| ມອບທຶນການສຶກສາ Vallet ໃຫ້ແກ່ນັກຮຽນ ແລະນັກສຶກສາ 212 ຄົນຢູ່ 3 ແຂວງພາກກາງ ຫວຽດນາມ | |
| ພວກຂ້າພະເຈົ້າມີຄວາມສຸກເມື່ອໄດ້ຮ່ຳຮຽນຢູ່ ລາວ |
ການເສັງແມ່ນໄດ້ຮັບການຈັດຕັ້ງໂດຍການໜູນຊ່ວຍຂອງກອງທຶນຊຸກຍູ້ການຮ່ວມມືລະຫວ່າງ ລັດເຊຍ - ຫວຽດນາມ “ມູນເຊື້ອ ແລະ ມິດຕະພາບ” ພ້ອມກັບບັນດາຄູ່ຮ່ວມມືຂອງ MGU.
ທ່ານ Maksim Alekseievich ປະລິນຍາເອກປະຫວັດສາດ ຂອງສະຖາບັນບັນດາປະເທດອາຊີ ແລະ ອາຟຣິກາ MGU ໃຫ້ຮູ້ວ່າ, ນີ້ແມ່ນຄັ້ງທຳອິດທີ່ສະຖາບັນຈັດຕັ້ງການເສັງຊອກຮູ້ກ່ຽວກັບຫວຽດນາມ. ຈຸດປະສົງຂອງການເສັງແມ່ນເພື່ອຊ່ວຍໃຫ້ນັກສຶກສາ ແລະ ຜູ້ມີຄວາມສົນໃຈຄົ້ນຄ້ວາກ່ຽວກັບວັດທະນະທຳ ແລະ ປະຫວັດສາດຫວຽດນາມ. ການເສັງຍັງໄດ້ຈັດຂື້ນດ້ວຍຫຼາຍແງ່ມູມທາງດ້ານສະຕິປັນຍາ ແລະ ຄວາມບັນເທີງ ເພື່ອດຶງດູດຄວາມສົນໃຈຂອງນັກສຶກສາລັດເຊຍ ໃນປະເທດຕາເວັນອອກນີ້.
 |
| ພາບບັນຍາກາດທີ່ການເສັງ. (ຮູບພາບ: ໜັງສືພິມປະຊາຊົນ ) |
ໃນເວລາ 2 ຊົ່ວໂມງ, ຜູ້ເຂົ້າຮ່ວມງານການເສັງໄດ້ເຂົ້າເຖິງແບບສອບຖາມ ແລະ ບັນດາຮູບພາບທີ່ອຸດົມສົມບູນກ່ຽວກັບວັດທະນະທຳ, ປະຫວັດສາດ, ພູມສາດ, ອາຫານການກິນ ແລະ ຂໍ້ມູນຂ່າວສານຫຼາຍຢ່າງກ່ຽວກັບຊີວິດຫວຽດນາມ. ແບບສອບຖາມເຫຼົ່ານີ້ບໍ່ພຽງແຕ່ເປັນແບບສອບຖາມເສັງປາລະໄນພຽງຢ່າງດຽວເທົ່ານັ້ນ, ແຕ່ຍັງໃຫ້ຂໍ້ມູນແກ່ຜູ້ເຂົ້າຮ່ວມໃນລັກສະນະທີ່ໜ້າສົນໃຈ ແລະ ຈື່ງ່າຍກ່ຽວກັບຫວຽດນາມ.
Nikita Luxenko, ນັກສຶກສາຢູ່ MGU, ໄດ້ເວົ້າວ່າ ນີ້ແມ່ນການເສັງທີ່ໜ້າສົນໃຈ, ຊ່ວຍໃຫ້ມີຄວາມເຂົ້າໃຈກ່ຽວກັບຫວຽດນາມ ຕື່ມອີກ ດ້ວຍວິທີການເຂົ້າເຖິງທີ່ມີໄຫວພິບ, ຊ່ວຍໃຫ້ເຮົາຮູ້ສຶກມີຄວາມສົນໃຈໃນການສຶກສາ ແລະ ຄົ້ນຄວ້າ. ນັກສຶກສາລັດເຊຍ ຫຼາຍຄົນໄດ້ຮັບຄະແນນສູງພາຍຫຼັງບັນດາຮອບການເສັງກ່ຽວກັບວັດທະນະທຳ ແລະ ປະຫວັດສາດຫວຽດນາມ.
ຕາມທ່ານ ຫງວຽນກວັກຮຸ່ງ ແລ້ວ, ກອງທຶນມູນເຊື້ອ ແລະ ມິດຕະພາບ ພວມສົມທົບກັບບັນດາຫົວໜ່ວຍທີ່ກ່ຽວຂ້ອງຈັດຕັ້ງປະຕິບັດໂຄງການພິເສດ “ເລີ່ມຕົ້ນເປີດທາງ” ເພື່ອພັດທະນາສາຂາວິຊາ ຫວຽດນາມວິທະຍາ ແລະ ສອນພາສາຫວຽດນາມ ຢູ່ລັດເຊຍ, ສອນພາສາລັດເຊຍ ແລະ ຄົ້ນຄວ້າ “ໂລກລັດເຊຍ” ຢູ່ຫວຽດນາມ: ຫວ່າງມໍ່ໆມານີ້, ກອງທຶນໄດ້ຈັດຕັ້ງການຄັດເລືອກ ແລະ ມອບລາງວັນບັນດາຜົນງານຂອງບັນດານັກວິຊາການລັດເຊຍ ຄົ້ນຄວ້າຫວຽດນາມ, ກໍ່ສ້າງຫ້ອງສະໝຸດຫວຽດນາມ ຢູ່ສະຖາບັນອາຊີ ໃນປະຈຸບັນຂອງສະພາບັນດິດວິທະຍາສາດລັດເຊຍ. ນີ້ແມ່ນບ່ອນເກັບມ້ຽນປຶ້ມ ແລະ ສິ່ງພິມຕ່າງໆທັງຫວຽດນາມ ແລະ ລັດເຊຍ ກ່ຽວກັບວັດທະນະທຳ, ປະຫວັດສາດ, ການເມືອງ, ສັງຄົມ, ມິດຕະພາບທີ່ເປັນມູນເຊື້ອ ແລະ ການຮ່ວມມືລະຫວ່າງສອງປະເທດ. ບັນດາສິ່ງພິມໄດ້ຖືກເກັບຮັກສາໄວ້ຄື: ຫວຽດນາມ ໃນປະຈຸບັນ, ລຸງໂຮ່ ຂຽນເຈດຈຳນົງ, ວັດທະນະທຳ ແລະ ສິລະປະຫວຽດນາມ, ພັກກອມມູນິດຫວຽດນາມ: ຂີດໝາຍໃໝ່ໃນປະຫວັດສາດ, 70 ປີແຫ່ງການພົວພັນ ຫວຽດນາມ - ສະຫະພັນລັດເຊຍ... ຫໍສະໝຸດຫວຽດນາມ ແມ່ນບ່ອນມີຂໍ້ມູນທີ່ມີປະໂຫຍດໃຫ້ຜູ້ອ່ານ, ນັກຄົ້ນຄວ້າທີ່ມີຄວາມສົນໃຈຮ່ຳຮຽນກ່ຽວກັບປະເທດຊາດ ແລະ ປະຊາຊົນຫວຽດນາມ, ທັງແມ່ນບ່ອນຈັດຕັ້ງບັນດາເຫດການ, ແລກປ່ຽນຄວາມເຫັນກ່ຽວກັບການຮ່ວມມືລະຫວ່າງຫວຽດນາມ ແລະ ລັດເຊຍ.
ແທງຮັ່ງ
