| VUFO ແລະ ສະຖານທູດ Azerbaijan ພົບປະສັງສັນ ເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງ ການທູດລະຫວ່າງສອງປະເທດ | |
| ສະຖານທູດ ຫວຽດນາມ ປະຈໍາ ປາຣີ ສົມທົບສະເຫຼີມສະຫຼອງ 50 ປີ ແຫ່ງວັນເຊັນສັນຍາປາຣີ |
ເຂົ້າຮ່ວມລາຍການມີຜູ້ແທນສາກົນເກືອບ 30 ຄົນທີ່ມາຈາກ 15 ປະເທດ, ຕາງໜ້າໃຫ້ບັນດາອົງການ, ຄື: ສະພາສັນຕິພາບໂລກ; ສະມາຄົມນັກກົດໝາຍປະຊາທິປະໄຕສາກົນ; ສະຫະພັນແມ່ຍິງປະຊາທິປະໄຕສາກົນ; ສະຫະພັນກຳມະບານໂລກ; ອົງການສັນຕິພາບສາມັກຄີອິນເດຍ; ສະມາຄົມມິດຕະພາບກຳປູເຈຍ-ຫວຽດນາມ; ສະມາຄົມມິດຕະພາບລາວ-ຫວຽດນາມ; ສະມາຄົມມິດຕະພາບຝຣັ່ງ - ຫວຽດນາມ; ຄະນະກຳມະການສາມັກຄີສະວິດ - ຫວຽດນາມ, ລາວ ແລະ ກຳປູເຈຍ...
ໂດຍເປີດສາກ “ການພົບປະມິດຕະພາບສັນຍາປາຣີ 1973 - ທວນຄືນອະດີດ, ມຸ່ງໄປເຖິງອະນາຄົດ”, ບັນດາຜູ້ແທນໄດ້ຮັບຟັງຖະແຫຼງການຂອງທ່ານນາງ ຫງວຽນທິບິງ, ອະດີດຮອງປະທານປະເທດ, ອະດີດລັດຖະມົນຕີການທູດ, ອະດີດຫົວໜ້າຄະນະເຈລະຈາຂອງລັດຖະບານປະຕິວັດຊົ່ວຄາວແຫ່ງສາທາລະນະລັດຫວຽດນາມໃຕ້, ເຊິ່ງແມ່ນຕົວລະຄອນປະຫວັດສາດ, ແມ່ນໜຶ່ງໃນ 4 ປະເທດທີ່ລົງນາມໃນສັນຍາປາຣີ ກ່ຽວກັບການຢຸດຕິສົງຄາມ ແລະ ສ້າງຕັ້ງຄືນຄວາມສັນຕິພາບຢູ່ຫວຽດນາມ.
ໃນສານ, ທ່ານນາງໄດ້ສະແດງຄວາມຂອບອົກຂອບໃຈ ຕໍ່ບັນດາເພື່ອນມິດທີ່ສະໜິດສະໜົມຂອງປະຊາຊົນຫວຽດນາມ, ບັນດານັກຕໍ່ສູ້ສັນຕິພາບເພື່ອຄວາມຍຸຕິທຳໃນໂລກ ທີ່ໄດ້ເຂົ້າຮ່ວມການໜູນຊ່ວຍ ຫວຽດນາມ ຕ້ານ ອາເມລິກາ ເພື່ອກູ້ຊາດ. ທ່ານນາງຫວັງວ່າ ເພື່ອນມິດສາກົນຈະສືບຕໍ່ສະໜັບສະໜູນຫວຽດນາມໃນໄລຍະໃໝ່, ໃນໄລຍະປົກປັກຮັກສາປະເທດຊາດ ແລະ ກໍ່ສ້າງປະເທດພັດທະນາ.
 |
ລາຍການ “ການພົບປະມິດຕະພາບສັນຍາປາຣີ - ທວນຄືນອະດີດ, ມຸ່ງໄປເຖິງອະນາຄົດ” |
ກ່າວຄຳເຫັນທີ່ລາຍການ “ການພົບປະມິດຕະພາບສັນຍາປາຣີ 1973 - ທວນຄືນອະດີດ, ມຸ່ງໄປເຖິງອະນາຄົດ”, ທ່ານ ຟານແອງເຊີນ, ຮອງປະທານ, ເລຂາທິການໃຫຍ່ຂອງ VUFO ໃຫ້ຮູ້ວ່າ: “ສັນຍາປາຣີ ກ່ຽວກັບການຢຸດຕິສົງຄາມ, ການລົງນາມສັນຍາປາຣີໃນວັນທີ 27/1/1973 ກ່ຽວກັບການຢຸດຕິສົງຄາມ ແລະ ສ້າງຕັ້ງຄືນຄວາມສັນຕິພາບຢູ່ຫວຽດນາມ ແມ່ນເຫດການປະຫວັດສາດ, ແມ່ນໄຊຊະນະຂອງການປະຕິວັດຫວຽດນາມ. ການລົງນາມໃນສັນຍາປາຣີ ໄດ້ເຮັດໃຫ້ອາເມລິກາ ຖອນທະຫານອອກຈາກຫວຽດນາມໃຕ້ຢ່າງບໍ່ມີເງື່ອນໄຂ, ໄດ້ສ້າງເງື່ອນໄຂສະດວກໃຫ້ແກ່ການບຸກໂຈມຕີຂະ ໜາດໃຫຍ່ ໃນລະດູບານໃໝ່ ແລະ ໂຮມປະເທດເປັນເອກະພາບຢ່າງຄົບຖ້ວນ ໃນວັນທີ 30/4/1975.
ທ່ານເຊີນ ເນັ້ນໜັກວ່າ: “ຍາມໃດກໍຈົດຈຳຄວາມສາມັກຄີສາກົນອັນໃຫຍ່ຫລວງ, ການສະໜັບສະໜູນອັນຊອບທຳ ແລະ ຈິງໃຈຂອງປະຊາຊົນນັບລ້ານຄົນ, ບໍ່ວ່າສີຜິວ, ສາສະໜາຢູ່ບັນດາປະເທດທີ່ມີລະບອບການເມືອງ-ສັງຄົມທີ່ແຕກຕ່າງກັນໃນ 5 ທະວີບ, ຈາກແຕ່ຄົນງານທຳມະດາ ເຖິງຮອດບັນດານັກເຄື່ອນໄຫວດ້ານການເມືອງ, ສະມາຊິກສະພາ, ນັກສິລະປິນ, ປັນຍາຊົນ, ນັກຂ່າວທີ່ໄດ້ພ້ອມກັນສ້າງຂະບວນການໃຫຍ່ທີ່ບໍ່ເຄີຍມີມາກ່ອນ ເພື່ອສະໜັບສະໜູນຫວຽດນາມ”.
ໃນການຈັດຕັ້ງລາຍການ “ການພົບປະມິດຕະພາບສັນຍາປາຣີ 1973 - ທວນຄືນອະດີດ, ມຸ່ງໄປເຖິງອະນາຄົດ”, VUFO ແລະ ບັນດາເພື່ອນມິດສາກົນ ໄດ້ຫວນຄືນບັນດາການເຄື່ອນໄຫວປະຫວັດສາດໃນອະດີດ, ພ້ອມກັນທົບທວນຄືນບັນດາຄວາມຊົງຈຳໃນຊຸມປີທີ່ຫຍຸ້ງຍາກ ແລະ ລຳບາກ, ໃນໄລຍະທີ່ເມື່ອປະຊາຊົນຫວຽດນາມຕໍ່ສູ້ ແລະ ຍາດໄດ້ໄຊຊະນະກັບເພື່ອນມິດສາກົນ, ເພື່ອໃຫ້ຄົນລຸ້ນຫຼັງໄດ້ຮັບຄວາມເອກະລາດ, ຄວາມເສລີພາບ.
ໂຄງການໄດ້ມີການພົບປະແລກປ່ຽນກັບເພື່ອນມິດສາກົນທີ່ສະໜິດສະໜົມຂອງຫວຽດນາມ ເຊິ່ງແມ່ນບັນດາຜູ້ທີ່ໄດ້ເຂົ້າຮ່ວມຢ່າງໂດຍກົງ ຫຼື ທາງອ້ອມ ໃນບັນດາການເຄື່ອນໄຫວໜູນຊ່ວຍການຕໍ່ສູ້ຂອງຊາວຫວຽດນາມ ໃນສົງຄາມຕໍ່ຕ້ານອາເມລິກາເວົ້າລວມ ແລະ ໃນໄລຍະເກີດຂຶ້ນກອງປະຊຸມປາຣີເວົ້າສະເພາະ.
ນັ້ນແມ່ນທ່ານນາງ Hélène Luc, ອະດີດສະມາຊິກສະພາສູງ, ອະດີດປະທານຄະນະກຳມະການມິດຕະພາບພັກກອມມູນິດຝະລັ່ງ ຢູ່ສະພາສູງຝຣັ່ງ, ປະທານກຽດຕິຍົດ ຂອງສະມາຄົມມິດຕະພາບຝະລັ່ງ - ຫວຽດນາມ; ທ່ານ Renato Darsie, ສະມາຊິກພັກກອມມູນິດອີຕາລີ, ອະດີດປະທານສະມາຄົມມິດຕະພາບ ອີຕາລີ - ຫວຽດນາມ ຢູ່ເຂດ Veneto, ແມ່ນໜຶ່ງໃນບັນດາຜູ້ນຳບັນດາຂະບວນການສະໜັບສະໜູນ ຫວຽດນາມ ໃນສົງຄາມຕ້ານອາເມລິກາ ໂດຍເວົ້ົ້າລວມ ແລະ ສັນຍາປາຣີເວົ້ົ້າສະເພາະ, ໄດ້ເຂົ້າຮ່ວມການເຄື່ອນໄຫວຕໍ່ຕ້ານສົງຄາມຢູ່ຫວຽດນາມຢ່າງຕັ້ງໜ້າ ແລະ ຖືກກ່າວຄາດໂທດແລ້ວ ໂດຍລັດຖະບານເມືອງ ແລະ ນຳຂຶ້ນສານ;...
ການພົບປະຄັ້ງນີ້ລວມມີ 2 ວາລະກອງປະຊຸມ, ໃນນັ້ນ, ໃນວາລະຄັ້ງທີ 1 - ຄວາມຊົງຈຳທີ່ບໍ່ອາດລືມໄດ້, ບັນດາຜູ້ແທນໄດ້ແບ່ງປັນບັນດາຄວາມຊົງຈຳທີ່ບໍ່ສາມາດລືມໄດ້ ໃນການຕໍ່ສູ້ຕ້ານອາເມລິກາເວົ້າລວມ ແລະ ໃນກອງປະຊຸມປາຣີ ກ່ຽວກັບຫວຽດນາມໂດຍສະເພາະ. ທີ່ກອງປະຊຸມວາລະຄັ້ງທີ 2 - ນ້ຳໃຈສາມັກຄີສາກົນໃນສະພາບປະຈຸບັນ, ບັນດາຜູ້ແທນໄດ້ແບ່ງປັນກ່ຽວກັບເສັ້ນທາງເດີນຕາມລຸ້ນກ່ອນ ໃນການໜູນຊ່ວຍ ແລະ ສະໜັບສະໜູນຫວຽດນາມ.
ຄຳຮຸ່ງ
