| ຫວຽດນາມ ໜຸນຊ່ວຍ ຊູດານໃຕ້ ໃນການສະກັດກັ້ນພະຍາດ COVID-19 | |
| ທະຫານເສນາຮັກ ເດີນທາງເຂົ້າຮ່ວມຮັກສາສັນຕິພາບ ຢູ່ ຊູດານ |
ເນື່ອງໃນໂອກາດວັນແພດໝໍຫວຽດນາມ 27 ກຸມພາ, ໂຮງໝໍພາກສະໜາມ ຂັ້ນ 2 ເລກ 4 ຂອງຫວຽດນາມ ຢູ່ ຊູດານໃຕ້ ໄດ້ຈັດຕັ້ງການກວດ, ປິ່ນປົວພະຍາດ ແລະ ມອບຂອງຂວັນ ແລະ ຢາປົວພະຍາດຫຼາຍຢ່າງໃຫ້ປະຊາຊົນທ້ອງຖິ່ນ.
 |
| ການນຳໂຮງໝໍພາກສະໜາມຂັ້ນ 2 ເລກ 4 ມອບຂອງຂວັນໃຫ້ປະຊາຊົນຊູດານໃຕ້. |
ທ່ານຫົວໜ້າໂຮງໝໍພາກສະໜາມ ຂັ້ນ 2 ເລກ 4 ໃຫ້ຮູ້ວ່າ: ເພື່ອປະຕິບັດພິທີສະເຫຼີມສະຫຼອງວັນແພດໝໍ ຫວຽດນາມ ວັນທີ 27 ກຸມພາ ດ້ວຍຈິດໃຈ “ແພດໝໍເໝືອນດັ່ງແມ່ຜູ້ໃຈດີ”, ບັນດາທ່ານໝໍ, ພະຍາບານ ຂອງໂຮງໝໍພາກສະໜາມ ຂັ້ນ 2 ເລກ 4 ຂອງ ຫວຽດນາມ ທີ່ພວມປະຕິບັດງານຢູ່ຫ່າງໄກຈາກບ້ານ ໄດ້ເຂົ້າຮ່ວມຫຼາຍກິດຈະກໍາອາສາສະຫມັກ (CIMIC) ເພື່ອຊ່ວຍ ແລະ ສະຫນັບສະຫນູນໂຮງຫມໍ ກໍ່ຄືຄົນເຈັບ ແລະ ປະຊາຊົນໃນ Bentiu, ຊູດານໃຕ້.
ການກະກຽມໄດ້ດໍາເນີນໄປດ້ວຍຄວາມຕັດສິນໃຈ ແລະ ຮີບດ່ວນ. ບັນດາເຄື່ອງຈັກ, ອຸປະກອນການແພດ, ຢາປົວພະຍາດ ແລະ ຂອງຂວັນ ໄດ້ຮັບການກະກຽມ ແລະ ຮັບປະກັນ ເພື່ອມອບໃຫ້ແກ່ປະຊາຊົນ ໂດຍໂຮງໝໍພາກສະໜາມ ຂັ້ນ 2 ເລກ 4.
 |
 |
| ທີມງານອາສາສະໝັກຂອງໂຮງໝໍພາກສະໜາມ ຂັ້ນ 2 ເລກ 4 ໄດ້ລົງກວດສຸຂະພາບໃຫ້ປະຊາຊົນພາຍໃນບ້ານ |
ຄະນະອາສາສະໝັກ ໂດຍທ່ານພັນຕີ ເລຫວຽດແອງ - ຮອງຜູ້ອຳນວຍການວິຊາສະເພາະ ໄດ້ນຳພາຄະນະ ເພື່ອມອບຢາທີ່ຈຳເປັນ, ຢາຂ້າເຊື້ອໃຫ້ໂຮງໝໍ Bentiu General, ຮັບປະກັນສະພາບແວດລ້ອມ ແລະ ສິ່ງທີ່ຈຳເປັນໃຫ້ຊີວິດປະຈຳວັນຂອງປະຊາຊົນ.
 |
ທ່ານຜູ້ອຳນວຍການໂຮງໝໍ Bentiu ໄດ້ສະແດງຄວາມຕື້ນຕັນໃຈ ແລະ ຂອບໃຈກັບໂຮງໝໍພາກສະໜາມ ຂັ້ນ 2 ເລກ 4 ແລະ ອວຍພອນໃຫ້ພະນັກງານແພດໝໍ ແລະ ພະຍາບານຂອງໂຮງໝໍທັງໝົດໃນທົ່ວປະເທດ ຈົ່ງມີຄວາມສຸກໃນວັນທີ 27 ກຸມພາ. ຄົນເຈັບ ແລະ ປະຊາຊົນເຂດ Bentiu ກໍ່ສະແດງຄວາມຂອບອົກຂອບໃຈຢ່າງເລິກເຊິ່ງ ຕໍ່ນ້ຳໃຈອັນອົບອຸ່ນຂອງບັນດານັກຮົບທະຫານ ຫວຽດນາມ.
ຄຳຮຸ່ງ
