ນັ້ນແມ່ນເນື້ອໃນທີ່ທ່ານປະທານາທິບໍດີ Benin Patrice Talon ແບ່ງປັນທີ່ພິທີ່ຍື່ນສານຕາຕັ້ງຂອງທ່ານນາງເອກອັກຄະລັດຖະທູດ ດັ້ງທິທູຮ່າ ຫວຽດນາມ ປະຈຳ Morocco ທັງຢູ່ Benin ເຊິ່ງໄດ້ດຳເນີນໃນຕອນເຊົ້າວັນທີ 10 ພະຈິກ.
ທ່ານປະທານາທິບໍດີ Benin ຊົມເຊີຍບັນດາຜົນງານພັດທະນາເສດຖະກິດ - ສັງຄົມຂອງ ຫວຽດນາມ.
ທ່ານປະທານາທິບໍດີ Benin Patrice Talon ໃຫ້ຮູ້ວ່າ: ທ່ານເຄີຍມາຫວຽດນາມ 3 ຄັ້ງ ແລະ ຊົມເຊີຍບັນດາຜົນງານຂອງຫວຽດນາມ ໃນການພັດທະນາເສດຖະກິດ - ສັງຄົມ ແລະ ການເຊື່ອມໂຍງເຂົ້າກັບສາກົນ, ພ້ອມກັນນັ້ນ ກໍປາດຖະໜາຢາກໃຫ້ ຫວຽດນາມ ແບ່ງປັນບົດຮຽນກັບ Benin. ທ່ານປະທານາທິບໍດີ ສະແດງຄວາມຊົມເຊີຍ ແລະ ເຊື່ອໝັ້ນວ່າ ທ່ານນາງເອກອັກຄະລັດຖະທູດ ຈະເປັນຂົວຕໍ່ປະກອບສ່ວນຢ່າງຕັ້ງໜ້າເຂົ້າໃນການປັບປຸງ ແລະ ພັດທະນາການພົວພັນລະຫວ່າງ 2 ປະເທດ ຫວຽດນາມ - Benin ໃຫ້ດີກວ່າອີກ.
ທ່ານນາງເອກອັກຄະລັດຖະທູດ ດັ້ງທິທູຮ່າ ຢືນຢັນວ່າ: ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເພີ່ມທະວີການພົວພັນມິດຕະພາບ ແລະ ການຮ່ວມມືກັບ Benin ໃນທຸກຂົງເຂດ, ພ້ອມກັນນັ້ນ ກໍໃຫ້ຄຳໝັ້ນສັນຍາຈະມານະພະຍາຍາມຈົນສຸດຄວາມສາມາດຂອງຕົນປະກອບສ່ວນພັດທະນາການພົວພັນລະຫວ່າງສອງປະເທດໃຫ້ເຂົ້າສູ່ລວງເລິກ.
ທີ່ການພົບປະພາຍຫຼັງພິທີຍື່ນສານຕາຕັ້ງ, 2 ຝ່າຍໄດ້ປຶກສາຫາລືແລກປ່ຽນບັນດາມາດຕະການສະເພາະເພື່ອຊຸກຍູ້ການຮ່ວມມືໃນໄລຍະຈະມາເຖິງ.
ບູນມີ
