ມາ​ຫວຽດ​ນາມ, ພວກ​ຂ້າ​ພະ​ເຈົ້າ​ຮູ້​ສຶກ​ຄື​ໄດ້​ກັບ​ບ້ານ​ຂອງ​ຕົນ

17:19 | 23/11/2022

ຍ​ສ​ໝ - ນັ້ນ​ແມ່ນ​ຄຳ​ເຫັນ​ຂອງ​ທ່ານ Fernando Gonzalez Llort ສະ​ມາ​ຊິກ​ສະ​ພາ​ແຫ່ງ​ຊາດ, ນັກ​ວິ​ລະ​ຊົນ ສ.ກຸຍ​ບາ, ປະ​ທານ​ສະ​ຖາ​ບັນ​ກຸຍ​ບາ (ICAP) ຢູ່​ການ​ພົບ​ປະ​ມິດ​ຕະ​ພາບ​ກັບ​ບັນ​ດາ​ສະ​ມາ​ຊິກ​ສະ​ໂມ​ສອນ​ນັກ​ສຶກ​ສາ ຫວຽດ​ນາມ ປະ​ຈຳ ກຸຍ​ບາ ແລະ ສະ​ມາ​ຄົມ​ມູນ​ເຊື້ອ​ເຈື່ອງ​ເຊີນ - ເສັ້ນທາງໂຮ່​ຈີ​ມິນ ຫວຽດ​ນາມ ໃນ​ວັນ​ທີ 20 ພະ​ຈິກ ເນື່ອງ​ໃນ​ໂອ​ກາດ​ຄະ​ນະ​ຜູ້​ແທນ ICAP) ມາ​ຫວຽດ​ນາມ ເຂົ້າ​ຮ່ວມກກອງ​ປະ​ຊຸມ​ໃຫຍ່​ຄັ້ງ​ທີ 22 ສະ​ພາ​ສັນ​ຕິ​ພາບ​ໂລກ

ຄ້າຍ​ພັກ​ແລ້ງ ຫວຽດ​ນາມ ປີ 2022 ຢູ່​ກ໋​ວາງ​ນາມ: ເຊື່ອມ​ຕໍ່​ຊາວ​ຫວຽດ​ນາມ ອາ​ໄສ​ຢູ່​ຕ່າງ​ປະ​ເທດ ​ກັບ​ບ້ານ​ເກີດ​ເມືອງນອນ ຄ້າຍ​ພັກ​ແລ້ງ ຫວຽດ​ນາມ ປີ 2022 ຢູ່​ກ໋​ວາງ​ນາມ: ເຊື່ອມ​ຕໍ່​ຊາວ​ຫວຽດ​ນາມ ອາ​ໄສ​ຢູ່​ຕ່າງ​ປະ​ເທດ ​ກັບ​ບ້ານ​ເກີດ​ເມືອງນອນ
ຄວາມ​ງາມ​ຂອງ​ບັນ​ດາ​ໝູ່​ບ້ານ​ຫາ​ປ່າ​ຢູ່ ຫວຽດ​ນາມ ຄວາມ​ງາມ​ຂອງ​ບັນ​ດາ​ໝູ່​ບ້ານ​ຫາ​ປ່າ​ຢູ່ ຫວຽດ​ນາມ
ມາ​ຫວຽດ​ນາມ, ພວກ​ຂ້າ​ພະ​ເຈົ້າ​ຮູ້​ສຶກ​ຄື​ໄດ້​ກັບ​ບ້ານ​ຂອງ​ຕົນ

ທ່ານ Fernando Gonzalez Llort ສະ​ມາ​ຊິກ​ສະ​ພາ​ແຫ່ງ​ຊາດ, ນັກ​ວິ​ລະ​ຊົນ ສ.ກຸຍ​ບາ, ປະ​ທານ​ສະ​ຖາ​ບັນ​ກຸຍ​ບາ (ICAP)

ຖ່າຍທອດ​​ນ້ຳໃຈມິດຕະພາບແບບພິເສດ, ຄວາມສັດຊື່ບໍລິສຸດ, ໃສແຈ້ງໃຫ້ແກ່ລຸ້ນໜຸ່ມ

ທ່ານ Fernando Gonzalez Llort ໄດ້​ເອີ້ນ ການ​ພົບ​ປະ​ແລກ​ປ່ຽນ​ແມ່ນ​ການ​ພົບ​ປະ​ລະ​ຫວ່າງ​ອ້າຍ​ນ້ອງ ໃນ​ຄອບ​ຄົວ​ດຽວ​ກັນ. ທ່ານ​ຖື​ວ່າ ຕ້ອງ​ຖ່າຍ​ທອດ ແລະ ສຶກ​ສາ​ບັນ​ດາ​ນ້ຳ​ໃຈ​ອັນ​ດີ​ງາມ​ລະ​ຫວ່າງສອງ​ສົນ​ຊາດ​ໃຫ້​ແກ່​ຄົນ​ລຸ້ນ​ອະ​ນາ​ຄົດ.

“ການ​ພົວ​ພັນ​ລະ​ຫວ່າງ ຫວຽດ​ນາມ ແລະ ກຸຍ​ບາ​ແມ່ນ​ການ​ພົວ​ພັນ​ແບບ​ພິ​ເສດ​ຄື​ດັ່ງການ​ນຳ​ສອງ​ພັກ, ສອງ​ລັດ ໄດ້​ຢັ້ງ​ຢືນ. ບັນ​ດາ​ກົນ​ໄກ, ສູນ, ສະ​ໂມ​ສອນ, ສະ​ມາ​ຄົມ​ມິດ​ຕະ​ພາບ ຫວຽດ​ນາມ ແລະ ກຸຍ​ບາ ຄວນ​ມີ​ຄວາມ​ໄຫວ​ພິບ, ຕັ້ງ​ໜ້າ​ກ່​ວາ​ອີກ​ເພື່ອ​ປະ​ກອບ​ສ່ວນ​ຢ່າງ​ແທດ​ຈິງ​ເຂົ້າ​ໃຈ​ນ້ຳ​ໃຈ​ສາ​ມັກ​ຄີ, ມິດ​ຕະ​ພາບ, ການ​ຮ່ວມ​ມື​ລະ​ຫວ່າງ​ສອງ​ປະ​ເທດ​ໃຫ້​ນັບ​ມື້​ນັບ​ຂຶ້ນ​ສູ່​ລະ​ດັບ​ສູງ​ໃໝ່”.

ICAP ກຳ​ນົດ​ໜ້າ​ທີ່​ໃຈ​ກາງ​ແມ່ນ​ຖ່າຍ​ທອດ​ບັນ​ດາໜ້າ​ປະ​ຫວັດ​ສາ​ດແຫ່ງ​ມິດ​ຕະ​ພາບ, ການ​ຮ່ວມ​ມື​ອັນ​ດີ​ງາມ​ນີ້ ໃຫ້​ແກ່​ຄົນ​ລຸ້ນ​ໜຸ່ມ, ເພື່ອ​ໃຫ້​ມັນ​ກາຍ​ເປັນ​ເລື່ອງ​ລາວ​ຂອງ​ລຸ້ນ​ໜຸ່ມ​ໃນ​ປັດ​ຈຸ​ບັນ ແລະ ອະ​ນາ​ຄົດ, ທ່ານ Fernando Gonzalez Llort ກ່າວ.

ສາ​ທາ​ລະ​ນະ​ລັດກຸຍ​ບາ ​ຍາມ​ໃດ​ກໍ່​ຢູ່​ໃນ​ຫົວ​ໃຈ​

ທີ່​ການ​ພົບ​ປະ, ບັນ​ດາ​ຜູ້​ແທນ​ໄດ້​ພ້ອມ​ກັນ​ຫວນ​ຄືນ​ບັນ​ດາ​ຄວາມ​ຊົງ​ຈຳ​ສະ​ໜິດ​ຕິດ​ພັນ​ກັບ​ປະ​ເທດ​ກຸຍ​ບາ, ການ​ພົວ​ພັນ​ສາ​ມັກ​ຄີ, ຖານອ້າຍນ້ອງ​ລະ​ຫວ່າງ ຫວຽດ​ນາມ - ສາ​ທາ​ລະ​ນະ​ລັດກຸຍ​ບາ.

ທ່ານ​ພົນ​ຈັດ​ຕະ​ວາ ຮ່​ວາງ​ແອັງ​ຕວັນ - ຮອງ​ປະ​ທານ​ຜູ້​ປະ​ຈຳ​ການ​ສະ​ມາ​ຄົມ​ມູນ​ເຊື້ອ​ເຈື່ອງ​ເຊີນ - ເສັ້ນທາງ​ໂຮ່​ຈີ​ມິນ ຫວຽດ​ນາມ ໃຫ້​ຮູ້​ວ່າ ໃນ​ໄລ​ຍະ​ປະ​ສົບ​ກັບ​ຄວາມ​ຫຍຸ້ງ​ຍາກ​ທີ່​ສຸດ​ຂອງ​ການ​ຕໍ່​ສູ້​ປົດ​ປ່ອຍ​ຊາດ​ຂອງ​ຫວຽດ​ນາມ, ເຖິງວ່າ​ການ​ດຳ​ລົງ​ຊີ​ວິດ​ຍັງ​ປະ​ສົບ​ກັບ​ຄວາມ​ຫຍຸ້ງ​ຍາກ​ແຕ່​ພັກ, ລັດ ແລະ ປະ​ຊາ​ຊົນ ສາ​ທາ​ລະ​ນະ​ລັດກຸຍ​ບາ ຍາມ​ໃດ​ກໍ່​ສະ​ຫງວນການ​ສະ​ໜັບ​ສະ​ໜູນ​ອັນ​ໃຫຍ່ຫຼວງ​ທີ່​ສຸດ​ກ່ຽວ​ກັບ​ທາງ​ດ້ານ​ວັດ​ຖຸ​ແລະ​ຈິດ​ໃຈ, ທັງ​ກຳ​ລັງ ແລະ ຊັບພະຍາກອນມະ​ນຸດ​ໃຫ້​ແກ່ ຫວຽດ​ນາມ.

ກໍ່ຢ້ຳ​ຄືນ​ຄຳ​ເວົ້າ​ຂອງ​ທ່ານ​ຜູ້​ບັນ​ຊາ​ການ​ໃຫຍ່ Fidel Castro: ເພື່ອ ຫວຽດ​ນາມ, ສາ​ທາ​ລະ​ນະ​ລັດກຸຍ​ບາ​ພ້ອມ​ແລ້ວ​ທີ່​ຈະ​ອຸ​ທິດ​ສ່ວນ​ເລືອດ​ເນື້ອ​ຂອງ​ຕົນ”, ທ່ານ​ພົນ​ຈັດ​ຕະວາ ຮ່​ວາງ​ແອັງ​ຕວັນ ໃຫ້​ຮູ້​ວ່າ: ໃນ​ການ​ຢ້ຽມ​ຢາມ ຫວຽດ​ນາມ ຢ່າງ​ເປັນ​ທາງ​ການ​ຄັ້ງ​ທຳ​ອິດ ໃນ​ເດືອນ​ກັນ​ຍາ ປີ 1973, ໂດຍ​ບໍ່​ຫົວ​ຊາ​ຕໍ່​ສະ​ພາບ​ການທີ່​ອັນ​ຕະ​ລາຍ, ທ່ານ​ປະ​ທານ Fidel Castro ໄດ້​ມາ​ຍັງເຂດ​ປົດ​ປ່ອຍ ກວາງ​ຈີ ແລະ ຢ້ຽມ​ຢາມ​ທະ​ຫານ​ຢູ່​ແນວ​ໜ້າ​ໜູນ​ຊ່ວຍ​ຍຸດ​ທະ​ສາດ ເຈື່ອງ​ເຊີນ - ເສັ້ນທາງ​ໂຮ່​ຈີ​ມິນ. ໂດຍ​ຕາງ​ໜ້າ​ປະ​ຊາ​ຊົນ​ກຸຍ​ບາ, ທ່ານປະ​ທານ Fidel Castro ໄດ້​ມອບ​ 5 ໂຄງ​ການ​ເສດ​ຖະ​ກິດ - ສັງ​ຄົມ​ໃຫ້​ແກ່ ຫວຽດ​ນາມ. ກໍ່​ໃນ​ການ​ຢ້ຽມ​ຢາມ​ຄັ້ງ​ນີ້, ລັດ​ຖະ​ບານ ກຸຍ​ບາ ໄດ້​ຕັດ​ສິນ​ໃຈ​ຈ່າຍ​ເງິນ​ກ່​ວາ 6 ລ້ານ USD ເພື່ອ​ຊື້​ວັດ​ຖຸ​ອຸ​ປະ​ກອນ​ທີ່​ທັນ​ສະ​ໄໝ ແລະ ສົ່ງ​ນັກ​ຊ່ຽວ​ຊານທາງ​ດ້າ​ນ​ຂົວ​ທາງ​ຈຳນວນໜຶ່ງ​ມາ​ຍັງ ຫວຽດ​ນາມ ເຂົ້າ​ຮ່ວມ​ພ້ອມກັບ​ທະ​ຫານ​ເຈື່ອງ​ເຊີນ ເປີດ​ເສັ້ນ​ທາງ​ໂຮ່​ຈີ​ມິນ ເພື່ອ​ໜູນ​ຊ່ວຍ​ກຳ​ລັງ​ຄົນໃຫ້​ແກ່​ສະ​ໜາມ​ຮົບ, ປົດ​ປ່ອຍ​ພາກ​ໃຕ້, ທ້ອນ​ໂຮມ​ປະ​ເທດ​ຊາດ​ເປັນ​ເອ​ກະ​ພາບ.

“ທະ​ຫານ​ເຈື່ອງ​ເຊີ​ນ​ໄດ້ຮັບແນະ​ນຳ​ຢ່າງ​ລະ​ອຽດ, ຖ່າຍ​ທອດ​ເຕັກ​ນິກ​ໃນ​ການ​ກໍ່​ສ້າງ, ປູ​ຖະ​ໜົນ​ຢາງຈາກບັນ​ດາ​ນັກ​ຊ່ຽວ​ຊານ, ນັກ​ເຕັກ​ນິກ, ນາຍ​ຊ່າງ​ທີ່​ມີ​ສີ​ມື​ສູງ. ພວກ​ເພື່ອນ​ກຸຍ​ບາ​ໄດ້​ຮ່ຽງ​ບ່າ​ຮ່ຽງ​ໄຫຼ່​ກັບ​ທະ​ຫານ​ເຈື່ອງ​ເຊີນ​ເພື່ອ​ເປີດ​ເສັ້ນ​ທາງ​ຂົນ​ສົ່ງ​ໃນ​ໄລ​ຍະທີ່ລຳ​ບາກ​ກາກ​ກຳ​ທີ່​ສຸດ, ທ່າມ​ກາງ​ແດດ​ຮ້ອນ, ຝົກ​ປ່າ​ຂອງ​ເຈື່ອງ​ເຊີນ”, ທ່ານ​ພົນ​ຈັດ​ຕະວາ ຮ່​ວາງ​ແອັງ​ຕວັນ​ ເລົ່າ.

ເພື່ອ​ຮັກ​ສາ​ນ້ຳ​ໃຈ​ເພື່ອ​ນ​ມິດ​ຕໍ່​ສູ້ ຫວຽດ​ນາມ - ສາ​ທາ​ລະ​ນະ​ລັດກຸຍ​ບາ ແລະ ຈົດ​ຈຳ​ການ​ສະ​ໜັບ​ສະ​ໜູນ​ທີ່ສຸດ​ຈິດ​ສຸດ​ໃຈ​ຂອງ​ການ​ນຳ Fidel Castro, ລັດ​ຖະ​ບານ ແລະ ປະ​ຊາ​ຊົນ​ກຸຍ​ບາ, ທະ​ຫານ​ເຈື່ອງ​ເຊີນ​ໄດ້​ວາ​ງ​ສີ​ລາ​ລຶກ “ເສັ້ນ​ທາງ​ມິດ​ຕະ​ພາບ ຫວຽດ​ນາມ - ສາ​ທາ​ລະ​ນະ​ລັດກຸຍ​ບາ” ຢູ່​ເສັ້ນ​ທາງ​ແຫ່ງ​ຊາດ ເລກ​ທີ 14 ຂອງ ຫວຽດ​ນາມ.

ກ​ານ​ນຳ​ສະ​ມາ​ຄົມ​ມູນ​ເຊື້ອ​ເຈື່ອງ​ເຊີນ - ເສັ້ນ​ທາງ​ໂຮ່​ຈີ​ມິນ ຫວຽດ​ນາມ ຢັ້ງ​ຢືນ​ວ່າ: ທະ​ຫານ​ເຈື່ອງ​ເຊີນ​ຍາມ​ໃດ​ກໍ່​ຈົດ​ຈຳ, ສະ​ແດງ​ຄວາມຮູ້​ບຸນ​ຄຸນ​ຕໍ່​ການ​ຊ່ວຍ​ເຫຼືອ​ອັນ​ລ້ຳ​ຄ່າ​ຂອງ​ພັກ, ລັດ, ປະ​ຊາ​ຊົນ​ກຸຍ​ບາ, ຈົດ​ຈຳ ແລະ ສະ​ແດງ​ຄວາມ​ຮູ້​ບຸນ​ຄຸນ​ຕໍ່​ສະ​ຫາຍ, ເພື່ອນ​ມິດ​ກຸຍ​ບາ ທີ່ໄດ້​ຮ່ວມ​ດຳ​ລົງ​ຊີ​ວິດ, ຕໍ່​ສູ້​ບົນ​ເສັ້ນ​ທາງ​ເຈື່ອງ​ເຊີນ ແລະ ຍາມ​ພະ​ຍາ​ຍາ​ຈົ​ນ​ສຸດ​ຄວາມ​ສາມ​າ​ດ​ຂອງ​ຕົນ​ເພື່ອ​ເພີ່ມ​ພູນ​ຄູນ​ສ້າງ​ນ້ຳ​ໃຈ​ສາ​ມັກ​ຄີ, ມິດ​ຕະ​ພາບ ລະ​ຫວ່າງ​ປະ​ຊາ​ຊົນ​ສອງ​ປະ​ເທດ.

ທ່ານ​ນາງ ເຈິ່ນ​ທິ​ດົງ, ປະ​ທານ​ສະ​ມາ​ຄົມ​ນັກ​ສຶກ​ສາ ຫວຽດ​ນາມ ຮ່ຳ​ຮຽນ​ຢູ່ ສາ​ທາ​ລະ​ນະ​ລັດ​ກຸຍ​ບາ ໃຫ້​ຮູ້​ວ່າ ນັກ​ສຶ​ກສາ ຫວຽດ​ນາມ ຮ່ຳ​ຮຽນ​ຢູ່​ກຸຍ​ບາ ຍາມ​ໃດ​ກໍ່​ຈົດ​ຈຳ​ນ້ຳ​ໃຈ​ສຸດ​ຈິດ​ສຸດ​ໃຈ​ຂອງ​ປະ​ຊາ​ຊົນ​ກຸຍ​ບາ​ທີ່​ສ​ະ​ຫງວນ​ໃຫ້​ແກ່ຕົນ. ປະ​ເທດ​ກຸຍ​ບາ ​ຍັງ​ມີຄວາມຫຍຸ້ງ​ຍາກ, ປະ​ຊາ​ຊົນ​ຍັງ​ຕ້ອງ​ທົນ​ຄວາມ​ຂາດ​ເຂີນ​ຈາກ​ຜົນ​ທີ່ຕາມ​ມາ​ຂອງ​ສົງ​ຄາມ, ຈາກ​ການ​ຂວໍ້​າ​ບາດ ແຕ່​ເຂົາ​ຍັງ​ຮັກ​ແພງ, ແບ່ງ​ປັນ ກັບ​ບັນ​ດາ​ນັກ​ສຶກ​ສາ ຫວຽດ​ນາມ.

ທຸກ​ປີກໍ່​ຍັງ​ຈັດ​ຕັ້ງ​ການ​ພົບ​ປະ​ເພື່ອ​ຫວນ​ຄືນ​ຄວາມ​ຊົ​ງຈຳ​ໃນໄລຍະທີ່ຮ່ຳ​ຮຽນ​ຢູ່ ສາ​ທາ​ລະ​ນະ​ລັດ​ກຸຍ​ບາ, ບັນ​ດາ​ສະ​ມາ​ຊິກ​ສະ​ໂມ​ສອນ​ກໍ່​ໄດ້​ອັບ​ເດດ​ຂໍ້​ມູນ​, ຕິດ​ຕາມ​ສະ​ພາບ​ການ​ປະ​ເທດ​ກຸຍ​ບາ ເປັ​ນ​ປະ​ຈຳ. ຕໍ່​ໜ້າ​ຄວາມ​ຫຍຸ້ງ​ຍາກ​ຂອງ​ປະ​ຊາ​ຊົນ​ກຸຍ​ບາ, ຫວ່າງ​ມໍ່ໆ​ມາ​ນີ້ ແມ່ນ​ເຫດ​ໄຟ​ໄໝ້ສາງ​ນ້ຳ​ມັນ​ຢູ່ Matanzas, ສະ​ມາ​ຄົນ​ໄດ້​ຈັດຕັ້ງ​ການ​ເຄື່ອນ​ໄຫວ​ມຸ່ງ​ໄປ​ເຖິງ​ກຸຍ​ບາ, ບໍ​ລິ​ຈາກ​ເງິນ​ສະ​ໜັບ​ສະ​ໜູນ, ຊ່ວຍ​ເຫຼືອ​ປະ​ຊາ​ຊົນ​ກຸຍ​ບາ.

ກຸຍ​ບາ​ຍາມ​ໃດ​ກໍ່​ຢູ່​ໃນ​ຫົວ​ໃຈ​ຂອງ​ພວກ​ຂ້າ​ພະ​ເຈົ້າ, ແມ່ນ​ປະ​ເທດ​​ແຫ່ງ​ທີ​ສອງ​ຂອງ​ພວກ​ຂ້າ​ພະ​ເຈົ້າ. ທ່າ​ນ​ນາງ ເຈິ່ນ​ທິ​ດົ່ງ​ ກ່າວ.

ຕ​າມ​ທ່ານ​ ຮສ.ປອ. ຫງວຽນ​ວຽດ​ຖາວ - ຮອງ​ປະ​ທາ​ນ​ຜູ້​ປະ​ຈຳ​ການ​ສະ​ມາ​ຄົມ​ມິ​ດ​ຕະ​ພາບ ຫວຽດ​ນາມ - ສາ​ທາ​ລະ​ນະ​ລັດກຸຍ​ບາ​ແລ້ວ, ສິ່ງ​ທີ່​ປະ​ຊາ​ຊົນ​ຫວຽດ​ນາມ ຮູ້​ສຶກ​ພາກ​ພູມ​ໃຈ​ທີ່​ສຸດ​ເມື່ອ​ເວົ້າ​ເຖິງ​ກຸຍ​ບາ​ແມ່ນ​ໃນ​ຊຸມ​ວັນ​ປະ​ສົບ​ກັ​ບ​ຄ​ວາມ​ຫຍຸ້ງ​ຍາກ, ເຖິງວ່າ​ບໍ່​ມີ​ເງື່ອນ​ໄຂ​ຫຼາຍ​ປານ​ໃດ ແຕ່​ປະ​ຊາ​ຊົນ​ກຸຍ​ບາ​ ຍັງ​ແບ່ງ​ປັນ​ສິ່ງ​ຂອງ​ເລັກໆ​ນ້ອຍໆ​ຂອ​ງ​ຕົນ​ໃຫ້​ແກ່​ບັນ​ດາ​ຊາດ​ໃນ​ໂລກ, ໃນ​ນັ້ນ​ມີ ຫວຽດ​ນາມ. ທ່ານ​ຢັ້ງ​ຢືນ​ວ່າ ໃນ​ຈຸດ​ເວ​ລາ​ປະ​ສົບ​ກັບ​ຄວາມ​ຫຍຸ້ງ​ຍາກ​ທີ່​ສຸດ ຫຼື ໃນ​ຊຸມ​ວັນ​ຍາດ​ໄດ້​ໄຊ​ຊ​ະ​ນະດີງາມ​ທີ່​ສຸດ, ຫວຽດ​ນາມ ຍາມ​ໃດ​ກໍ່​ຢູ່​ຄຽງ​ຂ້າງ​ກຸຍ​ບາ.

ທີ່​ການ​ພົບ​ປະ, ການ​ນຳ​ສະ​ມາ​ຄົມ​ມູນ​ເຊື້ອ​ເຈື່ອງ​ເຊີນ - ເສັ້ນ​ທາງ​ໂຮ່​ຈີ​ມິນ ຫວຽດ​ນາມ ໄດ້​ມອບຫຼຽ​ນ​ໄຊ “ນັກ​ຮົບ​ເຈື່ອງ​ເຊີນ - ເສັ້ນ​ທາງ​ໂຮ່​ຈີ​ມິນ​ ວິ​ລະ​ຊົນ” ໃຫ້​ແກ່​ທ່ານ​ປະ​ທານ ICAP Fernando Gonzalez Llort.

ບຸນ​ຄົງ

ເຫດການ