| ເພີ່ມພູນຄູນສ້າງນ້ຳໃຈມິດຕະພາບ ແລະ ການຮ່ວມມືຮອບດ້ານ ລະຫວ່າງແຂວງ ກ໋ວາງຈິ - ສະຫວັນນະເຂດ - ສາລະວັນ | |
| ຍົກລະດັບການພົວພັນຮ່ວມມືລະຫວ່າງແຂວງ ເງະອານ ແລະ ສິງກະໂປ |
 |
| ກອງປະຊຸມຕີລາຄາໝາກຜົນການປະຕິບັດຂໍ້ຕົກລົງການຮ່ວມມືພັດທະນາເສດຖະກິດ ສັງຄົມລະຫວ່າງສອງແຂວງ ດັກນົງ ແລະ Mondulkiri ໄລຍະ 2021 – 2023, ພ້ອມທັງລົງນາມຂໍ້ຕົກລົງຮ່ວມມືພັດທະນາໄລຍະ 2023 – 2026 |
ປັບປຸງ ແລະ ຮັກສານ້ຳໃຈສາມັກຄີ, ມິດຕະພາບ ລະຫວ່າງສອງແຂວງ ດັກນົງ ແລະ Mondulkiri (ກຳປູເຈຍ)
ວັນທີ 11 ມັງກອນ, ຄະນະກຳມະການປະຊາຊົນແຂວງ ດັກນົງ ແລະ ແຂວງ Mondulkiri (ກຳປູເຈຍ) ໄດ້ຈັດຕັ້ງກອງປະຊຸມຕີລາຄາໝາກຜົນການປະຕິບັດຂໍ້ຕົກລົງການຮ່ວມມືພັດທະນາເສດຖະກິດ ສັງຄົມລະຫວ່າງສອງແຂວງ ດັກນົງ ແລະ Mondulkiri ໄລຍະ 2021 – 2023, ພ້ອມທັງລົງນາມຂໍ້ຕົກລົງຮ່ວມມືພັດທະນາໄລຍະ 2023 – 2026 ເພື່ອແນໃສ່ປັບປຸງ ແລະ ຮັກສານ້ຳໃຈສາມັກຄີ, ມິດຕະພາບ ລະຫວ່າງສອງອຳນາດການປົກຄອງ ແລະ ປະຊາຊົນສອງແຂວງ.
ຢູ່ນະຄອນ ຢາເງ້ຍ, ສອງແຂວງໄດ້ພ້ອມກັນແລກປ່ຽນ, ປຶກສາຫາລືໄປເຖິງການເຫັນດີເປັນເອກະພາບລົງນາມ ລາຍການຮ່ວມມືລະຫວ່າງອຳນາດການປົກຄອງແຂວງ ດັກນົງ, ຫວຽດນາມກັບອຳນາດການປົກຄອງແຂວງ Mondulkiri (ກຳປູເຈຍ) ໄລຍະ 2023 – 2026 ໃນບັນດາຂົງເຂດ. ສອງຝ່າຍໄດ້ເຫັນດີເປັນເອກະພາບຮ່ວມມືກັນກໍ່ສ້າງ, ຍົກລະດັບດ່ານຊາຍແດນ ດັກເປີ, ເມືອງດັກມິວ (ແຂວງດັກນົງ) - ບູຊາຣາ ແຂວງ Petchanda (Mondulkiri) ກາຍເປັນດ່ານຊາຍແດນສາກົນ, ຮ່ວມມືດ້ານການລົງທຶນ, ການຄ້າ, ການຮ່ວມມືພັດທະນາກະສິກຳ, ເຄື່ອງປາຂອງດົງ, ປົກປັກຮັກສາຊັບພະຍາກອນ, ສິ່ງແວດລ້ອມ. ພ້ອມທັງ ສອງຝ່າຍຈະເພີ່ມທະວີການຮ່ວມມືພົບປະແລກປ່ຽນວັດທະນະທຳ, ພົບປະແລກປ່ຽນປະຊາຊົນລະຫວ່າງສອງແຂວງ, ການຮ່ວມມືພັດທະນາການທ່ອງທ່ຽວ, ສາທາລະນະສຸກ, ການສຶກສາ ແລະ ບຳລຸງສ້າງ.
ສ່ວນແຂວງ Mondulkiri ກໍ່ສ້າງເງື່ອນໄຂໃຫ້ແກ່ອົງການການເມືອງສັງຄົມ, ສະມາຄົມການກຸສົນຂອງແຂວງ ດັກນົງ ມາຢື້ຢາມ, ໜູນຊ່ວຍ, ຮັບປະກັນບັນດາສິດຜົນປະໂຫຍດອັນຊອບທຳຂອງຊາວເຊື້ອຊາດ ຫວຽດນາມ ທີ່ພວມດຳລົງຊີວິດ, ເຮັດວຽກຢູ່ແຂວງ Mondulkiri. ສອງຝ່າຍໄດ້ສົມທົບກັນໃນວຽກງານແບ່ງເສັ້ນຊາຍແດນ, ປັກຫຼັກໝາຍຊາຍແດນ, ເພີ່ມທະວີການຊີ້ນຳຂອງບັນດາອົງການທີ່ກ່ຽວຂ້ອງຂອງສອງຝ່າຍໃນການແລກປ່ຽນ ແລະ ສະໜອງຂໍ້ມູນຮ່ວມມືໃນຂົງເຂດປ້ອງກັນຊາດ, ປ້ອງກັນຄວາມສະຫງົບ, ການຕ່າງປະເທດລະຫວ່າງສອງຝ່າຍຢ່າງເປັນປະຈຳ.
ກ່າວຄຳເຫັນທີ່ກ່ອງປະຊຸມ, ທ່ານປະທານຄະນະກຳມະການປະຊາຊົນແຂວງດັກນົງ ໂຮ່ວັນເມື່ອຍ ແລະ ທ່ານ ເຈົ້າແຂວງ Mondulkiri ລ້ວນແຕ່ຢັ້ງຢືນວ່າ ໃນຊຸມປີຜ່ານມາ, ສອງແຂວງໄດ້ມານະພະຍາຍາມປະຕິບັດໂຄງການຮ່ວມມືໃນບັນດາຂົງເຂດໃນການປົກປ້ອງຄວາມໝັ້ນຄົງເຂດຊາຍແດນ ແລະ ພັດທະນາເສດຖະກິດສັງຄົມຢ່າງມີປະສິດທິຜົນເພື່ອປະກອບສ່ວນເຂົ້າໃນການຮັດແໜ້ນຄວາມສາມັກຄີມິດຕະພາບ ລະຫວ່າງສອງແຂວງ ແລະ ປັບປຸງ, ພັດທະນາການພົວພັນທີ່ເປັນມູນເຊື້ອ, ມິດຕະພາບຂອງສອງປະເທດ.
ໂດຍເສີມຂະຫຍາຍໝາກຜົນທີ່ບັນລຸໄດ້, ສອງແຂວງຈະສືບຕໍ່ຮັກສາ ແລະ ຜັນຂະຫຍາຍບັນດາເນື້ອໃຈໂຄງການຮ່ວມມືໄລຍະ 2023 – 2026 ທີ່ຫາກໍ່ໄດ້ລົງນາມຢ່າງມີປະສິດທິຜົນ ເພື່ອປັບປຸງ ແລະ ຮັກສານ້ຳໃຈສາມັກຄີ, ມິດຕະພາບລະຫວ່າງອຳນາດການປົກຄອງ ແລະ ປະຊາຊົນແຂວງແຂວງດັກນົງ ແລະ Mondulkiri.
ບຸນຄົງ
