| ຊາວຫວຽດນາມ ອາໄສຢູ່ຕ່າງປະເທດ ເຄົາລົບຕໍ່ການຮ່ວມເດີນທາງ ແລະ ການໜູນຊ່ວຍຂອງ VUFO | |
| ສ້າງຕັ້ງຄະນະຊີ້ນຳກ່ຽວກັບວຽກງານປົກປ້ອງພົນລະເມືອງຫວຽດນາມ ຢູ່ຕ່າງປະເທດ |
 |
| ທ່ານນາງ ດິງທິເຟືອງຖ໋າວ, ຮອງຫົວໜ້າຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນໂຮ່ຈີມິນ ມອບ ຂອງຂວັນໃຫ້ແກ່ທ່ານ ຮອງປະທານສະຫະພັນບັນດາອົງການຈັດຕັ້ງມິດຕະພາບແຂວງ ອານຢາງ ເລແທັງເລິບ |
ຫວ່າງແລ້ວນີ້, ທ່ານນາງ ດິງທິເຟືອງຖ໋າວ, ຮອງຫົວໜ້າຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນໂຮ່ຈີມິນ ໄດ້ມີການເຮັດວຽກກັບບັນດາຮອງປະທານສະຫະພັນບັນດາອົງການຈັດຕັ້ງມິດຕະພາບແຂວງ ອານຢາງ ເລແທັງເລິບ ແລະ ທ່ານ ດັ້ງເວັນເນນ.
ທີ່ການເຮັດວຽກ, ທ່ານເລແທັງເລິບ, ຮອງປະທານສະຫະພັນບັນດາອົງການຈັດຕັ້ງມິດຕະພາບ ແຂວງອານຢາງ ໄດ້ສະເໜີໃຫ້ຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດນະຄອນໂຮ່ຈີມິນ ໜູນຊ່ວຍການເຊື່ອມຕໍ່ຊາວຫວຽດນາມ ອາໄສຢູ່ຕ່າງປະເທດ ຊ່ວຍແຂວງຈັດຕັ້ງກອງປະຊຸມສົ່ງເສີມການລົງທຶນມຸ່ງໄປເຖິງຊາວຫວຽດນາມ ອາໄສຢູ່ຕ່າງປະເທດໃນໄລໄຍະຈະມາເຖິງ, ການເຊັນບົດບັນທຶກກ່ຽວກັບການປະສານສົມທົບວຽກງານກ່ຽວກັບຊາວຫວຽດນາມ ອາໄສຢູ່ຕ່າງປະເທດລະຫວ່າງສອງຫົວໜ່ວຍ.
ທ່ານ ເລິບ ໃຫ້ຮູ້ວ່າ ທ່າແຮງຂອງອານຢາງ ແມ່ນກ່ຽວກັບກະສິກຳ ແລະ ການທ່ອງທ່ຽວດ້ານວັດທະນະທຳສັກກະລະບູຊາ. ທາງແຂວງອານຢາງ ປັດຈຸບັນມີບັນຊີລາຍຊື່ບັນດາໂຄງການຮຽກຮ້ອງ ແລະ ສົ່ງເສີມການລົງທຶນຢາກແນະນຳ ແລະ ດຶງດູດບັນດານັກລົງທຶນ, ພິເສດແມ່ນຊາວຫວຽດນາມ ອາໄສຢູ່ຕ່າງປະເທດ.
ກ່າວຄຳເຫັນທີ່ການເຮັດວຽກ, ທ່ານນາງ ດັ້ງທິເຟືອງຖ໋າວ ໃຫ້ຮູ້ວ່າ: ການເຊື່ອມຕໍ່ຊາວຫວຽດນາມ ອາໄສຢູ່ຕ່າງປະເທດບັນດາທ້ອງຖິ່ນ ເພື່ອສົ່ງເສີມການລົງທຶນ ແລະ ປະຕິບັດວຽກງານສັງຄົມແມ່ນທ່າແຮງຂອງຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນໂຮ່ຈີມິນ. ປັດຈຸບັນ, ຄະນະກຳມະການ ກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນໂຮ່ຈີມິນ ໄດ້ເຊັນບົດບັນທຶກຊ່ຽວຈຳກ່ຽວກັບວຽກງານຊາວຫວຽດນາມ ອາໄສຢູ່ຕ່າງປະເທດ ກັບຫຼາຍທ້ອງຖິ່ນຄື: ຕຽນຢາງ, ເບັ້ນແຈ, ດົ່ງທາບ, ດົ່ງນາຍ, ດ່ານັ້ງ… ສະເພາະແຂວງອານຢາງ, ຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນໂຮ່ຈີມິນໄດ້ຈັດຕັ້ງໃຫ້ຄະນະນັກທຸລະກິດ ຊາວຫວຽດນາມ ອາໄສຢູ່ຕ່າງປະເທດ ມາເຮັດວຽກັບການນຳແຂວງ ອານຢາງເພື່ອສົ່ງເສີມການລົງທຶນ ແລະ ລະດົມການປະກອບສ່ວນຂອງຊາວຫວຽດນາມ ອາໄສຢູ່ຕ່າງປະເທດ ໃນປີ 2019, ເຊື່ອໝັ້ນວ່າ ໃນໄລຍະຈະມາເຖິງ ສອງຫົວໜ່ວຍຈະສືບຕໍ່ສົມທົບກັນເພື່ອປະຕິບັດວຽກງານກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໃຫ້ດີກ່ວາອີກ.
ໃນຂອບເຂດການເຮັດວຽກ, ການນຳສອງຫົວໜ່ວຍກໍ່ແບ່ງປັນ ແລະ ແຈ້ງໃຫ້ກັນຊາບກ່ຽວກັບບາງຂໍ້ມູນ ແລະ ບົດຮຽນປະສົບການວຽກງານກ່ຽວກັບຊາວຫວຽດນາມ ອາໄສຢູ່ຕ່າງປະເທດ.
ບຸນຄົງ
