| ຫວຽດນາມ - ລັດເຊຍ ຊຸກຍູ້ການຮ່ວມມືຕ້ານອາດຊະຍາກຳ | |
| ຫວຽດນາມ ມີຄວາມສາມາດບົ່ມຊ້ອນຫຼາຍຢ່າງເພື່ອເປີດປະຕູໃຫ້ສະຫະພັນລັດເຊຍ ສຳພັດກັບ ອາຊຽນ |
ທີ່ການພົບປະ, ຜູ້ຕາງໜ້າຄະນະຄ້ມຄອງສູນຮັບຜິດຊອບປະຊາຄົມຊາວຫວຽດນາມ ຢູ່ຕ່າງປະເທດ ໄດ້ແນະນຳຮູບແບບການດຳເນີນທຸລະກິດຂອງຊາວຫວຽດນາມ, ບັນດາໝາກຜົນທີ່ຄະນະຄຸມຄອງ ບັນລຸໄດ້ໃນປີ 2022 ເພື່ອສ້າງເງື່ອນໄຂສະດວກໃຫ້ຊາວຫວຽດນາມ ດຳເນີນທຸລະກິດຢູ່ທີ່ນີ້, ກໍ່ຄືແຜນການປະຕິບັດໃນປີໃໝ່ 2023.
 |
ສູນການຄ້າ Sadovod, ລັດເຊຍ |
ກ່າວຄຳເຫັນທີ່ການພົບປະ, ທ່ານເອກອັກຄະລັດຖະທູດ ດັ້ງມິງຄອຍ ໄດ້ຮັບຮູ້ ແລະ ຍ້ອງຍໍບັນດາຄວາມມານະພະຍາຍາມຂອງຊາວ ຫວຽດນາມ, ເຖິງວ່າສະພາບການໂລກບໍ່ເປັນປົກກະຕິ, ໄດ້ກະທົບເຖິງການເຄື່ອນໄຫວທາງດ້ານທຸລະກິດ ແລະ ການຄ້າຢ່າງໃຫຍ່ຫຼວງ, ແຕ່ຊາວຫວຽດນາມ ຍັງຄົງຮັກສາຊີວິດການເປັນຢູ່ທີ່ເປັນປົກກະຕິຢູ່ທີ່ນີ້, ໂດຍໄດ້ຮັບການຕີລາຄາສູງຈາກທ້ອງຖິ່ນ ແລະ ລັດຖະບານປະຈຳຖິ່ນ.
ທ່ານເອກອັກຄະລັດຖະທູດ ດັ້ງມິງຄອຍ ຢືນຢັນວ່າ ຄວາມຮັກແພງເຊິ່ງກັນ ແລະ ກັນແມ່ນມູນເຊື້ອອັນດີງາມຂອງຊາວຫວຽດນາມ, ນັບມື້ນັບກາຍເປັນໜ້ານັບຖືຢ່າງສູງ ສຳລັບລູກຫຼານຢູ່ຫ່າງໄກຈາກບ້ານເກີດເມືອງນອນ. ໃນສະພາບການທີ່ຫຍຸ້ງຍາກທີ່ສຸດ, ຊາວຫວຽດນາມ ຢູ່ລັດເຊຍ ເວົ້າລວມ ແລະ ໃນ Sadovod ເວົ້າສະເພາະ ໄດ້ເສີມຂະຫຍາຍຄຸນງາມຄວາມດີນີ້ເປັນຢ່າງດີ.
 |
| ທ່ານເອກອັກຄະລັດຖະທູດ ດັ້ງມິງຄອຍ ໄດ້ລົງຢ້ຽມຢາມຖາມຂ່າວສະພາບການຢູ່ສູນການຄ້າ Sadovod |
ທີ່ການພົບປະ, ທ່ານເອກອັກຄະລັດຖະທູດ ໄດ້ຕີລາຄາສູງ ແລະ ສະແດງຄວາມຂອບອົກຂອບໃຈຕໍ່ສະພາບໍລິຫານ ແລະ ຄະນະຄຸ້ມຄອງສູນ Sadovod ທີ່ໄດ້ເບິ່ງແຍງຊີວິດທາງດ້ານຈິດໃຈໃຫ້ແກ່ປະຊາຄົມຊາວ ຫວຽດນາມ ຢູ່ທີ່ນີ້ ຜ່ານບັນດາການເຄື່ອນໄຫວແລກປ່ຽນວັດທະນະທຳ, ກິລາ, ປະກອບສ່ວນເພີ່ມທະວີຄວາມສາມັກຄີ, ແລະພ້ອມກັນນັ້ນ ກໍຮຽກຮ້ອງໃຫ້ຄະນະຄຸ້ມຄອງສູນ ເອົາໃຈໃສ່ເຖິງສະພາບແວດລ້ອມແຫ່ງການເຮັດວຽກຂອງປະຊາຊົນຕື່ມອີກ ໂດຍສະເພາະແມ່ນບັນຫາຄວາມສະຫງົບ, ຄວາມປອດໄພດ້ານອັກຄີໄພ, ການປ້ອງກັນ ແລະ ຄວບຄຸມພະຍາດ, ກໍ່ຄື ສ້າງເງື່ອນໄຂທີ່ຈຳເປັນໃຫ້ປະຊາຊົນໃນການສຳເລັດຂັ້ນຕອນ ແລະ ເອກະສານເພື່ອຕອບສະໜອງຄວາມຮຽກຮ້ອງຕ້ອງການຂອງກົດໝາຍທ້ອງຖິ່ນໂດຍໄວ.
ສ່ວນທ່ານ Zakharyaev - ປະທານສະພາບໍລິຫານສູນການຄ້າ Sadovod ໄດ້ຕີລາຄາສູງບັນດາຄວາມດຸໝັ່ນ ແລະ ຄວາມມານະພະຍາຍາມຂອງຊາວຫວຽດນາມ ທີ່ເຮັດວຽກຢູ່ Sadovod ແລະ ແບ່ງປັນບັນດາແຜນການພັດທະນາສູນໃນໄລຍະຈະມາເຖິງ, ເພື່ອສືບຕໍ່ສ້າງສະພາບແວດລ້ອມແຫ່ງການດຳເນີນທຸລະກິດ, ການຄ້າໃນຂອບຂະໜາດໃຫຍ່ ແລະ ຄຸນນະພາບທີ່ດີຂຶ້ນ. ຕາງໜ້າຊາວຫວຽດນາມຢູ່ທີ່ນີ້ ໄດ້ສະແດງຄວາມຂອບອົກຂອບໃຈຕໍ່ສະຖານທູດຫວຽດນາມ ທີ່ໄດ້ເອົາໃຈໃສ່ ແລະ ສ້າງເງື່ອນໄຂດີທີ່ສຸດກ່ຽວກັບບັນດາລະບຽບການກົດໝາຍທີ່ຈຳເປັນ ເພື່ອສາມາດດຳເນີນທຸລະກິດ ແລະ ການຄ້າຢ່າງຖືກຕ້ອງຕາມກົດໝາຍ.
ຄຳຮຸ່ງ
