| ຫວຽດນາມ ແລະ ອີຢູ ຊອກຮູ້ກາລະໂອກາດຮ່ວມມືດ້ານປ້ອງກັນຊາດໃນອະນາຄົດ | |
| ກອງປະຊຸມຄັ້ງທີ 2 ຂອງຄະນະກຳມະການຮ່ວມ ອີຢູ - ຫວຽດນາມ |
ເຫດການນີ້ ໄດ້ດຳເນີນຢູ່ນອກກອງປະຊຸມ ສະເຫຼີມສະຫຼອງ 45 ປີແຫ່ງວັນການພົວພັນອາຊຽນ - ອີຢູ, ເພື່ອສະໜັບສະໜູນ ແລະ ຍົກສູງປະສິດທິຜົນຂອງການປະຕິບັດອະນຸສັນຍາທີ 2 ກ່ຽວກັບການຊ່ວຍເຫຼືອດ້ານບໍລິຫານເຊິ່ງກັນ ແລະ ກັນ ໃນຂົງເຂດພາສີຂອງສັນຍາການຄ້າເສລີ ຫວຽດນາມ - ອີຢູ. ສັນຍາການຄ້າ (EVFTA) ດ້ວຍບັນດາເນື້ອໃນພື້ນຖານຂອງການຮ່ວມມື ແມ່ນການຊ່ວຍເຫຼືອດ້ານບໍລິຫານ ແລະ ແບ່ງປັນຂໍ້ມູນຂ່າວສານເພື່ອສະກັດກັ້ນການຄ້າເຖື່ອນ, ການສໍ້ໂກງການຄ້າ, ການໜີພາສີ.
 |
| ຫວຽດນາມ ແລະ ອີຢູ ເພີ່ມທະວີການຮ່ວມມືດ້ານພາສີ. (ພາບ: nhandan) |
ສັນຍາທີ່ໄດ້ຮັບການລົງນາມ ແມ່ນການສະໜັບສະໜູນດ້ານບໍລິຫານກ່ຽວກັບພາສີ, ເຊິ່ງກິດຈະກຳການຮ່ວມມືຈຸດສຸມ ປະກອບມີການແລກປ່ຽນສື່ສານ ການສືບຂ່າວ, ຊ່ວຍເຫຼືອໃນການຢັ້ງຢືນກວດສອບ ບັັນດາເປົ້າໝາຍທີ່ກ່ຽວຂ້ອງກັບການຄ້າຢາສູບ ທີ່ບໍ່ຖືກຕ້ອງຕາມກົດໝາຍ, ການປອມແປງ ແລະ ການສໍ້ໂກງແຫຼ່ງກຳເນີດ, ມູນຄ່າພາສີ, ການປ່ຽນລາຄາ, ການຂົນສົ່ງສິ່ງເສດເຫຼືອຜິດກົດໝາຍ ແລະ ການຄ້າສັດປ່າທີ່ໃກ້ຈະສູນພັນ (CITES).
ນອກຈາກນັ້ນ, ໃນຂໍ້ຕົກລົງ, ອົງການຕ້ານການສໍ້ໂກງຂອງເອີຣົບ (OLAF) ກໍ່ໃຫ້ຄຳໝັ້ນສັນຍາໜູນຊ່ວຍການບຳລຸງສ້າງກຳລັງຄວາມສາມາດ ແລະ ແບ່ງປັນປະສົບການໃຫ້ແກ່ພະນັກງານພາສີຫວຽດນາມ.
ສິ່ງທີ່ສຳຄັນກວ່ານັ້ນ, ການຈັດຕັ້ງປະຕິບັດຂໍ້ຕົກລົງ ຈະຊ່ວຍຍົກສູງການປະຕິບັດຕາມກົດໝາຍຂອງວິສາຫະກິດ, ພ້ອມກັນນັ້ນ ກໍ່ສ້າງສະພາບແວດລ້ອມທີ່ສະດວກ, ໝັ້ນຄົງ ແລະ ປອດໄພໃຫ້ແກ່ການເຄື່ອນໄຫວການຄ້າ, ປະກອບສ່ວນເພີ່ມທະວີວົງເງິນການນຳເຂົ້າ-ສົ່ງອອກລະຫວ່າງ ຫວຽດນາມ ແລະ ອີຢູ, ພ້ອມທັງດຶງດູດການລົງທຶນເຂົ້າຫວຽດນາມ ແລະ ປະກອບສ່ວນປະຕິບັດຄຳໝັ້ນສັນຍາຂອງຫວຽດນາມ ໃຫ້ບັນລຸເປົ້າໝາຍ “ພາສີສີຂຽວ” ຕາມການແນະນຳຂອງອົງການພາສີໂລກ (WCO).
ຄຳຮຸ່ງ
