| ຈໍານວນໂຄງການ FDI ຈົດທະບຽນໃໝ່ ເພີ່ມຂຶ້ນ 48,5% ໃນເດືອນ ມັງກອນ 2023 | |
| ປີ 2022, ຫວຽດນາມ ດຶງດູດທຶນ FDI ເກືອບ 27,72 ຕື້ USD |
 |
| ພາບປະກອບ: ກົມໃຫຍ່ສະຖິຕິ |
ຕາມຕົວເລກຈາກກະຊວງແຜນການ ແລະ ການລົງທຶນ ຫວຽດນາມ ແລ້ວ, ໃນເດືອນ ມັງກອນ 2023, ຫວຽດນາມ ມີ 153 ໂຄງການລົງທຶນໂດຍກົງຈາກຕ່າງປະເທດ (FDI) ໄດ້ສະໜອງໃໝ່, ດ້ວຍຍອດທຶນຈົດທະບຽນແມ່ນ 1,2 ຕື້ USD, ເພີ່ມຂຶ້ນ 48,5% ກ່ຽວກັບຈຳນວນໂຄງການ ແລະ ຫຼາຍທົບ 3 ເທົ່າກ່ຽວກັບທຶນຈົດທະບຽນເມື່ອທຽບໃສ່ປີ 2022. ບັນດານັກລົງທຶນຕ່າງປະເທດໄດ້ລົງທຶນເຂົ້າ 17 ຂະແໜງ ໃນຈຳນວນ 21 ຂະແໜງເສດຖະກິດ. ໃນນັ້ນ, ອຸດສາຫະກຳປຸງແຕ່ງ, ຜະລິດນຳໜ້າ ດ້ວຍເງິນລົງທຶນບັນລຸເກືອບ 719 ລ້ານ USD.
ໂດຍໄດ້ກວມເອົາກວ່າ 64% ທຶນ FDI ຈົດທະບຽນໃໝ່ຂອງທົ່ວປະເທດ, ແຂວງ ບັກຢາງ ໄດ້ດຶງດູດເງິນລົງທຶນເກືອບ 796 ລ້ານ USD, ຫຼາຍທົບ 12 ເທົ່າເມື່ອທຽບໃສ່ໄລຍະດຽວກັນຂອງປີ 2022. ນະຄອນ ໂຮ່ຈີມິນ ຢືນອັນດັບທີ 2 ດ້ວຍ 50 ໂຄງການໃໝ່; ຖັດຈາກນັ້ນແມ່ນ ດົ່ງນາຍ, ບັກນິງ, ບ່າເຣີຍ - ວູງເຕົ່າ ຕາມລຳດັບ.
ຕາມທ່ານ ສາດສະດາຈານ ຫງວຽນມ້າຍ - ປະທານສະມາຄົມວິສາຫະກິດລົງທຶນຈາກຕ່າງປະເທດ ແລ້ວ, ສັນຍານທີ່ເປັນໜ້າປະເອີບໃຈໃນການດຶງດູດເງິນລົງທຶນຈາກຕ່າງປະເທດຂອງ ຫວຽດນາມ ສືບຕໍ່ໄດ້ແກ່ຍາວແຕ່ປີ 2022 ໄປຍັງປີ 2023. ນັ້ນແມ່ນກະແສທຶນ FDI ທົ່ວໂລກເຂົ້າມາ ຫວຽດນາມ ຢ່າງແຮງ, ໃນນັ້ນມີບັນດາສັນຍານທີ່ດີກ່ຽວກັບ FDI ທີ່ມີຄຸນນະພາບສູງຂອງບັນດານັກລົງທຶນແຖວໜ້າໂລກ ໃນການເລືອກເອົາ ຫວຽດນາມ ແມ່ນສະຖານທີ່ຜະລິດ.
ນັກຊ່ຽວຊານຕ່າງປະເທດ ໄດ້ໃຫ້ຂໍ້ສັງເກດວ່າ: ຈົ່ງມາຫວຽດນາມ ເພື່ອລົງທຶນ ຂະແໜງດີຈີຕອນ ແລະ ຊອບແວ, ທ່ານ ສາດສະດາຈານ ຫງວຽນມ້າຍ ໃຫ້ຮູ້ວ່າ ຫວຽດນາມໄດ້ຮັບການຕີລາຄາແມ່ນມີເງື່ອນໄຂຢ່າງຄົບຖ້ວນເພື່ອຫັນເປັນດີຈີຕອນ.
ນັກຊ່ຽວຊານດ້ານເສດຖະກິດ ຫງວຽນຊວັນແທັງ - ມະຫາວິທະຍາໄລ FulBright ຫວຽດນາມໃຫ້ຂໍ້ສັງເກດວ່າ: ຫວຽດນາມ ສືບຕໍ່ໄດ້ຮັບການຕີລາຄາແມ່ນຈຸດນັດພົບທີ່ດຶງດູດແຫຼ່ງເງິນລົງທຶນຈາກຕ່າງປະເທດ.
