ສື່ມວນຊົນ ສິງກະໂປ: Fansipan ແມ່ນສະຖານທີ່ທ່ອງທ່ຽວໃນທ້າຍປີ 2022 | |
VUFO ໜູນຊ່ວຍກ່າເມົາ ລະດົມການອຸປະຖໍາບໍ່ຂຶ້ນກັບລັດຖະບານຕ່າງປະເທດ |
![]() |
ທ່ານລ້າຍວັນຮວານ ຮອງປະທານຄະນະກຳມະການປະຊາຊົນແຂວງ ທ໊າຍບິ່ງກ່າວຄຳເຫັນທີ່ການເຮັດວຽກ (ພາບ: ກວຽນຮວາ) |
ວັນທີ 14 ທັນວາ, ຢູ່ທ໊າຍບິ່ງ, ທ່ານ ຫງວຽນວັນແຢວງ, ຮອງປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO) ໄດ້ມີການເຮັດວຽກກັບຄະນະກຳມະການປະຊາຊົນແຂວງທ໊າຍບິ່ງ ກ່ຽວກັບວຽກງານການທູດປະຊາຊົນ, ການເຄື່ອນໄຫວຂົນຂວາຍການໜູນຊ່ວຍຂອງອົງການບໍ່ຂຶ້ນກັບລັດຖະບານຕ່າງປະເທດ…
ທີ່ການເຮັດວຽກ, ທ່ານ ລ້າຍວັນຮວ່ານ, ຮອງປະທານຄະນະກຳມະການປະຊາຊົນແຂວງທ໊າຍບິ່ງ ໄດ້ສັງເຂບລວມກ່ຽວກັບສະພາບການເສດຖະກິດສັງຄົມ, ວຽກງານການທູດປະຊາຊົນຂອງແຂວງ ທ໊າຍບິ່ງ. ໃນໄລຍະຜ່ານມາ, ການນຳຄະນະພັກແຂວງ, ຄະນະກຳມະການປະຊາຊົນແຂວງໄດ້ມີຄວາມເອົາໃຈໃສ່ຕິດຕາມກວດກາວຽກງານການທູດປະຊາຊົນແຂວງ ທ໊າຍບິ່ງ ຢ່າງໃກ້ຊິດ, ຊີ້ນຳນຳພາຢ່າງທັນການ, ສ້າງເງື່ອນໄຂການເຄື່ອນໄຫວຢ່າງມີປະສິດທິຜົນ.
ມາຮອດປັດຈຸບັນ, ທາງແຂວງທ໊າຍບິ່ງໄດ້ຮັກສາ ແລະ ພັດທະນາການພົວພັນຮ່ວມມືມິດຕະພາບ ລະຫວ່າງ 4 ທ້ອງຖິ່ນຢູ່ຕ່າງປະເທດ. ທຸກປີ, ທາງແຂວງໄດ້ຈັດຕັ້ງການຕ້ອນຮັບຄະນະຜູ້ແທນ ແລະ ຄະນະຂຶ້ນກັບບັນດາອົງການບໍ່ຂຶ້ນກັບລັດຖະບານຕ່າງປະເທດມາຢ້ຽມຢາມ, ພົວພັນແລກປ່ຽນ, ຮ່ວມມື, ສຳຫຼວດກວດກາ ແລະ ປະຕິບັດບັນດາໂຄງການ. ວຽກງານຂົນຂວາຍການອຸປະຖຳບໍ່ຂຶ້ນກັບລັດຖະບານຕ່າງປະເທດໄດ້ປະຕິບັດຢ່າງຕັ້ງໜ້າ, ແຕ່ລະປີໄລ່ສະເລ່ຍມີເງິນອຸປະຖຳໃນບໍລິເວນແຂວງໃນຊຸມປີຜ່ານມາປະມານ 1,2 ລ້ານ USD/ປີ.
ທ່ານ ລ້າຍວັນຮວ່ານ ສະເໜີ VUFO ສືບຕໍ່ເອົາໃຈໃສ່ໜູນຊ່ວຍແຂວງປະຕິບັດບັນດາການກຳນົດທິດຂອງສູນກາງກ່ຽວກັບວຽກງານການທູດປະຊາຊົນໃຫ້ເປັນຢ່າງດີ, ເພີ່ມທະວີວຽກງານໂຄສະນາ, ແນະນຳພາບພົດປະເທດຊາດ ແລະ ຊາວຫວຽດນາມ ກໍ່ຄືແຂວງທ໊າຍບິ່ງໄປຍັງເພື່ອນມິດສາກົນ.
ສ່ວນທ່ານຮອງປະທານ VUFO ຫງວຽນວັນແຢວງ ກໍໄດ້ຕີລາຄາສູງບັນດາຜົນງານໂດຍແຂວງທ໊າຍບິ່ງບັນລຸໄດ້ໃນປີ 2022, ພ້ອມທັງຮັບຮູ້ບັນດາໝາກຜົນທີ່ຕັ້ງໜ້າໃນວຽກງານການທູດປະຊາຊົນຂອງແຂວງທ໊າຍບິ່ງໃນໄລຍະຜ່ານມາ. ທ່ານສະເໜີໃຫ້ແຂວງສືບຕໍ່ຕິດພັນການເຄື່ອນໄຫວການທູດປະຊາຊົນກັບເປົ້າໝາຍພັດທະນາເສດຖະກິດສັງຄົມ, ມີຄວາມເປັນເຈົ້າການ, ມີໄຫວພິບໃນການຂົນຂວາຍ, ດຶງດູດແຫຼ່ງໜູນຊ່ວຍບໍ່ຂຶ້ນກັບລັດຖະບານຕ່າງປະເທດ, ເພີ່ມທະວີການໂຄສະນາພາບພົດທ້ອງຖິ່ນ.
VUFO ຈະໜູນຊ່ວຍແຂວງທ໊າຍບິ່ງເພື່ອຜັນຂະຫຍາຍວຽກງານການທູດປະຊາຊົນຢ່າງມີປະສິດທິຜົນ, ເພື່ອຮັບໃຊ້ໃຫ້ແກ່ການປະຕິບັດບັນດາເປົ້າໝາຍພັດທະນາເສດຖະກິດສັງຄົມ ແລະ ການເຊື່ອມໂຍງເຂົ້າກັບສາກົນຂອງແຂວງ, ສ້າງເງື່ອນໄຂເພື່ອໃຫ້ບັນດາໂຄງການໜູນຊ່ວຍບໍ່ຂຶ້ນກັບລັດຖະບານຕ່າງປະເທດໄດ້ຮັບການຜັນຂະຫຍາຍຢູ່ທ້ອງຖິ່ນ.
ບຸນຄົງ