 | ສະຖານທູດ ຫວຽດນາມ ປະຈໍາ ຕ່າງປະເທດຫຼາຍແຫ່ງ ໄດ້ເປີດປຶ້ມໄຫວ້ອາໄລ ແລະ ຈັດພິທີໄຫວ້ອາໄລເຖິງທ່ານເລຂາທິການໃຫຍ່ ຫງວຽນຟູ໋ຈ້ອງ |
| ພິທີກ່າວໄວ້ອາໄລ ແລະສົ່ງສະການທ່ານເລຂາທິການໃຫຍ່ ຫງວຽນຝູຈ້ອງ |
ໂຮງໝໍກາງສະໜາມຂັ້ນ 2 ເລກ 5 ຍັງຕ້ອງດຳເນີນໄປຕາມກຳນົດເວລາ, ຮັບປະກັນການຮັກສາດ້ານການປິ່ນປົວຕາມຄວາມຮຽກຮ້ອງຂອງ ສະຫະປະຊາຊາດ. ໃນສະພາບຂາດເຂີນສິ່ງອໍານວຍຄວາມສະດວກ, ຍ້ອນວ່າບໍລິເວນທີ່ໂຮງໝໍເຄື່ອນທີ່ຂັ້ນ 2 ເລກທີ 5 ປະຈຳການແມ່ນພວມຖືກຕັດຂາດຈາກເສັ້ນທາງເຊື່ອມຕໍ່ທັງໝົດຍ້ອນຝົນຕົກ ແລະ ນໍ້າຖ້ວມ, ເສັ້ນທາງທັງໝົດຖືກຕັດຂາດ, ບໍ່ສາມາດຈໍລະຈອນໄດ້, 100% ບັນດາເສັ້ນທາງຢູ່ Bentiu ແມ່ນທາງດິນ ແລະ ພາຫະນະຄົມມະນາຄົມຈະຕົກບວກ ແລະ ປີ້ນຍ້ອນສະພາບດິນມື່ນຫຼັງຈາກຝົນຕົກ.
 |
| ພະນັກງານ, ລັດຖະກອນຂອງໂຮງໝໍກາງສະໜາມຂັ້ນ 2 ເລກ 5 ຫວຽດນາມ ກະກຽມແທ່ນບູຊາທ່ານເລຂາທິການໃຫຍ່ ຫງວຽນຟູ໋ຈ້ອງ. |
ທ່ານໝໍ ຫງວຽນຮ່າຫງອກ, ຜູ້ອຳນວຍການໂຮງໝໍກາງສະໜາມຂັ້ນ 2 ເລກ 5 ໃຫ້ຮູ້ວ່າ ຄຽງຄູ່ກັນນັ້ນ, ບໍລິເວນ Bentiu ແມ່ນສະຖານທີ່ຂັດແຍ້ງ, ຂາດເຂີນ ແລະ ຫຍຸ້ງຍາກຫຼາຍ, ໃນຊຸມມື້ມໍ່ໆມານີ້, ກຳລັງຮັກສາສັນຕິພາບບໍ່ສາມາດເຂົ້າເຖິງທີ່ຢູ່ອາໄສຂອງປະຊາຊົນໃນບໍລິເວນ ຍ້ອນສະພາບນ້ຳຖ້ວມ.
ຈາກຄວາມສຸດຈິດສຸດໃຈເຫຼົ່ານັ້ນ, ໝູ່ຄະນະຂອງໂຮງໝໍກາງສະໜາມຂັ້ນ 2 ເລກ 5 ໄດ້ພ້ອມຈິດພ້ອມໃຈກັນ ແລະ ແຕ່ລະຄົນໄດ້ປະກອບສ່ວນຄວາມພະຍາຍາມຂອງຕົນເອງກັບສິ່ງທີ່ພວກເຂົາມີຢູ່ໃນມື ແລະ ໄດ້ສ້າງເປັນບັນດາເລື່ອງລາວ "ບໍ່ຄາດຄິດ".
ກ່ອນອື່ນໝົດແມ່ນເລື່ອງເລົ່າກ່ຽວກັບຜ້າດຳ, ທ່ານໝໍ ຟ້າມຮວ່າງຢ່າ ແບ່ງປັນວ່າ ໃນສະພາບຕົວຈິງ, ຢູ່ໂຮງໝໍເຄື່ອນທີ່ແມ່ນບໍ່ມີຜ້າດຳ, ໃນບໍລິເວນທີ່ຕັ້ງທັບບໍ່ສາມາດເຂົ້າເຖິງເຂດທີ່ຢູ່ອາໄສຂອງພົນລະເມືອງຍ້ອນຝົນຕົກ ແລະ ນໍ້າຖ້ວມ. “ເຖິງວ່າໄປຮອດເຂດທີ່ຢູ່ອາໄສຂອງພົນລະເມືອງໄດ້ແລ້ວ, ກໍ່ບໍ່ມີບ່ອນທີ່ຈະຊື້, ເພາະວ່ານີ້ແມ່ນເຂດທີ່ຢູ່ອາໄສທຸກຍາກ, ໂດຍຕົ້ນຕໍແມ່ນບັນດາຄົນລີ້ໄພ, ຂ້າພະເຈົ້າໄດ້ລິເລີ່ມເອົາຜ້າຂາວມ້ວນທີ່ມີຢູ່ແລ້ວ, ແລ້ວໃຊ້ນ້ຳມຶກຈີນ, ຕຸກນ້ຳມຶກທີ່ຂ້າພະເຈົ້າໄດ້ນຳມາຈາກ ຫວຽດນາມ ເພື່ອຝຶກແຕ້ມໂຕໜັງສືຈີນ”, ທ່ານໝໍ ຟ້າມຮວ່າງຢ່າ ເວົ້າຕໍ່. ຈາກຕຸກນ້ຳມຶກ, ທ່ານໝໍ ຢ່າ ໄດ້ຍ້ອມແຜ່ນຜ້າເປັນສີດຳ, ເພື່ອໃຊ້ເປັນພື້ນແທ່ນບູຊາ. ໂດຍຕ້ອງໄດ້ຍ້ອມສີເປັນຫຼາຍຄັ້ງ, ໃນທີ່ສຸດກໍ່ໄດ້ສີດມຶກຈີນໃສ່ບ່ອນສີດຳທີ່ຍ້ອມບໍ່ສະໝ່ຳສະເໝີ, ເພື່ອໃຫ້ແຜ່ນຜ້າໄດ້ຄວາມຮຽກຮ້ອງທີ່ໜ້າພໍໃຈທີ່ສຸດ.
 |
| ທ່ານໝໍ ຟ້າມຮວ່າງຢ່າ ພວມປະຕິບັດບັນດາຂັ້ນຕອນສຸດທ້າຍເພື່ອຍ້ອມສີດຳໃຫ້ແຜ່ນຜ້າ. |
ແຕ່ວ່າ, ຄວາມຫຍຸ້ງຍາກຍັງມີອີກ, ພາຍຫຼັງການຍ້ອມສີແລ້ວ, ເປັນມື້ຝົນຕົກ, ການເຮັດໃຫ້ຜ້າແຫ້ງ ຈຶ່ງກາຍເປັນສິ່ງທ້າທາຍໃໝ່. ເມື່ອເຫັນດັ່ງນັ້ນ, ທ່ານໝໍ ນາງ ຟ້າມທິແທ່ງຢາງ, ນາງພະຍາບານ ເຈີ່ນຍືຫງອກ ແລະ ນາງພະຍາບານ ຟ້າມທິບິກເວີນ ໄດ້ປ່ຽນກັນເປົ່າແຜ່ນຜ້າດ້ວຍເຄື່ອງເປົ່າຜົມສ່ວນຕົວຂອງຕົນ.
 |
| ທ່ານໝໍ ນາງ ຮວິ່ງທິແທ່ງຢາງ ກຳລັງເປົ່າແຜ່ນຜ້າພື້ນດຳໃຫ້ແຫ້ງ. |
ໂດຍຄິດວ່າຈະສໍາເລັດແລ້ວ, ແຕ່ວ່າ ຂະຫນາດຂອງແຜ່ນຜ້າ ແລະ ຝາທີ່ຕັ້ງແທ່ນບູຊາແມ່ນບໍ່ສົມກັນ. ນາງພະຍາບານ ຫງວຽນທິຍຸງ ແລະ ຫງວຽນທິແທ່ງຮັງ ໄດ້ແທກ, ຕັດ, ຫຍິບແຜ່ນຜ້າໃໝ່ ເພື່ອໃຫ້ພໍດີທີ່ສຸດ.
ໃນຂະນະນັ້ນ, ທ່ານຫົວໜ້າບໍລິຫານ ນາງ ເຈີ່ນທ້ວນຈ່າງ, ພ້ອມກັບບັນດານາງພະຍາບານ ບຸ່ຍທິເຫ໋ວ, ເຢືອງກຽວລວານ, ຫງວຽນທິຍືຫງອກ ກໍ່ໄດ້ພິມ, ແທກ ແລະ ຕັດຕົວໜັງສືຈາກເຈ້ຍ A4 ເພື່ອຕິດໃສ່ຜ້າພື້ນຫຼັງສີດຳ.
 |
| ກຸ່ມແມ່ຍິງກຳລັງຕັດເຈ້ຍ ແລະ ຕິດໃສ່ຜ້າພື້ນຫຼັງສີດຳ. |
ຂັ້ນຕອນສຸດທ້າຍແມ່ນນາງພະຍາບານ ຫງວຽນແທ່ງເລ້ເຍີນ ໄດ້ລີດແຜ່ນຜ້າພື້ນດຳ ແລະ ທຸງຊາດໃຫ້ລຽບດີ ເຮັດແນວໃດໃຫ້ສົມກຽດທີ່ສຸດ.
ພວງມາລາ, ແນ່ນອນວ່າ ບໍ່ມີຢູ່ບໍລິເວນ, ກຸ່ມແມ່ຍິງ ໂຮງໝໍເຄື່ອນທີ່ຂັ້ນ 2 ເລກທີ 5 ປະກອບມີ 10 ສະຫາຍ, ເອົາເຈ້ຍເຫຼືອງ, ເຈ້ຍ A4 ສີຂາວ, ແລ້ວໃຫ້ຄົນຮູ້ເຮັດແນະນຳໃຫ້ຄົນບໍ່ຮູ້, ແບ່ງວຽກແຕ່ລະຂັ້ນຕອນ, ຕັດ, ເຮັດເປັນຮູບ ແລະ ຕິດເພື່ອໃຫ້ຄ້າຍຄືກັບດອກເບັນຈະມາດສີເຫຼືອງ ແລະ ດອກເບັນຈະມາດສີຂາວ, ແຕ່ຕ້ອງເຮັດໃຫ້ແລ້ວໃນເວລາໄວທີ່ສຸດ.
 |
| ໂຖດອກເບັນຈະມາດຂາວ ແລະ ເຫຼືອງ ໂດຍກຸ່ມແມ່ຍິງໂຮງໝໍກາງສະໜາມຂັ້ນ 2 ເລກ 5 ເຮັດດ້ວຍຕົນເອງ. |
ໂດຍບໍ່ສາມາດຊອກຫາບ່ອນໃດເພື່ອຊື້ຂອບຮູບໃນຕອນນີ້ໄດ້. ໃນຂະນະທີ່ປະສົບກັບຄວາມຫຍຸ້ງຍາກໃນການຊອກຫາວິທີແກ້ໄຂນັ້ນ, ສະຫາຍ ຮວ່າງຈູງຮ໋ຽວ, ສະມາຊິກກຸ່ມສຸກເສີນທາງອາກາດ (AMET), ໄດ້ສະໝັກໃຈວັດແທກ, ຕອກ ແລະ ທາສີໃຫ້ເປັນຂອບຮູບງາມທີ່ສຸດ ແລະ ເໝາະທີ່ສຸດກັບຮູບພາບທີ່ ສະຫາຍ ຫງວຽນເຟືອກເຕື່ອງ, ຫົວໜ້າຂະແໜງແຜນການ (Operation) ໄດ້ກະກຽມໄວ້.
ສະນັ້ນ ແທ່ນບູຊາຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ກໍ່ໄດ້ຮັບການເຮັດສຳເລັດໂດຍພະນັກງານ ແລະ ລັດຖະກອນການແພດຢູ່ໂຮງໝໍກາງສະໜາມຂັ້ນ 2 ເລກ 5 ຈາກວັດສະດຸທີ່ມີຢູ່ສະຖານທີ່ອາໄສ ຢູ່ ຊູດັງໃຕ້.
“ພາຍຫຼັງທີ່ເຮັດແທ່ນບູຊາຂອງລຸງ ຈ້ອງ ສຳເລັດແລ້ວ, ພວກຂ້າພະເຈົ້າໄດ້ຫຼຽວເບິ່ງກັນ ແລະ ກັນ, ບໍ່ມີໃຜວ່າຫຍັງ, ແຕ່ໃນສາຍຕາແມ່ນການໃຫ້ກຳລັງໃຈກັນ, ຄວາມຊົມເຊີຍ ແລະ ທັງຄວາມສະເທືອນໃຈ. ພວກຂ້າພະເຈົ້າຂອບໃຈເຊິ່ງກັນ ແລະ ກັນ ແລະ ນັບຖືນ້ຳໃຈຄວາມມານະພະຍາຍາມຂອງແຕ່ລະຄົນ, ເພື່ອເຮັດໃນສິ່ງທີ່ເບິ່ງຄືວ່າງ່າຍດາຍ, ແຕ່ທີ່ຈິງແລ້ວແມ່ນຫຍຸ້ງຍາກຫຼາຍໃນສະພາບການຂອງພວກຂ້າພະເຈົ້າໃນປັດຈຸບັນ. ເຖິງແມ່ນວ່າຢູ່ຫ່າງຈາກປະເທດຊາດ, ແຕ່ພວກຂ້າພະເຈົ້າກໍ່ເຂົ້າໃຈວ່າ ໃນຫົວໃຈອັນຮ້ອນນີ້, ປະເທດຊາດແມ່ນໃສແຈ້ງຕະຫຼອດໄປ, ເຖິງແມ່ນວ່າຈະຢູ່ຫ່າງໄກຫຼາຍເທົ່າໃດກໍ່ຕາມ, ແຕ່ຍາມໃດຫົວໃຈຂອງພວກຂ້າພະເຈົ້າກໍ່ຈະເຕັ້ນໄປກັບຈັງຫວະຂອງປະຊາຊົນຮ່ວມຊາດພວກເຮົາ”, ນາງພະຍາບານ ຫງວຽນທິແທັງຮັ່ງ, ຫົວໜ້າກຸ່ມແມ່ຍິງ, ໂຮງໝໍເຄື່ອນທີ່ຂັ້ນ 2 ເລກທີ 5 ໄດ້ແບ່ງປັນຄວາມຮູ້ສຶກ.
 | ການນຳພັກ ແລະ ລັດເຂົ້າຮ່ວມພິທີໄຫວ້ອາໄລຫາທ່ານເລຂາທິການໃຫຍ່ ຫງວຽນຟູ໋ຈ້ອງ ຍສໝ - ງານສົບຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ດຳເນີນໄປຢ່າງເຄັ່ງຂຶມຢູ່ທີ່ຫໍງານສົບແຫ່ງຊາດ. ບັນດາຄະນະບໍລິຫານງານສູນກາງພັກ; ປະທານປະເທດ; ລັດຖະບານ; ສະພາແຫ່ງຊາດ ແລະ ສູນກາງແນວໂຮມປະເທດຊາດ ຫວຽດນາມ ໄດ້ເຂົ້າວາງພວງມາລາໄຫວ້ອາໄລ. |
 | ທ່ານເລຂາທິການໃຫຍ່ ຫງວຽນຟູ໋ຈ້ອງ: ເປັນຄົນນຳໜ້າ ແລະ ສຸດອົກສຸດໃຈກັບພະນັກງານການທູດ ຍສໝ - ສຳລັບພະນັກງານການທູດ, ທ່ານເລຂາທິການໃຫຍ່ ຫງວຽນຟູ໋ຈ້ອງ ເປັນຄືອາຈານທີ່ເຄົາລົບ. ບັນດາບົດຂຽນ ແລະ ຄຳຕັກເຕືອນຂອງ ທ່ານເລຂາທິການໃຫຍ່ ແມ່ນປື້ມຄູ່ມື ເພື່ອໃຫ້ພະນັກງານການທູດ ໄດ້ຮ່ຳຮຽນ ແລະ ປະຕິບັດຕາມ. |
ມິງດຶກ
