 |
| ກອງປະຊຸມສຳມະນາ (ພາບ: TTXVN) |
93 ປີແຫ່ງການສ້າງຕັ້ງພັກ: ກອງປະຊຸມສຳມະນາກ່ຽວກັບການພົວພັນຮ່ວມມື ລະຫວ່າງ ການາດາ ແລະ ຫວຽດນາມ.
ໂດຍຮູ້ສຶກເອກອ້າງທະນົງໃຈ ແລະ ຕື້ນຕັນໃຈ ເມື່ອບົດເພງ “ຊົມເຊີຍ ພັກກອມມູນິດ ຫວຽດນາມ” ຂອງນັກດົນຕີ ໂດມິງ, ດ້ວຍຄວາມຮູ້ສຶກຈາກຫົວໃຈກ່ຽວກັບພັກ, ໄດ້ເປີດຂຶ້ນໃນກອງປະຊຸມສຳມະນາທີ່ໄດ້ຈັດຕັ້ງຢູ່ສະຖານທີ່ຫ່າງໄກປະເທດ ຫວຽດ ນັບພັນກີໂລແມັດ.
ຕາມນັກຂ່າວສຳນັກຂ່າວສານ ຫວຽດນາມ ຢູ່ Ottawa , ເນື່ອງໃນໂອກາດສະເຫຼີມສະຫຼອງ 93 ປີແຫ່ງວັນສ້າງຕັ້ງພັກກອມມູນິດ ຫວຽດນາມ, ວັນທີ 28 ມັງກອນ, ສະມາຄົມມິຕະພາບ ການາດາ - ຫວຽດນາມ (CVFS) ໄດ້ຈັດກອງປະຊຸມສຳມະນາທາງໄກ ກັບຫົວຂໍ້ “ການາດາ - ຫວຽດນາມ: 50 ປີແຫ່ງການພົວພັນ ແລະ ຮ່ວມມື”, ເຊິ່ງໄດ້ດຶງດູດການເຂົ້າຮ່ວມຂອງນັກຮຽນຮູ້ ການາດາ, ພ້ອມກັບເພື່ອນມິດສາກົນ ແລະ ພໍ່ແມ່ປະຊາຊົນຊາວຫວຽດນາມຫຼາຍຄົນ.
ປີ 2023 ໄດ້ສ້າງຂີດໝາຍ "ຄຳ - 50 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ຫວຽດນາມ ແລະ ການາດາ". ໂດຍແມ່ນນັກຮຽນຮູ້ຫຼັກຂອງກອງປະຊຸມສຳມະນາ, ທ່ານ ຟ້າມກາວຟອງ ເອກອັກຄະລັດຖະທູດ ຫວຽດນາມ ປະຈຳ ການາດາ ໄດ້ນຳພາບພົດສັງລວມກ່ຽວກັບການພົວພັນ ຫວຽດນາມ - ການາດາ ທີ່ພວມມີການພັດທະນາທີ່ນັບມື້ນັບຮອບດ້ານ, ແທດຈິງ, ມີປະສິດທິຜົນ, ສະຖຽນລະພາບ ແລະ ຍືນຍົງກ່ວາອີກ ນັບທັງສະພາບການສອງຝ່າຍ, ໃນພາກພື້ນ ແລະ ສາກົນ ມາໃຫ້ບັນດາຜູ້ແທນ.
ຕາມທ່ານເອກອັກຄະລັດຖະທູດ ຟ້າມກາວຟອງ ແລ້ວ, ພື້ນຖານເພື່ອໃຫ້ການພົວພັນ ຫວຽດນາມ - ການາດາ ພັດທະນາກ່ວາອີກແມ່ນ: ສອງປະເທດໃຫ້ຄຳໝັ້ນສັນຍາຮັກສາສັນຕິພາບ, ສະຖຽນລະພາບ ແລະ ຄວາມໝັ້ນຄົງສາກົນ, ປະຕິບັດຕາມກົດບັດ ສປຊ ແລະ ບັນດາຫຼັກການຂອງກົດໝາຍສາກົນ, ລວມມີ ກົດບັດ ສປຊ ກ່ຽວກັບກົດໝາຍວ່າດ້ວຍ ທະເລ ປີ 1982, ສອງປະເທດໄດ້ແບ່ງປັນຜົນປະໂຫຍດລວມເພື່ອສັນຕິພາບ ແລະ ຄວາມໝັ້ນຄົງຢູ່ພາກພື້ນ ອາຊີ - ປາຊີຟິກ, ສະໜັບສະໜູນການຮັກສາລະບອບລະບຽບການອີງຕາມກົດໝາຍຢູ່ເຂດທະເລ ແລະ ມະຫາສະມຸດ, ໃນນັ້ນມີ ທະເລຕາເວັນອອກ, ຮັບປະກັນສິດເສລີໃນການເດີນເຮືອ, ການບິນ, ການຄ້າ ແລະ ນຳໃຊ້ບັນດາມະຫາສະໝຸດ ເພື່ອເປົ້າໝາຍສັນຕິພາບ, ປົກປັກຮັກສາສິ່ງແວດລ້ອມ ແລະ ລະບົບຊີວະນາໆພັນ. ສອງປະເທດຢັ້ງຢຶນການສະໜັບສະໜູນແກ້ໄຂການຂັດແຍ້ງກັນຢູ່ທະເລຕາເວັນອອກໂດຍສັນຕິວິທີ, ລວມມີ ເຄົາລົບບັນດາວິວັດການການທູດ ແລະ ນິຕິກຳຢ່າງຄົບຖ້ວນ, ສອດຄ່ອງກັບກົດໝາຍສາກົນ, ສອງປະເທດໄດ້ສະໜັບສະໜູນບົດບາດໃຈກາງຂອງ ອາຊຽນ, ເນັ້ນໜັກເຖິງບົດບາດສຳຄັນຂອງອາຊຽນໃນໂຄງປະກອບພາກພື້ນ.
ພິເສດ, ສອງປະເທດຮັບຮູ້ໄດ້ເຖິງຄວາມສຳຄັນຂອງການປົກປ້ອງ ແລະ ຊຸກຍູ້ສິດທິມະນຸດທີ່ເໝາະສົມກັບລັດຖະທຳມະນຸນແຫ່ງຊາດ ແລະ ຄຳໝັ້ນສັນຍາສາກົນ, ປະຕິບັດກົດບັດ ສປຊ ແລະ ຖະແຫຼງການສາກົນກ່ຽວກັບສິດທິມະນຸດ, ແບ່ງປັນຄຳໝັ້ນສັນຍາຖືການຄ້າ ແລະ ການລົງທຶນຕາມຫຼັກການທີ່ຕ່າງຝ່າຍຕ່າງໃີຜົນປະໂຫຍດ ແມ່ນປັດໄຈສຳຄັນໃນການກຳນົດທິດການພົວພັນ. ນອກຈາກນັ້ນ, ສອງປະເທດກໍ່ລ້ວນແຕ່ສະໜັບສະໜູນບັນດາການພົວພັນແລກປ່ຽນປະຊາຊົນຢ່າງແໜ້ນແຟ້ນໃນຫຼາຍຂົງເຂດຄື: ດຳເນີນທຸລະກິດ, ການຮຽນຮູ້, ການສື່ສານ, ວັດທະນະທຳ, ກິລາ, ການທ່ອງທ່ຽວ…
ຕາມທ່ານ Steve Rutchinski, ສະມາຊິກ CVFS ແລ້ວ, ບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງການພົວພັນທາງການທູດ ລະຫວ່າງ ການາດາ ແລະ ຫວຽດນາມ ແມ່ນກາລະໂອກາດທີ່ດີເພື່ອຮັດແໜ້ນນ້ຳໃຈມິດຕະພາບລະຫວ່າງສອງປະເທດ. ປີນີ້, CVFS ມີແຜນການສຸມໃສ່ບາງເວທີປາໄສທາງໄກ ເພື່ອປັບປຸງ ແລະ ເຮັດໃຫ້ການພົວພັນປະຊາຊົນສອງປະເທດເລິກເຊິ່ງກ່ວາອີກ, ມຸ່ງໄປເຖິງບາງຫົວຂໍ້ຄື: ຍຸດທະສາດຕ້ານຄວາມທຸກຍາກຢ່າງສຳເລັດຜົນຂອງ ຫວຽດນາມ, ບັນດາໂຄງການສັງຄົມຢູ່ ຫວຽດນາມ, ກໍ່ຄືວິວັດການຮຽກຮ້ອງຄວາມຍຸຕິທຳໃຫ້ແກ່ຊາວຫວຽດນາມ 40.000 ຄົນ ທີ່ຖືກຜົນສະທ້ອນຈາກທາດພິດສີສົ້ມ…
ບຸນຄົງ
