| ກວາງງາຍ: ຂົນຂວາຍ 151 ໂຄງການບໍ່ຂຶ້ນກັບລັດຖະບານ | |
| DUFO ຂົນຂວາຍເງິນກ່ວາ 78 ຕື້ດົ່ງຈາກການໜູນຊ່ວຍຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ ໃນ 9 ເດືອນຕົ້ນປີ 2022 |
 |
| ກອງປະຊຸມທາງໄກຂອງລັດຖະບານກັບທ້ອງຖິ່ນ (ພາບ: VGP) |
ສວຍໃຊ້ທຸກກາລະໂອກາດ, ຂົນຂວາຍເພື່ອຊຸກຍູ້ການຟື້ນຟູ ແລະ ພັດທະນາເສດຖະກິດ - ສັງຄົມ
ປີ 2023, ເຖິງວ່າ ຕ້ອງປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ ແຕ່ລັດຖະບານຈະສືບຕໍ່ມີຄວາມຕັດສິນໃຈມີການກະທຳຢ່າງສູງສຸດ, ແກ້ໄຂທຸກຄວາມຫຍຸ້ງຍາກ, ຍາດແຍ່ງກາລະໂອກາດ, ຂົນຂວາຍເພື່ອຊຸກຍູ້ການຟື້ນຟູ ແລະ ພັດທະນາເສດຖະກິດ ສັງຄົມ, ຍູ້ແຮງການຟື້ນຟູພື້ນຖານເສດຖະກິດເອກະລາດ, ເປັນເຈົ້າຕົ້ນເອງຕິດພັນກັບຄວາມເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງ, ແທດຈິງ, ມີປະສິດທິຜົນ.
ປີ 2022, ດ້ວຍຄວາມມານະພະຍາຍາມຂອງທົ່ວພັກ, ທົ່ວປວງຊົນ, ທົ່ວກອງທັບ, ສະພາບການເສດຖະກິດສັງຄົມມີການຟື້ນຟູຢ່າງຕັ້ງໜ້າ ແລະ ບັນລຸໄດ້ໝາກຜົນສຳຄັນຫຼາຍຢ່າງ, ມີຄວາມຮອບດ້ານພໍສົມຄວນ ໃນທຸກຂົງເຂດ, ໃນ 15 ເປົ້າໝາຍແຜນການຫຼັກ, ສາມາດບັນລຸ ແລະ ລື່ນກາຍໄດ້ 13 ເປົ້າໝາຍ ແລະ ໜຶ່ງເປົ້າໝາຍເກືອບບັນລຸ ແລະ ມີໜຶ່ງເປົ້າໝາຍບໍ່ບັນລຸ.
ອາດຈະເວົ້າເຖິງບັນດາຜົນງານທີ່ບັນລຸໄດ້ໃນປີ 2022 ສູງກ່ວາເມື່ອທຽບໃສ່ກັບປີ 2021 ແມ່ນພິສູດໃຫ້ເຫັນກຳລັງກຸ່ມກ້ອນສາມັກຄີທົ່ວປວງຊົນທັງຊາດ, ຮ່ວມແຮງຮ່ວມໃຈ, ມີຄວາມຕັດສິນໃຈສູງຂອງທົ່ວລະບົບການເມືອງ ແລະ ປະຊາຊົນໃນທົ່ວປະເທດພາຍໃຕ້ການຊີນຳຂອງພັກ ໂດຍຜູ້ນຳໜ້າແມ່ນທ່ານເລຂາທິການໃຫຍ່ ຫງວຽນຝຸຈ້ອງ” ທ່ານນາຍົກລັດຖະມົນຕີຟ້າມມິງຈິງ ເນັ້ນໜັກໃນບົດກ່າວປາໄສໄຂກອງປະຊຸມທາງໄກຂອງລັດຖະບານກັບທ້ອງຖິ່ນທີ່ໄດ້ດຳເນີນໃນຕອນເຊົ້າວັນທີ 3 ມັງກອນ.
ຕັດສິນໃຈກະທຳ, ຫັນຄວາມສ່ຽງກາຍເປັນກາລະໂອກາດ
ໃນສະພາບການເສດຖະກິດໂລກ ຍັງຄາດຄະເນວ່າ ຈະມີການຜັນແປຫຼາຍຢ່າງ, ລັດຖະບານກຳນົດຕ້ອງສາມັກຄີ, ມານະພະຍາຍາມ, ມີຄວາມຕັດສິນໃຈສູງສຸດເພື່ອຮັບມືກັບສະພາບການຢ່າງມີໄຫວພິບ, ມີປະສິດທິຜົນ ຫັນຄວາມສ່ຽງໃຫ້ກາຍເປັນກາລະໂອກາດ.
ຕາມນັ້ນແລ້ວ, ລັດຖະບານ ຫວຽດນາມ ຈະຍົກສູງຄວາມສາມາດໃນການໄຈ້ແຍກ, ການຄາດຄະເນ, ເປັນເຈົ້າການສ້າງແຜນງານ, ວິທີການຮັບມືຢ່າງມີປະສິດທິຜົນ. ໃນຂົງເຂດເງິນຕາ, ຫວຽດນາມ ສືບຕໍ່ປະຕິບັດນະໂຍບາຍເງິນຕາໃຫ້ແນ່ນອນ, ມີຄວາມເປັນເຈົ້າການ, ມີໄຫວພິບ, ມີປະສິດທິຜົນ. ພ້ອມກັນນັ້ນແມ່ນການສົມທົບກັບນະໂຍບາຍປີການເງິນເປີດກວ້າງ ແລະ ບັນດານະໂຍບາຍຕ່າງໆຢ່າງຄົບຊຸດ ແລະ ຮັດກຸມ, ການຄຸ້ມຄອງບໍລິຫານຢ່າງທັນການ, ມີຄວາມດຸ່ນດ່ຽງ, ເໝາະສົມ, ມີປະສິດທິຜົນລະຫວ່າງອັດຕາແລກປ່ຽນເງິນຕາກັບດອກເບ້ຍ, ລະຫວ່າງ ດອກເບ້ຍກັບໄພເງິນເຟີ້; ລະຫວ່າງການຄວບຄຸມໄພເງິນເຟີ້ກັບການຊຸກຍູ້ການເຕີບໂຕເສດຖະກິດ, ເໝາະສົມກັບສະພາບການຕົວຈິງ.
ກ່າວຄຳເຫັນທີ່ກອງປະຊຸມທາງໄກ ສະຫຼຸບການປະຕິບັດວຽກງານໃນປີ 2022 ແລະ ຜັນຂະຫຍາຍແຜນການໃນປີ 2023 ລະຫວ່າງ ລັດຖະບານ ກັບບັນດາທ້ອງຖິ່ນ ທີ່ໄດ້ດຳເນີນໃນວັນທີ 3 ມັງກອນ, ທ່ານນາຍົກລັດຖະມົນຕີ ຫວຽນດາມ ຟ້າມມິງຈິງ ໄດ້ເນັ້ນໜັກເຖິງຄຸນນະທາດ, ຄວາມເປັນເຈົ້າການ, ການມີໄຫວພິບ, ການປະດິດຄິດສ້າງໃນການຊີ້ນຳນຳພາບໍລິຫານ, ຍາມໃດກໍ່ຮັບຟັງ ແລະ ມີປະຕິກິລິຍານະໂຍບາຍໂດຍໄວ, ທັນການ, ມີປະສິດທິຜົນ.
ຕາມທ່ານນາຍົກລັດຖະມົນຕີແລ້ວ, ລັດຖະບານ, ບັນດາກະຊວງ, ຂະແໜງການທ້ອງຖິ່ນ ຈົ່ງພ້ອມກັນເສີມຂະຫຍາຍຈິດໃຈສາມັກຄີ, ເຫັນດີເປັນເອກະພາບ, ຖືຄວາມຫຍຸ້ງຍາກ, ສິ່ງທ້າທາຍເປັນກຳລັງໜູນເພື່ອບືນຕົວຂຶ້ນ. ຍົກສູງຈິດໃຈເພິ່ງຕົນເອງສ້າງຄວາມເຂັ້ມແຂງດ້ວຍຕົນເອງ, ອີງໃສ່ກຳລັງພາຍໃນເປັນຫຼັກ, ກຳລັງ ພາຍນອກແມ່ນຄວາມຈຳເປັນ ແລະ ສຳຄັນ.
ລັດຖະບານ ຫວຽດນາມ ກໍ່ເຫັນດີເປັນເອກະພາບ ແລະ ຕັດສິນໃຈສຸມໃສ່ແກ້ໄຂບັນດາໜ້າທີ່ເປັນປະຈຳ, ບັນດາບັນຫາຄົງຄ້າງທີ່ແກ່ຍາວຢ່າງມີປະສິດທິຜົນ, ທັງຮັບມືກັບບັນດາບັນຫາຮີບດ່ວນທີ່ເກີດຂຶ້ນໃນໄລຍະສັ້ນຢ່າງມີປະສິດທິຜົນ, ພ້ອມທັງປະຕິບັດບັນດາໜ້າທີ່, ວິທີການທີ່ມີລັກສະນະພື້ນຖານໃນໄລຍະກາງ ແລະ ໄລຍະຍາວ. ບັນດາກະຊວງ, ຂະແໜງການຈະສຸມໃສ່ແກ້ໄຂຄວາມຫຍຸ້ງຍາກ, ມີບັນດາວິທີການແກ້ໄຂ, ນະໂຍບາຍໜູນຊ່ວຍການຜະລິດ, ດຳເນີນທຸລະກິດຢ່າງທັນການ ແລະ ມີປະສິດທິຜົນ, ຮັບປະກັນການປະຕິບັດບັນດາເປົ້າໝາຍໃນສະເພາະໜ້າ ແລະ ຍາວນານຢ່າງຄົບຊຸດ, ປະກອບສ່ວນຊຸກຍູ້ການພັດທະນາເສດຖະກິດ - ສັງຄົມໂດຍໄວ ແລະ ຍືນຍົງ.
ບຸນຄົງ
