10 ຂອງ ອົດສະຕາລີ, ໃນຂະນະທີ່ອົດສະຕາລີ ສືບຕໍ່ຮັກສາແມ່ນຄູ່ຮ່ວມມືທາງການຄ້າໃຫຍ່ອັນດັບທີ 7 ຂອງ ຫວຽດນາມ.
ນອກນີ້, ສອງປະເທດກໍ່ໄດ້ລົງນາມຍຸດທະສາດເພີ່ມທະວີການຮ່ວມມືດ້ານເສດຖະກິດໃນປີ 2021, ປະກອບສ່ວນຊຸກຍູ້ ແລະ ຮັດແໜ້ນການພົວພັນລະຫວ່າງພື້ນຖານເສດຖະກິດສອງປະເທດ.
ກ່ຽວກັບການຮ່ວມມືດ້ານປ້ອງກັນປະເທດ ແລະ ປ້ອງກັນຄວາມສະຫງົບ, ໂຄງການກະທຳສືບຕໍ່ໄດ້ຮັບການປະຕິບັດຂໍ້ຕົກລົງ “ຖະແຫຼງການວິໄສທັດລວມກ່ຽວກັບການຊຸກຍູ້ການຮ່ວມມືດ້ານປ້ອງກັນປະເທດປີ 2018” ລະຫວ່າງສອງປະເທດ.
ສອງຝ່າຍໄດ້ສ້າງຕັ້ງ ແລະ ຮັກສາຫຼາຍກົນໄກເຊັ່ນ: ກອງປະຊຸມລັດຖະມົນຕີປ້ອງກັນປະເທດປະຈຳປີ, ການສົນທະນາກ່ຽວກັບນະໂຍບາຍປ້ອງກັນປະເທດຂັ້ນຮອງລັດຖະມົນຕີ, ການປຶກສາຫາລືການຮ່ວມມືດ້ານການທະຫານປະຈຳປີ, ການສົນທະນາຍຸດທະສາດດ້ານການທູດ ແລະ ປ້ອງກັນປະເທດຂັ້ນຮອງລັດຖະມົນຕີ… ພິເສດ ເມື່ອໂລກລະບາດໂຄວິດ - 19 ເກີດຂຶ້ນ, ລັດຖະມົນຕີກະຊວງປ້ອງກັນປະເທດ ແລະ ລັດຖະມົນຕີກະຊວງການຕ່າງປະເທດຂອງສອງປະເທດ ຍັງຄົງຮັກສາບັນດາກອງປະຊຸມ ແລະ ການໂອ້ລົມສົນທະນາ.
ລັດຖະບານ ອົດສະຕາລີ ສືບຕໍ່ໃຫ້ຄຳໝັ້ນສັນຍາໜູນຊ່ວຍ ຫວຽດນາມ ໃນຂົງເຂດພູມປັນຍາ ແລະ ການປ່ຽນແປງໃໝ່ປະດິດຄິດສ້າງ ໂດຍຜ່ານໂຄງການ Aus4Innovation (2018-2022), ໂຄງການຄູ່ຮ່ວມມືໃນຂອບເຂດຂໍ້ຕົກລົງການພົວພັນຄູ່ຮ່ວມມືປ່ຽນແປງໃໝ່ປະດິດສ້າງ ອົດສະຕາລີ - ຫວຽດນາມ.
ໂດຍຕີລາຄາໝາກຜົນແຫ່ງການຜັນຂະຫຍາຍປະຕິບັດໂຄງການຜັນຂະຫຍາຍການພົວພັນຄູ່ຮ່ວມມືຍຸດທະສາດ ໄລຍະ 2020-2023, ທ່ານ ປອ ຫງວຽນຮົ່ງຫາຍ ຖືວ່າ: ເຖິງວ່າຈະໄດ້ຮັບຜົນກະທົບຈາກໂລກລະບາດໂຄວິດ-19, ແຕ່ສອງປະເທດຍັງບັນລຸໄດ້ບັນດາໝາກຜົນທີ່ໄດ້ວ່າງອອກ. ເຖິງຢ່າງໃດກໍຕາມ, ຍັງມີບັນດາຂົງເຂດການຮ່ວມມືສອງຝ່າຍທີ່ບໍ່ສອດຄ່ອງກັບສະພາບການຮ່ວມມືຍຸດທະສາດ.
ບຸນຄົງ
