| ວົງເງິນການຄ້າຫວຽດນາມ-ລາວ ສືບຕໍ່ເພີ່ມຂຶ້ນ | |
| ງານບຸນວັດທະນະທຳ-ອາຫານການກິນຫວຽດນາມ 2022 ຈະຈັດຂຶ້ນຢູ່ແຂວງກວາງຈິ |
 |
| ກອງປະຊຸມຄະນະປະຈຳຄັ້ງທີ 13, ຊຸດທີ II ຕີລາຄາໝາກຜົນຂອງການເຄື່ອນໄຫວໃນ 9 ເດືອນ ແລະ ວາງອອກໜ້າທີ່ໃນ 3 ເດືອນທ້າຍປີ 2022 |
ຫວ່າງແລ້ວນີ້, ສະຫະພັນບັນດາອົງການຈັດຕັ້ງມິດຕະພາບດົ່ງນາຍ (DUFO) ໄດ້ຈັດຕັ້ງກອງປະຊຸມຄະນະປະຈຳຄັ້ງທີ 13, ຊຸດທີ II ຕີລາຄາໝາກຜົນຂອງການເຄື່ອນໄຫວໃນ 9 ເດືອນ ແລະ ວາງອອກໜ້າທີ່ໃນ 3 ເດືອນທ້າຍປີ 2022.
ຕາມທ່ານປະທານ DUFO ຫງວຽນແທ່ງຈີ້ ແລ້ວ, ໃນ 9 ເດືອນຕົ້ນປີ 2022, DUFO ໄດ້ຈັດຕັ້ງປະຕິບັດໃນຂົງເຂດສັນຕິພາບ, ມິດຕະພາບ, ວຽກງານບໍ່ຂຶ້ນກັບລັດຖະບານຕ່າງປະເທດ ແລະ ວຽກງານຖະແຫຼງຂ່າວພົວພັນຕ່າງປະເທດຢ່າງຄົບຊຸດ ແລະ ຮອບດ້ານ, ໄດ້ສຳເລັດ 80% ໜ້າທີ່ ໂດຍຄະນະບໍລິຫານງານ DUFO ວາງອອກໃນປີນີ້.
ການເຄື່ອນໄຫວຂອງບັນດາສະມາຄົມມິດຕະພາບນັບມື້ນັບມີຄຸນນະພາບ, ມີປະສິດທິຜົນ, ເຂົ້າສູ່ລວງເລິກ. ບັນດາສະມາຄົມມິດຕະພາບ ແລະ DUFO ໄດ້ສົມທົບກັນຈັດຕັ້ງບັນດາເຫດການທີ່ພົ້ນເດັ່ນຄື: ລາຍການພົບປະລະດູບານໃໝ່ມິດຕະພາບວັດທະນະທຳ ຫວຽດນາມ - ອິນໂດເນເຊຍ, ໂຄງການພົບປະແລກປ່ຽນມິດຕະພາບຫວຽດນາມ - ຝະລັ່ງ, ງານມະໂຫລານສຽງເພງມິດຕະພາບ ຫວຽດນາມ - ລາວ ປີ 2022, ການພົບປະສະເຫຼີມສະຫຼອງ ແລະ ພົບປະແລກປ່ຽນວັດທະນະທຳ ອາຊຽນ…
ໃນວຽກງານສື່ສານທາງການຕ່າງປະເທດ, DUFO ໄດ້ເພີ່ມທະວີການໂຄສະນາບັນດາແຜນນະໂຍບາຍຂອງພັກ ກ່ຽວກັບວຽກງານການທູດປະຊາຊົນ, ໃນນັ້ນໄດ້ສົມທົບກັບຄະນະໂຄສະນາສຶກສາ ຄະນະພັກແຂວງ ຈັດຕັ້ງກອງປະຊຸມເຊື່ອມຊືມຄຳສັ່ງເລກທີ 12 ຂອງຄະນະເລຂາ (ຕາມຮູບແບບທາງໄກ ແລະ ເຊິ່ງໜ້າ) ໃຫ້ແກ່ພະນັກງານການນຳຫຼັກແຫຼ່ງ ເກືອບ 1000 ຄົນຂອງບັນດາພະແນກ, ຄະນະ, ຂະແໜງການ, ຖັນແຖວນັກລາຍງານຂັ້ນແຂວງ, ສະມາຊິກບັນດາສະມາຄົມມິດຕະພາບໃນບໍລິເວນແຂວງ, ຈັດຕັ້ງການບຳລຸງສ້າງ, ອັບເດດຄວາມຮູ້ກ່ຽວກັບວຽກງານການທູດປະຊາຊົນ, ວຽກງານຂົນຂວາຍການໜູນຊ່ວຍບໍ່ຂຶ້ນກັບລັດຖະບານຕ່າງປະເທດ ແລະ ພິມຈຳໜ່າຍວາລະສານມິດຕະພາບ ດົ່ງນາຍ…
ໃນ 9 ເດືອນຕົ້ນປີ 2022, ທົ່ວແຂວງ ດົ່ງນາຍ ໄດ້ສົມທົບກັບ 17 ອົງການບໍ່ຂຶ້ນກັບລັດຖະບານຂອງຕ່າງປະເທດ ແລະ ບັນດາຜູ້ອຸປະຖຳຕ່າງໆເພື່ອຜັນຂະຫຍາຍ 20 ບ້ວງໜູນຊ່ວຍ ດ້ວຍຍອດຈຳນວນເງິນຊ່ວຍເຫຼືອກ່ວາ 78 ຕື້ດົ່ງ. ເມື່ອທຽບໃສ່ໄລຍະດຽວກັນຂອງປີ 2021, ຈຳນວນໂຄງການໃໝ່ໂດຍອົງການຈັດຕັ້ງບໍ່ຂຶ້ນກັບລັດຖະບານໃຫ້ຄຳໝັ້ນສັນຍາໜູນຊ່ວຍ ເພີ່ມຂຶ້ນ 4 ໂຄງການ, ມູນຄ່າຄຳໝັ້ນສັນຍາ ເພີ່ມຂຶ້ນເຖິງປະມານ 50 ຕື້ດົ່ງ.
ໃນຊຸມເດືອນທີ່ຍັງເຫຼືອຂອງປີ 2022, DUFO ຈະສູ້ຊົນໃຫ້ສຳເລັດ 17 ວຽກງານ, ໃນນັ້ນສຸມໃສ່ບັນດາໂຄງການແລກປ່ຽນວັດທະນະທຳຄື: “ຈັງຫວະທຳນອງມິດຕະພາບພາກຕາເວັນອອກສ່ຽງໃຕ້ເປີດກວ້າງ (ກຸ່ມ 4)” ກັບກົງສູນໃຫຍ່ບັນດາປະເທດ; ໂຄງການແລກປ່ຽນມິດຕະພາບຫວຽດນາມ - ຍີ່ປຸ່ນ; ການປະກວດອອກແບບຜະລິດຕະພັນສື່ສານສອງພາສາກ່ຽວກັບການຊອກຮູ້ປະຫວັດສາດ ແລະ ວັດທະນະທໍາເຂດດິນແດນຊາວດົ່ງນາຍ; ກອງປະຊຸມຫົວເລື່ອງສະເພາະກ່ຽວກັບວຽກງານການທູດປະຊາຊົນ ແລະ ການສື່ສານການທູດໃນສະພາບການໃໝ່, ພ້ອມກັນນັ້ນ ກໍກະກຽມຈັດຕັ້ງກອງປະຊຸມຊາວຫວຽດນາມອາໄສຢູ່ຕ່າງປະເທດ ແຂວງດົ່ງນາຍ ປີ 2023...
ບາງຮູບການເຄື່ອນໄຫວຂອງ DUFO ຢູ່ ດົ່ງນາຍ:
 |
 |
 |
 |
ບຸນຄົງ
