| ທ່ານນາງຮອງປະທານປະເທດ ຫວໍທິແອງຊວນ ໄດ້ພົບປະກັບປະຊາຄົມຊາວ ຫວຽດນາມ ອາໄສຢູ່ ຝລັ່ງ | |
| ຫວຽດນາມ ແລະ ຝລັ່ງ ຊຸກຍູ້ການເຄື່ອນໄຫວປ່ຽນແປງໃໝ່ຫົວຄິດປະດິດສ້າງ ແລະ ຊັບສິນທາງປັນຍາຂັ້ນທ້ອງຖິ່ນ |
ຝະລັ່ງ ໄດ້ຮັບຖືວ່າ ແມ່ນໜຶ່ງໃນບັນດາຈຸດພົ້ນເດັ່ນ ໃນດ້ານການທູດວັດທະນະທຳຂອງຫວຽດນາມ ໃນປີ 2022, ຕາມບັນດາການຮອງຮັບຂອງສຳນັກຂ່າວສານຫວຽດນາມ ໃນທ້ອງຖິ່ນ.
ງານວາງສະແດງ “ກຳແພງພະລາຊະວັງທັງລອງ” ຢູ່ເມືອງບູຮານ Provins, “ຕາມຮອຍຂອງລຸງໂຮ່” ຢູ່ບັນດານະຄອນທ່າກຳປັ່ນ Le Havre ແລະ Sainte-Adresse, “ຄົ້ນຫາຫວຽດນາມຄືນໃໝ່” ກັບສາຍການບິນຫວຽດນາມ ຢູ່ ປາຣີ, Ao Dai ຫວຽດນາມ ໄດ້ເປັ່ງປະກາຍໃນງານບຸນກົງສຸນ Lyon, ໂອກາດບຸນປີໃໝ່ປະຈຳຊາດຂອງຫວຽດນາມ ໄດ້ຈັດຂຶ້ນຢູ່ຮ້ານສັບພະສິນຄ້າ Carrefour, ໜັງສືພິມ ປະຊາຊົນ ໄດ້ດຶງດູດນັກຂ່າວມາຢ້ຽມຢາມຢູ່ນະຄອນ Essonne, ຫວຽດນາມ ແລະ ບັນດາເພື່ອນມິດໃນວັນສາມັກຄີ, ມິດຕະພາບຢູ່ Malakoff…
 |
ການທູດວັດທະນະທຳ ຊ່ວຍໃຫ້ຫວຽດນາມ ແລະ ຝລັ່ງ ຫຍັບເຂົ້າໃກ້ກັນ. ພາບ: TTXVN |
ພາຍຫຼັງ 2 ປີຂອງການຢຸດສະງັກຍ້ອນໂລກລະບາດໂຄວິດ-19, ບັນດາການເຄື່ອນໄຫວວັດທະນະທຳ ໄດ້ຮັບການຜັນຂະຫຍາຍຢ່າງຕັ້ງໜ້າໂດຍສະຖານທູດ ແລະ ບັນດາອົງການຕາງໜ້າຫວຽດນາມ ປະຈຳ ຝະລັ່ງ ໃນປີ 2022. ໂດຍມີຄວາມອຸດົມສົມບູນ, ມີຄວາມຫຼາກຫຼາຍ ແລະ ກວ້າງຂວາງຢູ່ທົ່ວທຸກພາກຂອງຝະລັ່ງ, ການທູດວັດທະນະທຳ, ສົມທົບກັບການທູດທາງດ້ານການເມືອງ ແລະ ເສດຖະກິດຂອງຫວຽດນາມ ໄດ້ສ້າງຄວາມຟົດຟື້ນໃຫ້ແກ່ປະຊາຊົນຫຼາຍຊັ້ນຄົນ ແລະ ຄູ່ຮ່ວມງານຂອງຝຣັ່ງ, ປະກອບສ່ວນຮັດແໜ້ນສາຍພົວພັນມິດຕະພາບ ແລະ ຄວາມເຂົ້າອົກເຂົ້າໃຈ ລະຫວ່າງສອງຊາດ ໃນປີ 2022.
ໃນຖານະເປັນໜຶ່ງໃນສອງສູນວັດທະນະທຳຫວຽດນາມຢູ່ຕ່າງປະເທດ, ສູນວັດທະນະທຳຫວຽດນາມຢູ່ຝະຣັ່ງ ໄດ້ເຊີດຊູບັນດາໜ້າທີ່, ວຽກງານໂຄສະນາວັດທະນະທຳຂອງຊາດຢູ່ຝະລັ່ງ ແລະ ເອີລົບ. ສູນໄດ້ສົມທົບກັບບັນດາສະມາຄົມຫວຽດນາມ ຢູ່ ຝະລັ່ງ, ທ້ອງຖິ່ນ ແລະ ບັນດາຄູ່ຮ່ວມມື ຈັດຕັ້ງບັນດາການເຄື່ອນໄຫວແນະນຳວັດທະນະທຳ, ສິລະປະ, ດົນຕີພື້ນເມືອງ, ມວຍພື້ນເມືອງ ແລະ ຊຸກຍູ້ການທ່ອງທ່ຽວ, ສະແດງບັນດາຜະລິດຕະພັນຫັດຖະກຳ ແລະ ແນະນຳອາຫານຂອງບັນດາເຜົ່າ.
ການທູດວັດທະນະທຳ ບໍ່ພຽງແຕ່ໄດ້ຮັບການປະຕິບັດໂດຍບັນດາອົງການຜູ້ຕາງໜ້າຫວຽດນາມ ຢູ່ ຝະລັ່ງ ເທົ່ານັ້ນ, ຫາກຍັງໄດ້ຮັບການປະຕິບັດໂດຍປະຊາຊົນຫວຽດນາມ ຢູ່ຝະລັ່ງ. ດ້ວຍຄວາມຮັກແພງ, ພາກພູມໃຈ ແລະ ຕິດພັນກັນຕໍ່ບ້ານເກີດເມືອງນອນ, ຫຼາຍພາກສ່ວນ ແລະ ສະມາຄົມຊາວຫວຽດນາມ ຢູ່ທີ່ນີ້ ໄດ້ຈັດຕັ້ງບັນດາການເຄື່ອນໄຫວວັດທະນະທໍາ, ສາມັກຄີ, ລະດົມການເຂົ້າຮ່ວມຂອງບັນດາປະຊາຊົນ ແລະ ໝູ່ເພື່ອນຊາວຝະລັ່ງ ເປັນຈໍານວນຫຼວງຫຼາຍ.
ໂດຍແບ່ງປັນກັບສຳນັກຂ່າວສານ ຫວຽດນາມ ປະຈຳ ຝະລັ່ງ, ທ່ານ ເອກອັກຄະລັດຖະທູດ ດິງຕ່ວານທັງ ໃຫ້ຮູ້ວ່າ ເພື່ອບັນລຸໄດ້ໝາກຜົນດັ່ງກ່າວ, ນອກຈາກການປະດິດສ້າງບັນດາວິທີການທີ່ຫຼາກຫຼາຍຢ່າງອຸດົມສົມບູນຂອງສະຖານທູດ, ສູນວັດທະນະທຳ ແລະ ບັນດາອົງການ, ຜູ້ຕາງໜ້າ ຫວຽດນາມ ປະຈຳ ຝະລັ່ງ, ຕ້ອງເວົ້າເຖິງການເຄື່ອນໄຫວຂອງປະຊາຄົມຊາວຫວຽດນາມຢູ່ທີ່ນີ້ ໃນການກໍ່ສ້າງຂົວຕໍ່ເຜີຍແຜ່ວັດທະນະທຳຫວຽດນາມໃຫ້ແກ່ເພື່ອນມິດຝລັ່ງ, ຮີດຄອງປະເພນີອັນຍາວນານ ໃນການພົວພັນຫວຽດນາມ - ຝະລັ່ງ ມີລັກສະນະຄ້າຍຄືກັນຫຼາຍຢ່າງ, ກໍ່ຄືບັນດາເອກະລັກສະເພາະຂອງຝະລັ່ງ ແລະ ປະຊາຊົນຝະລັ່ງ ຍາມໃດກໍ່ເຄົາລົບ ແລະ ຍົກສູງວັດທະນະທໍາ ແລະ ຊົມຊອບຄົ້ນຫາພື້ນຖານວັດທະນະທໍາໂລກ.
ເຖິງຢ່າງໃດກໍຕາມ, ທ່ານເອກອັກຄະລັດຖະທູດ ຫວຽດນາມ ປະຈຳ ຝະລັ່ງ ກໍ່ຖືວ່າ: ນອກຈາກບັນດາທ່າໄດ້ປຽບທີ່ກ່າວມານັ້ນ, ຍັງມີຄວາມຫຍຸ້ງຍາກຫຼາຍຢ່າງທີ່ຕ້ອງຜ່ານຜ່າ. “ຝຣັ່ງເປັນບ່ອນສ້າງວັດທະນະທຳຂອງໂລກ, ສະນັ້ນ ການຮັກສາຄວາມດຶງດູດ ໃນໄລຍະຍາວ ແມ່ນສິ່ງທ້າທາຍໃຫຍ່. ດັ່ງນັ້ນ, ຕ້ອງມີການປະດິດສ້າງ, ສ້າງວິທີປະຕິບັດ, ຜະລິດຕະພັນວັດທະນະທຳ, ຍົກສູງຄຸນນະພາບຜະລິດຕະພັນ ແລະ ການບໍລິການ ເພື່ອຮັກສາມະຫາຊົນ, ຕອບສະໜອງຄວາມຮຽກຮ້ອງຕ້ອງການ ແລະ ຄວາມນິຍົມທີ່ມີການປ່ຽນແປງຢ່າງບໍ່ຢຸດຢັ້ງ.
 |
ນັກທ່ອງທ່ຽວໄປຢ້ຽມຊົມງານວາງສະແດງຮູບແຕ້ມຢູ່ນະຄອນ Nice. ພາບ: TTXVN |
ກໍ່ຕ້ອງມີການປູກຈິດສໍານຶກ ແລະ ກໍານົດຢ່າງຈະແຈ້ງກ່ຽວກັບສອງກຸ່ມເປົ້າໝາຍມະຫາຊົນຝຣັ່ງ ແລະ ຊຸມຊົນຊາວຫວຽດນາມຢູ່ຕ່າງປະເທດ ເພື່ອອອກແບບຜະລິດຕະພັນໃຫ້ເໝາະສົມກັບຄວາມນິຍົມ. ປະຈຸບັນ, ພວກເຮົາຍັງເອົາໃຈໃສ່ເຖິງວັດທະນະທຳພື້ນເມືອງຫຼາຍເກີນໄປ, ຕ້ອງເພີ່ມເຕີມສິ່ງໃໝ່, ຕອບສະໜອງຜູ້ທີ່ຮັບຊົມວັດທະນະທຳສິລະປະທັນສະໄໝ ຫຼື ຄວາມນິຍົມຂອງໄວໜຸ່ມ, ເພື່ອສາມາດຄົ້ນຫາຄວາມສາມາດບົ່ມຊ້ອນດ້ານການປະດິດສ້າງຢ່າງຄົບຊຸດ.
ທ່ານ ຫງວຽນຊວນດົງ, ຜູ້ອຳນວຍການສູນວັດທະນະທຳຫວຽດນາມ ປະຈຳຝະລັ່ງ ໄດ້ແບ່ງປັນວ່າ: “ການພົວພັນລະຫວ່າງຫວຽດນາມ ແລະ ຝລັ່ງ ນັບມື້ນັບພັດທະນາຢ່າງຮອບດ້ານໃນຫລາຍດ້ານ, ໃນນັ້ນມີຂົງເຂດວັດທະນະທຳ, ກິລາ ແລະ ທ່ອງທ່ຽວ. ນີ້ແມ່ນເງື່ອນໄຂສະດວກເພື່ອຊຸກຍູ້ບັນດາການເຄື່ອນໄຫວການທູດວັດທະນະທຳໃນໄລຍະຈະມາເຖິງ, ຄຽງຄູ່ກັບການມີສຳນັກງານໃຫຍ່ທີ່ກວ້າງຂວາງ ແລະ ມີປະສິດທິຜົນຢ່າງຄົບຖ້ວນຂອງສະຖາບັນວັດທະນະທຳຢູ່ຕ່າງປະເທດ ຈະແມ່ນເງື່ອນໄຂສະດວກ ເພື່ອຜັນຂະຫຍາຍ ແລະ ເພີ່ມທະວີບັນດາການເຄື່ອນໄຫວໂຄສະນາວັດທະນະທຳຢູ່ຝະລັ່ງ”.
ຄາດວ່າໃນປີ 2023 ຈະແມ່ນປີທີ່ໜ້າຕື່ນເຕັ້ນເປັນພິເສດ ດ້ວຍບັນດາການເຄື່ອນໄຫວສະເຫຼີມສະຫຼອງ, ເຄື່ອນໄຫວແລກປ່ຽນວັດທະນະທຳ ເພື່ອສະເຫຼີມສະຫຼອງ 50 ປີແຫ່ງວັນສັນຍາປາຣີ ມຸ່ງໄປເຖິງຄວາມສັນຕິພາບ ແລະ ເອກະລາດແຫ່ງຊາດຫວຽດນາມ, 50 ປີແຫ່ງວັນສ້າງສາຍພົວພັນທາງການທູດ ແລະ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ ຫວຽດນາມ - ຝລັ່ງ.
 |
ທ່ານເອກອັກຄະລັດຖະທູດ ໄດ້ແນະນຳປະເພນີຈັດຕັ້ງຖາດໝາກໄມ້ 5 ປະເພດ. ພາບ: TTXVN |
ບົນຈິດໃຈນັ້ນ ກໍ່ໄດ້ວາງແຜນການເຄື່ອນໄຫວຫຼາຍຢ່າງ, ໃນນັ້ນມີບັນດາລາຍການແລກປ່ຽນວັດທະນະທຳ, ອາຫານ, ແຟຊັນ, ທ່ອງທ່ຽວ ເຊິ່ງໄດ້ປະຕິບັດແຕ່ຕົ້ນປີ ຄື: ການສະແດງ Ao Dai, ແນະນຳເຄື່ອງດົນຕີຂອງບັນດາຊົນເຜົ່າ, ວາງສະແດງບັນດາຮູບແຕ້ມບູຊາເສັ່ນໄຫວ້ຂອງຊົນເຜົ່າຢາວ, ຕິດປ້າຍເພື່ອສະເຫຼີມສະຫຼອງວັນຄ້າຍວັນເກີດຂອງ Alexandre de Rhodes - ຜູ້ສ້າງຕົວໜັງສື; ໂຄສະນາ ແລະ ແນະນຳວັດທະນະທຳ - ທ່ອງທ່ຽວ ແລະ ການຄ້າຫວຽດນາມ ຢູ່ 2 ງານວາງສະແດງສາກົນ ປາຣີ (ເມສາ 2023) ແລະ Marseille (ກັນຍາ 2023); ສົມທົບກັບອຳນາດການປົກຄອງນະຄອນ ເພື່ອຈັດຕັ້ງບັນດາເຫດການແນະນຳວັດທະນະທຳ ແລະ ໂຄສະນາການທ່ອງທ່ຽວຫວຽດນາມ; ຮັກສາການເຂົ້າຮ່ວມໃນບັນດາເຫດການ ຄື: ງານບຸນກົງສຸນຢູ່ Lyon, Festival Ici ຫວຽດນາມ ຢູ່ເມືອງ 5 Paris, ສະມາຄົມຂ່າວມະນຸດສະທຳ.
ບັນດາງານບຸນປະເພນີເຊັ່ນ: ວັນບຸນປະຊາຄົມ, ວັນຊາດ, ບຸນໄຫວ້ພະຈັນ ກໍ່ໄດ້ຈັດຂຶ້ນໃນຂອບຂະໜາດໃຫຍ່. ນອກຈາກນັ້ນ, ສະຖານທູດ ຫວຽດນາມ ປະຈຳ ຝະລັ່ງ ຍັງຈະໜູນຊ່ວຍບັນດາສະມາຄົມ ຫວຽດນາມ ຈັດຕັ້ງບັນດາການເຄື່ອນໄຫວເນື່ອງໃນໂອກາດວັນບຸນ, ບຸນປະເພນີ ແລະ ບຸນໄຫວ້ພະຈັນ ບໍ່ພຽງແຕ່ຢູ່ ປາຣີ ເທົ່ານັ້ນ ຫາກຍັງຢູ່ບັນດາທ້ອງຖິ່ນຂອງ ຝະລັ່ງ ນຳອີກ.
ການຈັດຕັ້ງປະຕິບັດສິດສອນພາສາຫວຽດນາມ ຢູ່ ຝລັ່ງ ໄດ້ຮັບຄວາມເອົາໃຈໃສ່ເປັນພິເສດ ພ້ອມກັບການຈັດຕັ້ງບັນດາລາຍການດົນຕີຊົນເຜົ່າ ແລະ ສິລະປະຍຸດທະສາດຊົນເຜົ່າໃຫ້ແກ່ລູກຫຼານຂອງຊຸມຊົນຊາວ ຫວຽດນາມ, ເພື່ອນມິດຊາວຝະລັ່ງ ທີ່ຮັກແພງຫວຽດນາມ, ຈາກນັ້ນ ກໍ່ໄດ້ເປັນແປ້ນຢັນ ເພື່ອແຜ່ຂະຫຍາຍອອກສູ່ທ້ອງຖິ່ນອື່ນໆໃນປະເທດຝຣັ່ງ.
ຄຳຮຸ່ງ
