| ລໍຖ້າຕ້ອນຮັບຖະໜົນຫວຽດນາມ ຢູ່ນະຄອນອຸດອນທານີ (ປະເທດໄທ) | |
| ຊຸກຍູ້ການລົງທຶນ, ການທ່ອງທ່ຽວ ແລະ ການພົວພັນແລກປ່ຽນປະຊາຊົນລະຫວ່າງ ຫວຽດນາມ ແລະ ແຂວງ ໜອງບົວ ລຳພູ (ໄທ) |
ທີ່ການພົບປະ, ທ່ານເອກອັກຄະລັດຖະທູດ ຟານຈີ້ແທ່ງ ໄດ້ແບ່ງປັນກັບເຈົ້າແຂວງຂອນແກ່ນ ເຖີງບາງຈຸດກ່ຽວກັບສະພາບການພົວພັນດ້ານການເມືອງ - ການຕ່າງປະເທດ; ດ້ານເສດຖະກິດ, ການຄ້າ, ການລົງທຶນລະຫວ່າງສອງປະເທດ, ຄວາມຮຽກຮ້ອງຕ້ອງການຂອງການຮ່ວມມືລະຫວ່າງທ້ອງຖິ່ນຂອງສອງປະເທດ ໃນໄລຍະຜ່ານມາ ແລະ 2 ຝ່າຍມຸ່ງໄປສູ່ບັນດາການເຄື່ອນໄຫວສະເຫຼີມສະຫຼອງ 10 ປີແຫ່ງວັນລົງນາມການຄພົວພັນຄູ່ຮ່ວມມືຍຸດທະສາດ ໃນປີນີ້ (2013-2023).
 |
| ທ່ານເອກອັກຄະລັດຖະທູດ ຟານຈີ້ແທ່ງ ແລະ ເຈົ້າແຂວງຂອນແກ່ນ |
ທ່ານເອກອັກຄະລັດຖະທູດ ເນັ້ນໜັກວ່າ ການພົວພັນຄູ່ຮ່ວມມືຍຸດທະສາດ ຫວຽດນາມ - ໄທ ໄດ້ພັດທະນາຢ່າງດີງາມ ໃນບັນດາຂົງເຂດຈາກການເມືອງ - ຄວາມໝັ້ນຄົງ, ເສດຖະກິດ, ການຄ້າ, ການລົງທຶນ, ການທ່ອງທ່ຽວ, ວັດທະນະທຳ, ການສຶກສາ, ການແລກປ່ຽນປະຊາຊົນ, ການຮ່ວມມືຢູ່ທ້ອງຖິ່ນ... ທ່ານເອກອັກຄະລັດຖະທູດ ໄດ້ຖືວ່າ: ຂອນແກ່ນ ແມ່ນແຂວງໜຶ່ງທີ່ມີທີ່ຕັ້ງສຳຄັນ, ເປັນໃຈກາງຂອງພາກຕາເວັນອອກສ່ຽງເໜືອຂອງໄທ ແລະ ມີຄວາມສາມາດບົ່ມຊ້ອນໃນການຮ່ວມມືກັບບັນດາທ້ອງຖິ່ນຂອງຫວຽດນາມ.
ທ່ານເອກອັກຄະລັດຖະທູດ ປາດຖະໜາວ່າ ແຂວງຂອນແກ່ນ ແລະ ນະຄອນດ່ານັງ ຈະຜັນຂະຫຍາຍບົດບັນທຶກຊ່ວຍຈຳ ກ່ຽວກັບການຮ່ວມມືແຮກສ່ຽວ, ຊຸກຍູ້ບັນດາການເຄື່ອນໄຫວຄື: ການຄົ້ນຄ້ວາ, ພິຈາລະນາການຈັດຕັ້ງຄະນະຜູ້ແທນການນຳແຂວງ ແລະ ວິສາຫະກິດໄປຊອກຮູ້, ເຊື່ອມໂຍງ ແລະ ຮ່ວມມືກັບນະຄອນດ່ານັງ; ຈັດຕັ້ງເວທີປາໄສສົ່ງເສີມການຄ້າ, ການລົງທຶນ ແລະ ການທ່ອງທ່ຽວລະຫວ່າງ 2 ທ້ອງຖິ່ນ.
ທ່ານ Kraisorn Kongchalad ປາດຖະໜາວ່າ ໃນອະນາຄົດອັນໃກ້ນີ້ 2 ຝ່າຍຈະຄົ້ນຄວ້າ ແລະ ເປີດສາຍການບິນໂດຍກົງຈາກຂອນແກ່ນ ຫາ ດ່ານັງ ໂດຍໄວ ເພື່ອແນໃສ່ຊຸກຍູ້ການດຶງດູດການລົງທຶນ, ການຄ້າ, ການທ່ອງທ່ຽວ, ການແລກປ່ຽນວັດທະນະທຳ ແລະ ການແລກປ່ຽນປະຊາຊົນລະຫວ່າງ 2 ທ້ອງຖິ່ນ. ທ່ານເຈົ້າແຂວງຂອນແກ່ນ ໄດ້ຕີລາຄາສູງບັນດາການປະກອບສ່ວນລວມ ເຂົ້າໃນການພັດທະນາເສດຖະກິດ - ສັງຄົມ ໃຫ້ແກ່ແຂວງຂອນແກ່ນ ຂອງປະຊາຄົມຊາວຫວຽດນາມ ແລະ ຢືນຢັນວ່າ ລັດຖະບານແຂວງ ຈະໜູນຊ່ວຍປະຊາຄົມຊາວໄທເຊື້ອຊາດຫວຽດນາມ ທີ່ດຳລົງຊີວິດ ແລະ ເຮັດວຽກຢູ່ທ້ອງຖິ່ນ.
ຄຳຮຸ່ງ
