| ແງ່ຫວັງພົ້ນເດັ່ນໃນການຮ່ວມມືດ້ານທ່ອງທ່ຽວລະຫວ່າງຫວຽດນາມ ແລະ ອິນເດຍ | |
| ຍົກລະດັບການພົວພັນຮ່ວມມືລະຫວ່າງແຂວງ ເງະອານ ແລະ ສິງກະໂປ |
 |
| ທ່ານ ຫງວຽນວັນເນັນ, ກຳມະການກົມການເມືອງ, ເລຂາຄະນະພັກນະຄອນ ໂຮ່ຈີມິນ ໂອ້ລົມທາງໂທລະດັບກັບເຈົ້າຄອງນະຄອນຫຼວງ ພະນົມເປັນ Khuong Sreng |
ໃນການໂອ້ລົມສົນທະນາ, ການນຳນະຄອນຫຼວງພະນົມເປັນ ແລະ ນະຄອນໂຮ່ຈີມິນໄດ້ຫວນຄືນມູນເຊື້ອປະຫວັດສາດ, ນ້ຳໃຈສາມັກຄີສະໜິດຕິດແທດ, ຊ່ວຍເຫຼືອເຊິ່ງກັນແລະກັນຂອງສອງປະເທດ, ສອງຊາດເພື່ອມີໄດ້ສັນຕິພາບ, ສະຖຽນລະພາບ, ການພັດທະນາຄືໃນປັດຈຸບັນ.
ການນຳສອງຝ່າຍກໍ່ສະແດງຄວາມຫວັງວ່າ ສອງນະຄອນຈະສືບຕໍ່ເພີ່ມທະວີການປັບປຸງ, ຮັດແໜ້ານການພົວພັນຮ່ວມມືອັນດີງາມລະຫວ່າງນະຄອນຫຼວງພະນົມເປັນ ແລະ ນະຄອນໂຮ່ຈີມິນ. ຜ່ານນັ້ນ, ກໍຢັ້ງຢືນນ້ຳໃຈ ແລະ ຄວາມຕັດສິນໃຈໃນການຮັດແໜ້ນການພົວພັນມິດຕະພາບ ແລະ ການຮ່ວມມືກັບ ກຳປູເຈຍ ໃຫ້ຫຼາຍກ່ວາອີກ, ພິເສດແມ່ນກັບນະຄອນຫຼວງພະນົມເປັນ.
ໃນນັ້ນ ທ່ານ Khuong Sreng ເຊື່ອໝັ້ນວ່າ ຜ່ານການໂອ້ລົມສົນທະນາຄັ້ງນີ້ ຈະປະກອບສ່ວນຍົກສູງການພົວພັນອັນດີງາມລະຫວ່າງອົງຄະນະພັກ, ອຳນາດການປົກຄອງ ແລະ ປະຊາຊົນສອງນະຄອນ. ນີ້ກໍ່ແມ່ນໂອກາດເພື່ອໂຄສະນາເຜີຍແຜ່, ສຶກສາໃຫ້ຄົນລຸ້ນຫຼັງ ເພື່ອຊອກຮູ້ລະອຽດກ່ວາກ່ຽວກັບມູນເຊື້ອທີ່ສະໜິດຕິດພັນອັນດີງາມລະຫວ່າງສອງຊາດ, ສອງປະເທດ. ສຳລັບບັນຫານີ້, ທ່ານ ຫງວຽນວັນເນັນ ໄດ້ເຫັນດີເປັນເອກະພາບ ແລະ ເນັ້ນໜັກເຖິງການເຕີບໂຕການຮ່ວມມືເພື່ອສຶກສາມູນເຊື້ອຄົນລຸ້ນໜຸ່ມສອງປະເທດ, ເຂົ້າໃຈເຊິ່ງກັນແລະກັນກ່ວາ, ເຂົ້າໃຈກ່ຽວກັບປະຫວັດສາດ, ຄຸນຄ່າຂອງຊຸມປີໃນໄລຍະປະສົບກັບຄວາມຫຍຸ້ງຍາກ ເພື່ອສືບຕໍ່ມີຄວາມຮັບຜິດຊອບໃນການຮັກສາ ແລະ ເພີ່ມພູນຄູນສ້າງການພົວພັນສອງປະເທດ, ສອງທ້ອງຖິ່ນ ເພື່ອໃຫ້ພັດທະນານັບມື້ນັບດີກ່ວາເກົ່າ.
ໃນໂອກາດນີ້, ທ່ານເຈົ້າຄອງນະຄອນຫຼວງພະນົມເປັນ ຫວັງວ່າ ສອງນະຄອນຈະສືບຕໍ່ຊຸກຍູ້ການຮ່ວມມືຢ່າງແຮງ ໃນຂົງເຂດສາທາລະນະສຸກ, ພິເສດແມ່ນເປີດກວ້າງ, ຍົກຈຳນວນຕຽງນອນຢູ່ໂຮງໝໍ ເຈີະໄຣ - ພະນົມເປັນ ຫຼາຍກ່ວາອີກເພື່ອຕອບສະໜອງຄວາມຕ້ອງການປິ່ນປົວພະຍາດ, ເບິ່ງແຍງດູແລສຸຂະພາບໃຫ້ແກ່ປະຊາຊົນກຳປູເຈຍ.
ໂດຍແລກປ່ຽນຄືນໃໝ່, ສະຫາຍ ຫງວຽນວັນເນັນ ແຈ້ງໃຫ້ຊາບວ່າ ພາຍຫຼັງເຂົ້າຮ່ວມການເຄື່ອນໄຫວມາເປັນເວລາ 8 ປີ, ໂຮງໝໍເຈີະໄຣ ພະນົມເປັນ ນັບມື້ນັບໄດ້ນັບຄວາມໄວ້ເນື້ອເຊື່ອໃຈຈາກປະຊາຊົນກຳປູເຈຍ ມາກວດປິ່ນປົວພະຍາດ ນັບມື້ນັບສູງກ່ວາ. ເພື່ອຮັບໃຊ້ໃຫ້ແກ່ປະຊາຊົນດີກ່ວາ, ໂຮງໝໍຄວນສືບຕໍ່ລົງທຶນ, ເປີດກວ້າງຂອບຂະໜາດການພັດະທນາ, ໃນໄລຍະຈະມາເຖິງ, ທ່ານເລຂາຄະນະພັກນະຄອນໂຮ່ຈີມິນ ຫງວຽນວັນເນັນ ເຊື່ອໝັ້ນວ່າ ສອງນະຄອນຈະສືບຕໍ່ເອົາໃຈໃສ່ກ່ຽວກັບກົນໄກ, ເງື່ອນໄຂເພື່ອຜັນຂະຫຍາຍບັນດາບາດກ້າວຕໍ່ໄປຢ່າງສະດວກໃນນັ້ນສຳຄັນທີ່ສຸດແມ່ນບຳລຸງສ້າງທ່ານໝໍ, ພະນັກງານການແພດ ເພື່ອຕອບສະໜອງຄວາມຕ້ອງການທີ່ນັບມື້ນັບສູງຂຶ້ນຂອງປະຊາຊົນ.
ບຸນຄົງ
