 |
| ທ່ານນາງປະທານ VUFO ຫງວຽນເຟືອງງາ ກ່າວຄຳເຫັນທີ່ກອງປະຊຸມ |
ວັນທີ 28 ທັນວາ, ຢູ່ກອງປະຊຸມສະຫຼຸບວຽກງານປີ 2022 ແລະ ຜັນຂະຫຍາຍໜ້າທີ່ປີ 2023 ຂອງ ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO), ທ່ານນາງປະທານ VUFO ຫງວຽນເຟືອງງາ ໃຫ້ຮູ້ວ່າ ການທູດປະຊາຊົນ ຮັບໃຊ້ການພັດທະນາເສດຖະກິດ - ສັງຄົມ…
ຕາມບົດລາຍງານລາຍງານວຽກງານປີ 2022 ແລະ ຜັນຂະຫຍາຍໜ້າທີ່ປີ 2023 ຂອງ VUFO ໂດຍທ່ານຮອງປະທານ ເລຂາທິການ VUFO ຟານແອັງເຊີນ ສະເໜີຢູ່ກອງປະຊຸມ, ປີ 2022 VUFO ໄດ້ປະຕິບັດໜ້າທີ່ໃນບັນດາຂົງເຂດ ແລະ ເປົ້າໝາຍວຽກງານ.
ກ່ຽວກັບວຽກງານສັນຕິພາບ, ຄວາມສາມັກຄີ, ມິດຕະພາບ, VUFO ໄດ້ສຳເລັດແຜນການທາງການທູດ ປີ 2022, ບັນດາການເຄື່ອນໄຫວຫຼາຍຮູບແບບກ່ຽວກັບຮູບແບບ ແລະ ເນື້ອໃນ, ເຂົ້າສູ່ລວງເລິກ, ສານການເມືອງ ໄດ້ສົມທົບກັບບັນດາການເຄື່ອນໄຫວ. ວຽກງານບໍ່ຂຶ້ນກັບລັດຖະບານຕ່າງປະເທດ ເປັນເຈົ້າການ ແລະ ຕັ້ງໜ້າກ່ວາ. ວຽກງານຖະແຫຼງຂ່າວທາງການທູດ ໄດ້ຫັນເປັນມືອາຊີບ, ຫຼາຍຮູບແບບກ່ຽວກັບເນື້ອໃນ ແລະ ຮູບແບບສະແດງອອກ, ມີກຳລັງແຜ່ຂະຫຍາຍ ແລະ ສ້າງຈຸດພົ້ນເດັ່ນ. ວຽກງານເປັນເສນາທິການ, ຄົ້ນຄ້ວາໄດ້ມີລວງເລິກ, ທັນການ ແລະ ມີຄຸນນະພາບ. ວຽກງານພາຍໃນໄດ້ຮັບການເພີ່ມທະວີ ແລະ ປັບປຸງ.
ປີ 2022, VUFO ມີຄວາມເປັນກຽດໂດຍທ່ານນາຍົກລັດຖະມົນຕີ ມອບໃບຍ້ອງຍໍຍ້ອນມີຜົນງານດີເດັ່ນໃນວຽກງານປີ 2021, ປະກອບສ່ວນເຂົ້າໃນພາລະກິດແຫ່ງການກໍ່ສ້າງລັດທິສັງຄົມ ແລະ ປົກປັກຮັກສາປະເທດຊາດ, ໃບຍ້ອງຍໍຍ້ອນມີຜົນງານດີເດັ່ນໃນການຜັນຂະຫຍາຍວຽກງານການທູດວັກຊິນ ປີ 2021.
ກ່າວຄຳເຫັນຊີ້ນຳກອງປະຊຸມ, ທ່ານນາງປະທານ ຫງວຽນເຟືອງງາ ໄດ້ຕີລາຄາສູງໝາກຜົນຂອງການປະຕິບັດວຽກງານ ທີ່ VUFO ບັນລຸໄດ້ໃນປີ 2022, ພ້ອມທັງສະເໜີໃຫ້ກອງປະຊຸມປຶກສາຫາລື, ປະກອບຄຳເຫັນກ່ຽວກັບ 10 ຈຸດພົ້ນເດັ່ນຂອງ VUFO ໃນປີ 2022.
ກ່ຽວກັບຈຸດສຸມປະຕິບັດງານໃນປີ 2023, ທ່ານນາງປະທານ ຫງວຽນເຟືອງງາ ຊີ້ແຈ້ງວ່າ: ຫົວຂໍ້ພົ້ນເດັ່ນຂອງ VUFO ໃນປີ 2023 ແມ່ນການທູດປະຊາຊົນຮັບໃຊ້ການພັດທະນາເສດຖະກິດ - ສັງຄົມ.
ຕາມນັ້ນແລ້ວ, ປີ 2023, ທົ່ວລະບົບສະຫະພັນຕິດແທດບັນດາແຜນນະໂຍບາຍ, ແນວທາງຂອງພັກ, ລັດ ກ່ຽວກັບການທູດ ແລະ ການຕ່າງປະເທດເພື່ອຜັນຂະຫຍາຍໜ້າທີ່ທາງການທູດ, ປະຕິບັດສຳເລັດແຜນການປະຕິບັດງານທີ່ໄດ້ວາງອອກ, ພິເສດແມ່ນບັນດາເຫດການໃຫຍ່ໃນການສະເຫຼີມສະຫຼອງ 50 ແຫ່ງສົນທິສັນຍາ Paris, ການພົບປະແລກປ່ຽນມິດຕະພາບສາກົນ 2023 ຢູ່ ລາວກາຍ…
ກ່ຽວກັບວຽກງານສັນຕິພາບ, ຄວາມສາມັກຄີ, ມິດຕະພາບ, ຫັນຂອບເຂດ, ເປົ້າໝາຍ, ກຳລັງເປັນຫຼາຍຮູບແບບ, ປັບປຸງ ແລະ ເປີດກວ້າງການພົວພັນຄູ່ຮ່ວມມື, ນຳໃຊ້ເຕັກໂນໂລຢີຂໍ້ມູນຂ່າວສານ, ການຫັນເປັນດີຈີຕອນ.
ສືບຕໍ່ປະຕິບັດໂຄງການແຫ່ງຊາດກ່ຽວກັບການເພີ່ມທະວີການຮ່ວມມື ແລະ ຂົນຂວາຍການອຸປະຖຳບໍ່ຂຶ້ນກັບລັດຖະບານຕ່າງປະເທດ ໄລຍະ 2019 – 2025 ແລະ ຜັນຂະຫຍາຍມະຕິຂອງລັດຖະບານວ່າດ້ວຍການຈົດທະບຽນ ແລະ ຄຸ້ມຄອງການເຄື່ອນໄຫວຂອງບັນດາອົງການບໍ່ຂຶ້ນກັບລັດຖະບານຕ່າງປະເທດຢູ່ ຫວຽດນາມ ເພື່ອລະດົມແຫຼ່ງກຳລັງພັດທະນາເສດຖະກິດ-ສັງຄົມ. ວຽກງານບໍ່ຂຶ້ນກກັບລັດຖະບານຕ່າງປະເທດຕ້ອງຕິດພັນກັບການເມືອງ, ການທູດ, ແຜນການຂົນຂວາຍອຸປະຖຳຢ່າງແທດຈິງ, ມີປະສິດທິຜົນ, ສ້າງຂໍ້ມູນກ່ຽວກັບຄວາມຕ້ອງການໃນການໜູນຊ່ວຍ.
ຍົກສູງຄວາມຮັບຮູ້ກ່ຽວກັບການທູດປະຊາຊົນ, ໂຄສະນາກ່ຽວກັບຜົນສຳເລັດໃນທຸກດ້ານຂອງ ຫວຽດນາມ, ຫຼັກໝັ້ນຂອງ ຫວຽດນາມ ຕໍ່ບັນດາບັນຫາທີ່ກ່ຽວຂ້ອງ, ເພີ່ມທະວີການເຂົ້າຮ່ວມຂອງບັນດາອົງການສະມາຊິກໃນວຽກງານຖະແຫຼງຂ່າວການຕ່າງປະເທດ, ໝູນໃຊ້ເຕັກໂນໂລຢີທີ່ທັນສະໄໝ, ນຳໃຊ້ຫຼາຍພາສາ.
ໂດຍເປັນເສນາທິການ, ຄົ້ນຄ້ວາການກຳນົດທິດການພັດທະນາ VUFO ຮອດປີ 2030, ວຽກງານບໍ່ຂຶ້ນກັບລັດຖະບານຕ່າງປະເທດ ແລະ ຂະບວນການປະຊາຊົນທົ່ວໂລກ. ສືບຕໍ່ສ້າງ ແລະ ພັດທະນາລະບົບ, ເພີ່ມທະວີການສະໜິດຕິດພັນລະຫວ່າງສະຫະພັນສູນກາງ ແລະ ສະຫະພັນບັນດາທ້ອງຖິ່ນ, ຈັດຕັ້ງສຳເລັດກອງປະຊຸມທົ່ວປະເທດກ່ຽວກັບວຽກງານການທູດປະຊາຊົນຢູ່ບິ່ງດິ່ງ, ຍູ້ແຮງວຽກງານບຳລຸງສ້າງ, ປະຕິບັດສຳເລັດກົດລະບຽບ, ກະຕິກາ ແລະ ແຜນຮ່າງຕຳແໜ່ງເຮັດວຽກ.
ຢູ່ກອງປະຊຸມ, ຄະນະປະທານ VUFO ໄດ້ຈັດຕັ້ງການຍ້ອງຍໍມອບຂອງຂວັນໃຫ້ບັນດາຄະນະ, ຫົວໜ່ວຍ ແລະ ສ່ວນບຸກຄົນ ທີ່ປະຕິບັດສຳເລັດໜ້າທີ່ປະຕິບັດງານ ປີ 2022. ໃນນັ້ນ ກໍ່ໄດ້ມອບທຸງແຂ່ງຂັນໃຫ້ແກ່ 3 ໝູ່ຄະນະ, ມອບນາມມະນົດແຮງງານດີເດັ່ນໃຫ້ແກ່ 6 ໝູ່ຄະນະ, ມອບນາມມະຍົດໝູ່ຄະນະແຮງງານກ້າວໜ້າໃຫ້ແກ່ 3 ໝູ່ຄະນະ.
ຄະນະປະທານ VUFO ກໍ່ໄດ້ມອບນາມມະຍົດນັກຮົບແຂ່ງຂັນລະດັບສະຫະພັນໃຫ້ແກ່ ສ່ວນບຸກຄົນ 1 ຄົນ, ນາມມະຍົດນັກຮົບແຂ່ງຂັນຂັ້ນຮາກຖານ ໃຫ້ແກ່ສ່ວນບຸກຄົນ 16 ຄົນ, ນາມມະຍົດແຮງງານ ກ້າວໜ້າໃຫ້ແກ່ສ່ວນບຸກຄົນ 126 ຄົນ.
ວາລະສານຍຸກສະໄໝມີຄວາມເປັນກຽດໄດ້ຮັບນາມມະຍົດໝູ່ຄະນະແຮງງານດີເດັ່ນຍ້ອນປະຕິບັດສຳເລັດໜ້າທີ່ປີ 2022, ໃບຍ້ອງຍໍຂອງຄະນະປະທານ VUFO ເພື່ອມີຜົນສຳເລັດດີເດັ່ນໃນວຽກງານຖະແຫຼງຂ່າວ ໂຄສະນາກ່ຽວກັບເຫດການຂອງ VUFO ໃນປີ 2022.
ໃນວັນດຽວກັນ, ອົງຄະນະພັກ VUFO ກໍ່ຈັດຕັ້ງກອງປະຊຸມສະຫຼຸບວຽກງານ ປີ 2022 ແລະ ຜັນຂະຫຍາຍວຽກງານປີ 2023
ບຸນຄົງ
