ວັນທີ 29 ທັນວາ, ຢູ່ນະຄອນຫຼວງວຽງຈັນ ໄດ້ຈັດງານວາງ ສະແດງ ດ້ວຍຫົວຂໍ້ “ການພົວພັນຫວຽດນາມ-ລາວ: ເລື່ອງເລົ່າຈາກຂອງທີ່ລະນຶກ”.
ງານວາງສະແດງ ໂດຍສູນວັດທະນະທໍາຫວຽດນາມ ປະຈໍາ ສປປ ລາວ, ສະຖານທູດຫວຽດນາມ ປະຈໍາ ສປປ ລາວ ສົມທົບກັບຫ້ອງວ່າການສູນກາງພັກ ປະຊາຊົນ ປະຕິວັດລາວ ຈັດຕັ້ງເນື່ອງໃນໂອກາດປີສາມັກຄີມິດຕະພາບ ຫວຽດນາມ-ລາວ 2022.
ທ່ານນາງ ອ່ອນຈັນ ສຸວັນນະແສງ ຮອງຫົວໜ້າກົມພິພິທະພັນ ໄກສອນ ພົມວິຫານ ກ່າວຄໍາເຫັນທີ່ພິທີເປີດງານວາງສະແດງ. ພາບ: TTXVNກ່າວຄໍາເຫັນທີ່ງານວາງສະແດງ, ທ່ານ ຟານມິງຈ໊ຽນ ທີ່ປຶກສາທູດຜູ້ທີສອງ ສະຖານທູດຫວຽດນາມ ປະຈໍາ ລາວ ສະແດງຄວາມເຊື່ອໝັ້ນວ່າ ງານວາງສະແດງ ຈະສ້າງຂີດໝາຍອັນເລິກເຊິ່ງ, ຊ່ວຍແຜ່ຂະຫຍາຍ, ເຮັດໃຫ້ ຄວາມສາມັກຄີພິເສດ, ສັດຊື່, ບໍລິສຸດຜຸດຜ່ອງ ຫວຽດນາມ-ລາວ ນັບມື້ ນັບຊຶມເລິກເຂົ້າໃນໝູ່ປະຊາຊົນທຸກຊັ້ນວັນນະຂອງສອງປະເທດຫຼາຍກວ່າອີກ, ສ້າງແຫຼ່ງລະດົມກໍາລັງໃຈອັນໃຫຍ່ຫຼວງ ແລະ ສ້າງທ່ວງທ່າໃໝ່ ນໍາການ ພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມື ຮອບດ້ານລະຫວ່າງ ຫວຽດນາມ-ລາວ ໃຫ້ນັບມື້ນັບເຂົ້າສູ່ລວງເລິກ, ມີປະສິດທິຜົນ, ປະກອບສ່ວນອັນແທດຈິງເຂົ້າໃນການພັດທະນາວັດທະ ນາຖາວອນຂອງສອງປະເທດພວກເຮົາ ແລະ ສັນຕິພາບ, ສະຖຽນ ລະພາບຢູ່ພາກພື້ນ.
ຜູ້ຕາງໜ້າຄອບຄົວຍາດຕິພີ່ນ້ອງອະດີດນັກຊ່ຽວຊານທະຫານອາ ສາສະໝັກຫວຽດນາມ ຢູ່ລາວ ມອບຮູບພາບທີ່ລະນຶກໃຫ້ແກ່ຜູ້ຕາງໜ້າ ຫໍພິພິທະພັນ ໄກສອນ ພົມວິຫານ. ພາບ: TTXVN
ພາຍຫຼັງສິ້ນສຸດການແນະນໍາຂອງທີ່ລະນຶກດັ່ງກ່າວແລ້ວ, ຜູ້ຕາງໜ້າບາງຄອບຄົວຍາດຕິພີ່ນ້ອງບັນດານັກຊ່ຽວຊານ ຫວຽດນາມ ທີ່ເຄີຍສູ້ຮົບຢູ່ລາວ ໄດ້ມອບຂອງທີ່ລະນຶກເຫຼົ່ານັ້ນ ໃຫ້ຜູ້ຕາງໜ້າຫໍພິພິທະພັນ ໄກສອນ ພົມວິຫານ, ເພື່ອໃຫ້ຫໍພິພິທະພັນຮັກສາເປັນສຳເນົາ ແລະ ວາງສະແດງຢູ່ ລາວ.
ຍາດຕິພີ່ນ້ອງຂອງອະດີດນັກຊ່ຽວຊານທະຫານອາສາສະໝັກຫວຽດນາມ ຢູ່ລາວ ອະທິບາຍກ່ຽວກັບຮູບພາບທີ່ງານວາງສະແດງ. ພາບ: TTXVN
ກ່າວຄໍາເຫັນພາຍຫຼັງຮັບເອົາບັນດາຂອງທີ່ລະນຶກດັ່ງກ່າວ, ທ່ານນາງ ອ່ອນຈັນ ສຸວັນນະແສງ ຮອງຫົວໜ້າກົມພິພິທະພັນ ໄກສອນ ພົມວິຫານ ໄດ້ ສະແດງຄວາມຕື້ນຕັນໃຈ, ຂອບອົກຂອບໃຈອັນຈິງໃຈເມື່ອ ໄດ້ຮັບເອົາບັນດາເອກະສານ, ຮູບພາບ ແລະ ວັດຖຸພັນອັນລໍ້າຄ່າ - ເຊິ່ງ ເປັນຫຼັກຖານໃຫ້ແກ່ມູນເຊື້ອປະຫວັດສາດແຫ່ງສາຍພົວພັນມິດຕະ ພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງສອງປະເທດ ຫວຽດນາມ-ລາວ. ທ່ານນາງ ອ່ອນຈັນ ສຸວັນນະແສງ ໃຫ້ຄໍາໝັ້ນສັນຍາວ່າ “ພວກຂ້າພະເຈົ້າ ຈະເຄົາລົບນັບຖື, ຮັກສາ, ແລະ ວາງສະແດງວັດຖຸພັນແຫ່ງຊາດນີ້ ເພື່ອໂຄສະນາ ສຶກສາອົບຮົມໃຫ້ຄົນຮຸ່ນໜຸ່ມ”.
ບູນມີ
