| ຝຸອຽນ: ເພີ່ມທະວີນ້ຳໃຈມິດຕະພາບລະຫວ່າງປະຊາຊົນ ຫວຽດນາມ - ກຳປູເຈຍ | |
| ເພີ່ມທະວີການຮ່ວມມືລະຫວ່າງ ນະຄອນໂຮ່ຈີມິນ ແລະ ນະຄອນຫຼວງ ພະນົມເປັນ |
 |
| ກອງປະຊຸມລະຫວ່າງສາມຝ່າຍ (ພາບ: M.Đ) |
ວັນທີ 27 ທັນວາ, ຢູ່ແຂວງ ກ໋ວາງຈິ ໄດ້ດຳເນີນການໂອ້ລົມສົນທະນາຂັ້ນສູງ 3 ແຂວງ: ກວາງຈິ - ສະຫວັນນະເຂດ - ສາລະວັນ (ປະເທດ ສປປ.ລາວ). ການໂອ້ລົມສົນທະນາ ເພື່ອແນໃສ່ຕີລາຄາໝາກຜົນໃນການປະຕິບັດເອກະສານຂໍ້ຕົກລົງຂັ້ນສູງໄລຍະ 2020 – 2022 ແລະ ເຊັນເອກະສານຂໍ້ຕົກລົງຮ່ວມມືໄລຍະ 2023 – 2025.
ການໂອ້ລົມສົນທະນາ ນອນໃນຂອບເຂດບັນດາການເຄື່ອນໄຫວ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ (5/9/1962 - 5/9/2022), 45 ປີແຫ່ງວັນເຊັນສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18/7/1977 - 18/7/2022). ເຂົ້າຮ່ວມການໂອ້ລົມສົນທະນາ ລວມມີ ສະມາຊິກຂອງຄະນະຜູ້ແທນຂັ້ນສູງແຂວງສະຫວັນນະເຂດ 45 ທ່ານ, ສະມາຊິກຄະນະຜູ້ແທນຂັ້ນສູງແຂວງ ສາລະວັນ 45 ທ່ານ, ຜູ້ຕາງໜ້າສະຖານກົງສູນໃຫຍ່ລາວ ປະຈຳດ່ານັ້ງ, ຜູ້ຕາງໜ້າສະຖານກົງສູນ ຫວຽດນາມ ປະຈຳແຂວງ ສະຫວັນນະເຂດ ແລະ ຈຳປາສັກ (ສປປ.ລາວ).
ກ່າວຄຳເຫັນຂ່ຳນັບຮັບຕ້ອນທີ່ການໂອ້ລົມສົນທະນາ, ທ່ານເລຂາຄະນະພັກແຂວງ ກ໋ວາງຈິ ເລກວາງຕຸ່ງ ກ່າວວ່າ ໃນໄລຍະ 2 ປີຜ່ານມາ, ເຖິງວ່າສະພາບການໂລກ ແລະ ພາກພື້ນມີການຜັນແປຫຼາຍຢ່າງ, ພະຍາດໂຄວິດ - 19 ກໍ່ຜົນກະທົບຕໍ່ທຸກດ້ານໃນການດຳລົງຊີວິດສັງຄົມ, ແຕ່ບັນດາແຂວງ ກໍໄດ້ສົມທົບກັນແກ້ໄຂບັນດາເນື້ອໃນຂໍ້ຕົກລົງໄລຍະ 2020 – 2022 ເປັນຢ່າງດີ, ປະກອບສ່ວນຢ່າງຕັ້ງໜ້າເຂົ້າໃນໝາກຜົນພັດທະນາຂອງແຕ່ລະແຂວງ.
ບົດລາຍງານໄດ້ຕີລາຄາໝາກຜົນຂອງການປະຕິບັດເອກະສານຂໍ້ຕົກລົງຂັ້ນສູງ ລະຫວ່າງແຂວງ ກ໋ວາງຈິ ກັບແຂວງ ສະຫວັນນະເຂດ ແລະ ສາລາວັນ ໃນໄລຍະ 2020 – 2022, ທ່ານປະທານຄະນະກຳມະການແຂວງ ກ໋ວາງຈິ ຫວໍວັນຮຶງ ໃຫ້ຮູ້ວ່າ ສາມແຂວງໄດ້ສົມທົບກັນປະຕິບັດບັນດາເນື້ອໃນຂໍ້ຕົກລົງ, ປະກອບສ່ວນຕັ້ງໜ້າເຂົ້າໃນການພັດທະນາຂອງແຕ່ລະແຂວງ ຄື: ສືບຕໍ່ຮັກສາ, ເອົາໃຈໃສ່ເຖິງການເຄື່ອນໄຫວພົບປະແລກປ່ຽນ, ຮ່ວມມື, ຖະແຫຼງຂ່າວໂຄສະນານ້ຳໃຈມິດຕະພາບພິເສດ ແລະ ການຮ່ວມມືພັດທະນາຢ່າງຮອບດ້ານ, ສົມທົບກັນ ແລະ ດ້ວຍຫຼາຍວິທີການເຄື່ອນໄຫວ, ເປັນເຈົ້າການ, ມີຫົວຄິດປະດິດສ້າງ ເພື່ອຊ່ວຍກັນປະຕິບັດເປົ້າໝາຍຄວບຄູ່ ທັງປ້ອງກັນຕ້ານພະຍາດໂຄວິດ - 19, ທັງຈຳກັດການຂາດວັກຂາດຕອນໃນການເຄື່ອນໄຫວສົ່ງອອກນຳເຂົ້າ, ຊ່ວຍກັນພັດທະນາເສດຖະກິດ…
ສິ່ງທີ່ເປັນໜ້າສົນໃຈນັ້ນແມ່ນ ການພົວພັນມິດຕະພາບ ແລະ ຮ່ວມມື ລະຫວ່າງສາມ ແຂວງ ນັບມື້ນັບເຂົ້າສູ່ລວງເລິກຄືຄວາມຫວັງຂອງການນຳ ແລະ ປະຊາຊົນສາມແຂວງ. ນັ້ນແມ່ນບັນດາຂໍ້ຕົກລົງ, ການຮ່ວມມືໄດ້ສຸມໃສ່ເຂົ້າການພັດທະນາເສດຖະກິດ - ສັງຄົມ ເພື່ອແນໃສ່ເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບຂອງບັນດາທ້ອງຖິ່ນຂອງແຕ່ລະແຂວງໃຫ້ເປັນຢ່າງດີ, ທ່ານຫວໍວັນຮຶງເນັ້ນໜັກ.
ດ້ວຍບັນດາໝາກຜົນທີ່ບັນລຸໄດ້, ຢູ່ການໂອ້ລົມສົນທະນາຄັ້ງນີ້, ບັນດາຜູ້ແທນໄດ້ສືບຕໍ່ແລກປ່ຽນ, ປຶກສາຫາລືກ່ຽວກັບການເພີ່ມທະວີການພົວພັນຮ່ວມມືລະຫວ່າງສາມແຂວງ, ພິເສດ, ມີຫຼາຍຄຳເຫັນປະກອບຕໍ່ບັນດາເນື້ອໃນການໂອ້ລົມສົນທະນາ ກໍ່ຄືເນື້ອໃນຮ່າງເອກະສານຂໍ້ຕົກລົງການຮ່ວມມືໄລຍະ 2023 – 2025.
ບົນພື້ນຖານນັ້ນ, ການໂອ້ລົມສົນທະນາໄດ້ເຫັນດີເປັນເອກະພາບເຊັນເອກະສານຂໍ້ຕົກລົງການຮ່ວມມືໄລຍະ 2023 – 2025 ດ້ວຍຫຼາຍເນື້ອໃນຈຸດສຸມ, ແທດຈິງ ແລະ ຮອບດ້ານກ່ວາ. ນີ້ກໍ່ແມ່ນກຳລັງໜູນສຳຄັນຊຸກຍູ້ການພົວພັນພິເສດລະຫວ່າງສອງແຂວງພັດທະນາຂຶ້ນສູ່ລະດັບສູງໃໝ່, ຕອບສະໜອງຄວາມຕ້ອງການ ແລະ ຄວາມຫວັງຂອງຄະນະພັກ, ອຳນາດການປົກຄອງ ແລະ ປະຊາຊົນສາມແຂວງ.
ທ່ານ ເລຂາຄະນະພັກແຂວງ ເລກວາງຕຸງ ຖືວ່າ ໄລຍະ 2023 – 2025 ພວກເຮົາຢືນຢູ່ຕໍ່ໜ້າບັນດາກາລະໂອກາດ ແລະ ສິ່ງທ້າທາຍໃໝ່, ໃນສະພາບການໃໝ່ທີ່ພວມສ້າງຄວາມຮຽກຮ້ອງຕ້ອງການໃໝ່ໄປຄຽງຄຄູ່ກັບການສືບຕໍ່ເພີ່ມທະວີ ແລະ ປັບປຸງການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ລະຫວ່າງ ຫວຽດນາມ - ລາວ. ທ່ານສະເໜີການນຳ 3 ແຂວງພ້ອມກັນສົມທົບຊີ້ນຳນຳພາຜັນຂະຫຍາຍປະຕິບັດບັນດາເນື້ອໃນຈຸດສຸມ ທີ່ໄດ້ຮັບການປຶກສາຫາລືຢ່າງມີປະສິດທິຜົນ: ສືບຕໍ່ຊຸກຍູ້ການພົວພັນຮ່ວມມືຢ່າງມີປະສິດທິຜົນໃນທຸກຂົງເຂດ ຕາມເນື້ອໃນທີ່ໄດ້ຮັບການລົງນາມແລ້ວ. ເພີ່ມທະວີການຊີ້ນຳ, ຊຸກຍູ້ບັນດາກະຊວງ, ຄະນະ, ຂະແໜງການ, ທ້ອງຖິ່ນ, ບັນດາໝູ່ຄະນະການເມືອງ - ສັງຄົມຂອງແຕ່ລະແຂວງ ໄດ້ກຳນົດໜ້າທີ່ ແລະ ຂັ້ນຕອນປະຕິບັດຢ່າງລະອຽດ ແລະ ຈະແຈ້ງ ເພື່ອຜັນຂະຫຍາຍບັນດາເນື້ອໃນຮ່ວມມືຢ່າງມີປະສິດທິຜົນ.
ເນື່ອງໃນໂອກາດນີ້, ຈາກການແນະນຳຂອງແຂວງ ກ໋ວາງຈິ, ໄດ້ດຳເນີນພິທີເຊັນສັນຍາຮ່ວມມືສ້າງບົດລາຍງານການຄົ້ນຄ້ວາ ກຳນົດທິດຍຸດທະສາດພັດທະນາເສດຖະກິດ - ສັງຄົມ ລະຫວ່ງ ຄະນະກຳມະການການປົກຄອງ 2 ແຂວງ ສະຫວັນນະເຂດ, ສາລະວັນ ແລະ ບໍລິສັດຫຸ້ນສ່ວນ ກຸ່ມບໍລິສັດ Sakae ຫວຽດນາມ. ພ້ອມກັນນັ້ນ, ທີ່ການໂອ້ລົມສົນທະນາ ຍັງຈັດຕັ້ງການຍ້ອງຍໍຊົມເຊີຍໃຫ້ແກ່ບັນດາໝູ່ຄະນະ, ສ່ວນບຸກຄົນທີ່ມີການປະກອບສ່ວນເຂົ້າໃນການເພີ່ມພູນຄູນສ້າງການພົວພັນມິດຕະພາບລະຫວ່າງສອງປະເທດ ກ໋ວາງຈິ, ສະຫວັນນະເຂດ, ສາລະວັນ.
ບຸນຄົງ
