ທະຫານເສນາຮັກ ເດີນທາງເຂົ້າຮ່ວມຮັກສາສັນຕິພາບ ຢູ່ ຊູດານ

ຕອນເຊົ້າຂອງວັນທີ 1 ຕຸລາ, ຢູ່ນະຄອນໂຮ່ຈີ໋ມິງ, ກະຊວງປ້ອງກັນປະເທດ ໄດ້ຈັດພິທີສົ່ງ ທະຫານເສນາຮັກ ເຄື່ອນທີ່ຂັ້ນ 2 ເລກທີ 1 ໄປປະຕິບັດພາລະກິດ ຮັກສາສັນຕິພາບ ຮ່ວມກັບ ສະຫະປະຊາຊາດ ຢູ່ພາກໃຕ້ປະເທດຊູດານ.

ນັກຮົບ-ທະຫານເສນາຮັກ ພະນັກງານໂຮງໝໍເຄື່ອນທີ່ ຂັ້ນ 2 ເລກທີ 1 ຈຳນວນ 63 ສະຫາຍ ເດີນທາງໄປປະຕິບັດພາລະກິດ ຮັກສາສັນຕິພາບ ຢູ່ ພາກໃຕ້ ປະເທດ ຊູດານ.

ພົນໂທ ຫງວຽ໋ນຈີ໋ ວິ້ງ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະຊີ້ນຳກະຊວງປ້ອງກັນເທດ ກ່ຽວກັບ ຫວຽດນາມ ຈະເຂົ້າຮ່ວມເຄື່ອນໄຫວຮັກສາສັນຕິພາບ ຮ່ວມກັບສະຫະປະຊາຊາດ; ເອກອັກຄະລັດຖະທູດ ຜູ້ມີອຳນາດເຕັມ ຂອງ ອ໋ອດສະເຕເລຍ; ຕ່າງໜ້າເອກອັກຄະລັດຖະທູດ ອາເມລິກາ, ສະຫະປະຊາຊາດ; ຕ່າງໜ້າກະຊວງ, ທະບວງຂັ້ນສູນກາງ, ນະຄອນໂຮ່ຈີ໋ມິງ ແລະ ນັກຮົບ-ທະຫານເສນາຮັກ ພະນັກງານໂຮງໝໍເຄື່ອນທີ່ ຂັ້ນ 2 ເລກທີ 1 ຈຳນວນ 63 ສະຫາຍໄດ້ເຂົ້າຮ່ວມພິທີສົ່ງຕົວຄັ້ງນີ້.

ພົນໂທ ຫງວ໋ຽນຈີ໋ ວິ້ງ ໂອ້ລົມພະນັກງານ, ທະຫານເໂຮງໝໍເຄື່ອນທີ່ ຂັ້ນ 2 ເລກທີ 1 ກ່ອນເດີນທາງສູ່ພາລະກິດ.

ກ່າວຄຳເຫັນໃນພິທີ, ພົນໂທ ຫງວ໋ຽນຈີ໋ ວິ້ງ ຕີລາຄາສູງວຽກງານການກະກຽມໃຫ້ແກ່ ໂຮງໝໍເຄື່ອນທີ່ ຂັ້ນ 2 ເລກທີ 1 ໄປປະຕິບັດພາລະກິດ ຢູ່ ພາກໃຕ້ຊູດານ. ພົນໂທ ຫງວ໋ຽນຈີ໋ ວິ້ງ ຮຽກຮ້ອງມາຍັງ ບັນດາພະນັກງານ, ລັດຖະກອນ ເມື່ອປະຕິບັດພາລະກິດພາບໃຕ້ສະພາບແວດລ້ອມ ຫຼາຍຊາດຮ່ວມກັນ ເຮົາຕ້ອງໄດ້ປັບ ຕົວໃຫ້ເຂົ້າກັບສະພາບການຢ່າງວ່ອງໄວ ແລະ ປະຕິບັດຕົວຢ່າງມີລະບຽບ, ຖືກຕ້ອງຕາມຂໍ້ກຳນົດ. ຕ້ອງສະແດງໃຫ້ເພື່ອນມິດສາກົນ ເຫັນໄດ້ຄວາມສາມາດຂອງພະນັກງານທະຫານ ຫວຽດນາມ ດ້ານຄວາມເປັນມືອາຊີບ ໃນການເຮັດວຽກ ແລະ ກ່ຽວກັບຄວາມສາມາດດ້ານພາສາ, ວຽກງານການຈັດຕັ້ງ, ແກ້ໄຂສະພາບການສະເພາະໜ້າ.

ການນຳກະຊວງປ້ອງກັນປະເທດ ຖ່າຍຮູບເປັນທີ່ລະນຶກ ກັບ ທະຫານເສນາຮັກ ໂຮງໝໍເຄື່ອນທີ່ ຂັ້ນ 2 ເລກທີ 1.

ພິເສດແມ່ນຕ້ອງໄດ້ເປັນເອກກະພາບ ແລະ ຈັດຕັ້ງປະຕິບັດຢ່າງເຂັ້ມງວດທັດສະນະ, ແນວທາງການທູດຂອງພັກ, ລັດ ແລະ ທະຫານ ປະກອບສ່ວນຍົກສູງ ທີ່ຕັ້ງຂອງຫວຽດນາມ ບົນເວທີສາກົນ. ຍົກສູງນຳ້ໃຈສາມັກຄີ, ປະສານສົມທົບ, ຮັກສາ ແລະ ເສີມຂະຫຍາຍ ມູນເຊື້ອຂອງ “ທະຫານລຸງໂຮ່”, ເປັ່ງປະກາຍ ແລະ ສ້າງຄວາມປະທັບໃຈ ກັບປະເທດທີ່ຕົນຢູ່ ແລະ ເພື່ອນມິດສາກົນ.

ພາຍຫຼັງພິທີນຳສົ່ງ ທະຫານ-ນັກຮົບ, ພະນັກງານໂຮງໝໍເຄື່ອນທີ່ ຂັ້ນ 2 ເລກທີ 1 ຂື້ນກັບ ກອງກຳລັງຮັກສາສັນຕິພາບ ຫວຽດນາມ ໄດ້ປະຕິບັດຕາມຂັ້ນຕອນແລ້ວ ແມ່ນຈະເດີນທາງດ້ວຍຍົນ ເພື່ອໄປຍັງ ພາກໃຕ້ປະເທດ ຊູດານ ສ້າງຂີດໝາຍຄັ້ງທຳອິດຂອງ ຫວຽດນາມ ໃນການຜັນຂະຫຍາຍ ກຳລັງພື້ນຖານ ເຂົ້າຮ່ວມຮັກສາສັນຕິພາບໂດຍກົງ. ພ້ອມທັງຢັ້ງຢືນ ວ່າ ຫວຽດນາມ ມີຄວາມສາມາດຄົບໃນການຈັດຕັ້ງປະຕິບັດບັນດາພາລະກິດສັນຕິພາບສາກົນ ຂອງ ສະຫະປະຊາຊາດ.

（ຫັດ​ທະ​ບູນ）