| ຊຸກຍູ້ການເພີ່ມທະວີການເຊື່ອມຕໍ່ລະຫວ່າງສະພາແຫ່ງຊາດ ຫວຽດນາມ ກັບບັນດາການເຄື່ອນໄຫວຂອງ ສປຊ | |
| ຫວຽດນາມ-ອົດສະຕາລີ ຊຸກຍູ້ການຮ່ວມມືໃນຂົງເຂດຊາວເຜົ່າສ່ວນນ້ອຍ ແລະ ທ້ອງຖິ່ນ |
ໂດຍຕາງໜ້າອຳນາດການປົກຄອງທ້ອງຖິ່ນ, ທ່ານປະທານ FUNDECEM Enrique Plata Ramírez ໃຫ້ຮູ້ວ່າ ບົນພື້ນຖານນຳໃຈມິດຕະພາບຖານອ້າຍນ້ອງອັນດີງາມລະຫວ່າງ ເວເນຊູເອລາ ແລະ ຫວຽດນາມ, ການສ້າງຕັ້ງສະມາຄົມເພື່ອນມິດຫວຽດນາມ ຢູ່ Merida ແມ່ນຂີດໝາຍສຳຄັນເພື່ອສ້າງຂົວເຊື່ອມຕໍ່ເພື່ອແນໃສ່ຊຸກຍູ້ການຮ່ວມມືໃນຫຼາຍດ້ານລະຫວ່າງ ລັດ Merida ແລະ ຫວຽດນາມ ໃນບັນດາຂົງເຂດຄື: ການເມືອງ, ເສດຖະກິດ, ການຄ້າ, ວັດທະນະທຳ - ສັງຄົມ, ການທ່ອງທ່ຽວ, ການພົບປະແລກປ່ຽນປະຊາຊົນ…
ທ່ານ Ramírez ໃຫ້ຮູ້ວ່າ ສະມາຄົມເພື່ອນມິດ ຫວຽດນາມ ຢູ່ Merida ແມ່ນກຸ່ມເຕົ້າໂຮມບັນດາສະມາຊິກທີ່ເຄື່ອນໄຫວໃນຫຼາຍຂົງເຂດຕ່າງກັນ, ນັບແຕ່ອົງການປົກຄອງລັດ, ບັນດາວິສາຫະກິດ, ນັກວັດທະນະທຳ, ນັກຮຽນຮູ້, ສາດສະດາຈານມະຫາວິທະຍາໄລ ແລະ ບັນດາຜູ້ທີ່ມີອິດທິພົນຊື່ສຽງ ໃນສັງຄົມຢູ່ລັດ Merida. ພິເສດ, ດ້ວຍການຄ້າຍຄືກັນກ່ຽວກັບພູມີສາດ, ອາກາດ, ທິວທັດທຳມະຊາດ ແລະ ປະຊາຊົນລະຫວ່າງສອງທ້ອງຖິ່ນຂອງສອງປະເທດ, ສະມາຄົມກໍ່ສະແດງຄວາມຫວັງຢາກຊຸກຍູ້ການແຮກສ່ຽວລະຫວ່າງລັດ Merida ແລະ ແຂວງລາວກາຍ ຂອງ ຫວຽດນາມ ໃນໄລຍະຈະມາເຖິງ.
 |
| ທ່ານເອກອັກຄະລັດຖະທູດ ເລວຽດຢວຽນ ກ່າວຄຳເຫັນທີ່ການເຮັດວຽກ |
ກ່າວຄຳເຫັນທີພິທີເປີດຕົວ, ທ່ານ Joel Cuevas - ປະທານທຳອິດຂອງ ສະມາຄົມເພື່ອນມິດ ຫວຽດນາມ ຢູ່ Merida ໄດ້ສະແດງຄວາມຕື້ນຕັນໃຈ ແລະ ເປັນກຽດເມື່ອໄດ້ຮັບດຳລົງບົດບາດນຳພາຂອງອົງການມິດຕະພາບນີ້ ແລະ ຢັ້ງຢືນວ່າ ສະມາຄົມຈະຊຸກຍູ້ການກໍ່ສ້າງ ແລະ ຕັ້ງໜ້າຜັນຂະຫຍາຍບັນດາໂຄງການໂຄສະນາວັດທະນະທຳ, ປະເທດຊາດ, ຊາວຫວຽດນາມ, ເຊື່ອມຕໍ່ ແລະ ເພີ່ມທະວີກາລະໂອກາດຮ່ວມມືລະຫວ່າງບັນດາວິສາຫະກິດທຳການຜະລິດ, ດຳເນີນທຸລະກິດຢູ່ທ້ອງຖິ່ນ ແລະ ບັນດາວິສາຫະກິດ, ຫົວໜ່ວຍເຊື່ອມຕໍ່ທີ່ຄ້າຍຄືກັນຢູ່ ຫວຽດນາມ.
ທີ່ການພົບປະ, ທ່ານ Alberth Eduardo Candelas Rangel, ຜູ້ອຳນວຍການສະມາຄົມອຸດສາຫະກຳຂະຫນາດນ້ອຍ ແລະ ກາງ ລັດ Merida, ສະມາຊິກຄະນະນຳສະມາຄົມເພື່ອນມິດຫວຽດນາມ ຢູ່ Merida ໃຫ້ຄຳໝັ້ນສັນຍາຈະສົມທົບກັນຢ່າງຕັ້ງໜ້າກັບລັດຖະບານ Merida, ສະຖານທູດຫວຽດນາມ ປະຈຳ ເວເນຊູເອລາ ເພື່ອຜັນຂະຫຍາຍບັນດາການເຄື່ອນໄຫວຂອງສະມາຄົມ, ຊຸກຍູ້ການພັດທະນາສະມາຊິກ, ປະກອບສ່ວນນຳວັດທະນະທຳ ຫວຽດນາມ ເຂົ້າໃກ້ກັບປະຊາຊົນ Merida ແລະ ເພີ່ມທະວີການພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງ ລັດ Merida ແລະ ຫວຽດນາມ.
ສ່ວນທ່ານເອກອັກຄະລັດຖະທູດ ເລວຽດຢວຽນ ໄດ້ຂອບໃຈຜູ້ວ່າການລັດ Merida - ທ່ານ Jehyson Guzmán ທີ່ມີຄວາມສົນໃຈຕໍ່ການຊຸກຍູ້ການພົວພັນລະຫວ່າງລັດ Merida ແລະ ຫວຽດນາມ. ພາຍຫຼັງ 33 ປີແຫ່ງວັນສ້າງຕັ້ງການພົວພັນທາງການທູດ ແລະ 15 ປີແຫ່ງວັນສ້າງຕັ້ງການພົວພັນຄູ່ຮ່ວມມືຮອບດ້ານລະຫວ່າງ 2 ປະເທດ, ການສ້າງຕັ້ງສະມາຄົມມິດຕະພາບ ຫວຽດນາມ ຢູ່ Merida ໄດ້ປະກອບສ່ວນສຳຄັນເຂົ້າໃນການເພີ່ມທະວີ ແລະ ເຮັດໃຫ້ການພົວພັນມິດຕະພາບ ແລະ ຮ່ວມມືຮອບດ້ານລະຫວ່າງ ຫວຽດນາມ ແລະ ເວນາຊູເອລາ ເວົ້າລວມ, ກໍ່ຄືລະຫວ່າງຫວຽດນາມ ແລະລັດ Merida ເວົ້າສະເພາະ ເລິກເຊິ່ງຂຶ້ນຕື່ມ.
ທ່ານເອກອັກຄະລັດຖະທູດ ເລວຽດຢວຽນ ໃຫ້ຮູ້ວ່າ ສະຖານທູດ ຫວຽດນາມ ປະຈຳ ເວນາຊູເອລາ ຈະສົມທົບກັບສະມາຄົມເພື່ອນມິດ ຫວຽດນາມ ຢູ່ Merida ຢ່າງແໜ້ນແຟ້ນ ເພື່ອຊຸກຍູ້ ແລະ ຜັນຂະຫຍາຍບັນດາໂຄງການເຄື່ອນໄຫວຢູ່ທ້ອງຖິ່ນ, ຊຸກຍູ້ການເພີ່ມທະວີການຮ່ວມມືຢ່າງແໜ້ນແຟ້ນ ແລະ ມີປະສິດທິຜົນລະຫວ່າງ ຫວຽດນາມ ແລະ ບັນດາທ້ອງຖິ່ນ ຂອງເວເນຊູເອລາ ໃນໄລຍະຈະມາເຖິງ.
ໃນການຢ້ຽມຢາມ, ທ່ານເອກອັກຄະລັດຖະທູດ ເລວຽນຢວຽນ ໄດ້ມີການເຮັດວຽກກັບອຳນວຍການມະຫາວິທະຍາໄລ Los Andres - ທ່ານສາດສະດາຈານ Mario Bonucci ເພື່ອແລກປ່ຽນກາລະໂອກາດຊຸກຍູ້ການຮ່ວມມືດ້ານການສຶກສາ ແລະ ບຳລຸງສ້າງລະຫວ່າງມະຫາວິທະຍາໄລ Los Andres ແລະ ບັນດາໂຮງຮຽນມະຫາວິທະຍາໄລ ຂອງ ຫວຽດນາມ, ກໍ່ຄືຄວາມສາມາດໃນການຈັດຕັ້ງສັບປະດາວັດທະນະທຳ ຫວຽດນາມ ຢູ່ໂຮງຮຽນໃນໄລຍະຈະມາເຖິງ. ນອນຈາກນັ້ນ, ທ່ານ ເອກອັກຄະລັດຖະທູດ ເລວຽນຢວຽນ ກໍ່ມາຢ້ຽມຢາມ ແລະ ເຮັດວຽກກັບບາງວິສາຫະກິດທຳການຜະລິດຢູ່ທ້ອງຖິ່ນໃນບັນດາຂົງເຂດຄື ຕ່ຳແຜ່ນຕັດຫຍິບ, ເຄື່ອງດື່ມ, ປູກລ້ຽງ ແລະ ປຸງແຕ່ງສິນໃນນ້ຳ.
ບຸນຄົງ
