| ເງະອານ ຈັດຕັ້ງການແຮກສ່ຽວ ໄດ້ 21 ຄູ່ ບ້ານ - ບ້ານ ຂຶ້ນກັບ 3 ແຂວງຫົວພັນ - ຊຽງຂວາງ - ບໍລິຄຳໄຊ | |
| ປະກາດລາຍການ “ລະດູບານໃໝ່ບ້ານເກີດເມືອງນອນ 2023” ຢູ່ Fukuoka, ຍີ່ປຸ່ນ |
 |
| ທ່ານເອກອັກຄະລັດຖະທູດ ນາງ ຟ້າມທ໊າຍຍືມາຍ ກ່າວຄຳເຫັນທີ່ພິທີ |
ວັນທີ 13 ມັງກອນ, ສະຖານທູດ ຫວຽດນາມ ປະຈຳ ກາຊັກສະຖານ ໄດ້ຈັດຕັ້ງລາຍການ “ລະດູບານໃໝ່ແຫ່ງບ້ານເກີດເມືອງນອນ” ຕ້ອນຮັບປີໃໝ່ປີແມວ 2023.
ເຂົ້າຮ່ວມລາຍການ “ລະດູບານແຫ່ງບ້ານເກີດເມືອງນອນ” ມີຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ ກາຊັກສະຖານ ແລະ ເພື່ອນມິດກາຊັກສະຖານ ທີ່ມີການພົວພັນຢ່າງສະໜິດແໜ້ນກັບຫວຽດນາມ.
ໃນບັນຍາກາດທີ່ອົບອຸ່ນ, ສະໜິດສະໝົມ, ມຸ່ງໄປເຖິງບ້ານເກີດເມືອງນອນ, ປະເທດຊາດ ກ່ອນປີໃໝ່, ທ່ານເອກອັກຄະລັດຖະທູດ ນາງ ຟ້າມທ໊າຍຍືມາຍ ໄດ້ສະແດງຄວາມດີໃຈແຈ້ງໄປຍັງແຂກຖືກເຊີນ ແລະ ປະຊາຄົມຊາວຫວຽດນາມ ຊາບກ່ຽວກັບຜົນສຳເລັດສຳຄັນຂອງ ຫວຽດນາມ ໃນບັນດາຂົງເຂດການເມືອງ, ເສດຖະກິດ ແລະ ສັງຄົມ, ຟື້ນຟູຫຼັງພະຍາດໂຄວິດ - 19 ໃນປີ 2022, ພ້ອມກັບບັນດາການເຄື່ອນໄຫວການທູດທີ່ພົ້ນເດັ່ນຂອງປະເທດຊາດ ໄດ້ປະກອບສ່ວນນຳການພົວພັນຮ່ວມມື ຫວຽດນາມ ກັບບັນດາປະເທດນັບມື້ນັບລວງເລິກ ແລະ ແທດຈິງ.
ໂດຍຫວນຄືນບັນດາບາດກ້າວພັດທະນາໃນການພົວພັນ ຫວຽດນາມ ກັບກາຊັກສະຖານ ເວົ້າສະເພາະ ແລະ ບັນດາປະເທດອາຊີກາງ ເວົ້າລວມ, ທ່ານເອກອັກຄະລັດຖະທູດ ໄດ້ຍ້ອງຍໍຊົມເຊີຍໝູ່ຄະນະພະນັກງານ, ລັດຖະກອນສະຖານທູດ ທີ່ໄດ້ມານະພະຍາຍາມແກ້ໄຂຄວາມຫຍຸ້ງຍາກ, ປະຕິບັດສຳເລັດໜ້າທີ່ໂດຍພັກ ແລະ ລັດມອບໝາຍໃຫ້, ພ້ອມກັບປະຊາຄົມຊາວຫວຽດນາມ ອາໄສຢູ່ປະເທດປະຈຳຖິ່ນປະກອບບໍ່ແມ່ນໜ້ອຍເຂົ້າໃນການປັບປຸງ ແລະ ຊຸກຍູ້ການພົວພັນຫວຽດນາມ ແລະ ກາຊັກສະຖານໃຫ້ຫຼາຍກ່ວາອີກ.
ປີ 2022, ປະຊາຄົມຊາວຫວຽດນາມ ອາໄສຢູ່ ກາຊັກສະຖານ ໄດ້ມານະພະຍາຍາມຜ່ານຜ່າຄວາມຫຍຸ້ງຍາກ, ດຳລົງຊີວິດ ແລະ ວຽກເຮັດງານທຳຢ່າງເປັນປົກກະຕິ, ມີຄວາມສາມັກຄີ ແລະ ຕັ້ງໜ້າເຂົ້າຮ່ວມບັນດາການເຄື່ອນໄຫວມຸ່ງໄປເຖິງບ້ານເກີດເມືອງນອນປະເທດຊາດ. ທ່ານນາງ ຟ້າມທ໊າຍຍືມາຍ ເຊື່ອໝັ້ນວ່າ ປີແມວ 2023 ຈະສືບຕໍ່ນຳມາເຊິ່ງບັນດາຄວາມເບີກບານມ່ວນຊື່ນ ແລະ ຜົນສຳເລັດໃໝ່ໃຫ້ແກ່ປະຊາຄົມຊາວຫວຽດນາມ ອາໄສຢູ່ຕ່າງປະເທດ, ຫວັງວ່າຊາວຫວຽດນາມ ແຕ່ລະຄົນຈະສືບຕໍ່ສາມັກຄີ, ເປັນຈິດໜຶ່ງໃຈດຽວກັນ, ຕັ້ງໜ້າເຊື່ອມຕໍ່, ຮ່ວມແຮງຮ່ວມໃຈສ້າງຫວຽດນາມ ທີ່ວັດຖະນາຖາວອນ, ມີຄວາມຜາສຸກ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງການພົວພັນ ຫວຽດນາມ ແລະ ກາຊັກສະຖານ.
ຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ກາຊັກສະຖານ ແລະ ເພື່ອນມິດກາຊັກສະຖານ ລ້ວນແຕ່ກ່າວຄຳເຫັນສະແດງຄວາມປິຕິຊົມຊື່ນຕໍ່ບັນດາບາດກ້າວໃໝ່ໃນການພົວພັນຫວຽດນາມ - ກາຊັກສະຖານ ທີ່ແທດຈິງໃນການສະເຫຼີມສະຫຼອງ 30 ປີທີ່ນັບມື້ນັບສ້າງການພົວພັນທາງການທູດ ລະຫວ່າງສອງປະເທດ. ສອງປະເທດມີວົງເງິນການສົ່ງອອກ ໃນ 10 ເດືອນຕົ້ນປີ 2022 ໄດ້ເພີ່ມຂຶ້ນ 40%, ບັນລຸ 486 ລ້ານ USD. ບໍລິສັດການບິນ ໄດ້ເປີດເສັ້ນການບິນນັບແຕ່ເດືອນ ຕຸລາ ປີ 2022 ແລະ ນຳກ່ວາແຂກທ່ອງທ່ຽວກ່ວາ 10.000 ຄົນ ທີ່ມາຈາກ ກາຊັກສະຖານ ມາທ່ຽວຫວຽດນາມ.
ບຸນຄົງ
