ຫວ່າງແລ້ວນີ້, ຢູ່ນະຄອນບຽນຮວ່າ, ສະຫະພັນບັນດາອົງການຈັດຕັ້ງມິດຕະພາບແຂວງ ດົ່ງນາຍ ໄດ້ຈັດຕັ້ງງານພົບປະແລກປ່ຽນວັດທະນະທຳລະຫວ່າງສະຫະພັນບັນດາອົງການຈັດຕັ້ງມິດຕະພາບພາກຕາເວັນອອກສ່ຽງໃຕ້ (ກຸ່ມ 4) ກັບສະຖານກົງສູນໃຫຍ່ປະເທດຕ່າງໆປະຈຳ ນະຄອນໂຮ່ຈີມິນ.
ລາຍການສະແດງສິລະປະທີ່ງານພົບປະ.
ເຂົ້າຮ່ວມລາຍການມີທ່ານ ຫງວຽນເຊີນຮຸ່ງ ຮອງປະທານຄະນະກຳມະການປະຊາຊົນແຂວງ; ທ່ານ ກາວວັນກວາງ ປະທານຄະນະກຳມະການແນວໂຮມປະເທດຊາດ ຫວຽດນາມ ແຂວງ; ທ່ານນາງ ຫງວຽນທິຮົ່ງຈາງ ຮອງຫົວໜ້າຄະນະໂຄສະນາສຶກສາປະຈຳພັກແຂວງ ແລະ ພ້ອມກັບຫົວໜ້າສະຖານກົງສູນໃຫຍ່ ແລະ ສະຖານກົງສູນບັນດາປະເທດ ກຳປູເຈຍ, ລາວ, ຟີລິບປິນ, ອິນໂດເນເຊຍ, ໄທ ແລະ ຈີນ ປະຈຳ ນະຄອນໂຮ່ຈິມິນ.
ທ່ານ ຫງວຽນເຊີນຮຸ່ງ ຮອງປະທານຄະນະກຳມະການປະຊາຊົນແຂວງ ເນັ້ນໜັກວ່າ: ດົ່ງນາຍ ມີຄວາມພາກພູມໃຈທີ່ສຸດເມື່ອແມ່ນທ້ອງຖິ່ນທຳອິດທີ່ໄດ້ຈັດຕັ້ງງານມະໂຫລານດົນຕີມິດຕະພາບພາກຕາເວັນອອກສ່ຽງໃຕ້ ເປີດກວ້າງ. ຍິ່ງມີຄວາມໝາຍກວ່າອີກເມື່ອນີ້ແມ່ນລາຍການພາກເຂດທຳອິດຂອງແຂວງ ຜັນຂະຫຍາຍຂໍ້ຕົກລົງຂອງນາຍົກລັດຖະມົນຕີ ກ່ຽວກັບຍຸດທະສາດການທູດວັດທະນະທຳ ຮອດປີ 2030 ຂອງແຂວງ.
ລາຍການສະແດງສິລະປະທີ່ງານພົບປະ.
ກໍ່ຕາມທ່ານຮອງປະທານຄະນະກຳມະການປະຊາຊົນແຂວງ ຫງວຽນເຊີນຮຸ່ງ ແລ້ວ, ການພັດທະນາການພົວພັນມິດຕະພາບກັບບັນດາປະເທດໃນໂລກ ຍາມໃດກໍໄດ້ຮັບຄວາມເອົາໃຈໃສ່ຈາກການນຳແຂວງ. ປະຈຸບັນ, ແຂວງດົ່ງນາຍ ໄດ້ສ້າງຕັ້ງ ແລະ ເຊັນບົດບັນທຶກຄວາມເຂົ້າໃຈ 37 ສະບັບກ່ຽວກັບການຮ່ວມມືສາກົນຢູ່ຂັ້ນແຂວງເປັນຄັ້ງທຳອິດ ແລະ ໄດ້ລົງນາມຄືນໃໝ່ 13 ສະບັບກ່ຽວກັບການຮ່ວມມືສາກົນຢູ່ຂັ້ນແຂວງກັບທ້ອງຖິ່ນ ແລະ ຄູ່ຮ່ວມມືຕ່າງປະເທດຂອງ 12 ປະເທດໃນໂລກ. ມີ 42 ປະເທດ ແລະ ເຂດແຄ້ວນລົງທຶນຢູ່ ດົ່ງນາຍ ດ້ວຍ 1.500 ກວ່າໂຄງການ ດ້ວຍຍອດຈຳນວນທຶນກວ່າ 33 ຕື້ USD.
ລາຍການສະແດງສິລະປະທີ່ງານພົບປະ.
ເນື່ອງໃນໂອກາດນີ້, ສະຫະພັນບັນດາອົງການຈັດຕັ້ງມິດຕະພາບບັນດາແຂວງພາກຕາເວັນອອກສ່ຽງໃຕ້ (ກຸ່ມ 4) ໄດ້ສະແດງບັນດາລາຍການທີ່ຄັດເລືອກ ຈາກງານມະໂຫລານດົນຕີມິດຕະພາບພາກຕາເວັນອອກສ່ຽງໃຕ້ ເປີດກວ້າງ (ກຸ່ມ 4) ປີ 2022 ເຊິ່ງດຳເນີນໃນວັນທີ 11 ພະຈິກ. ພ້ອມກັນນັ້ນ, ກໍ່ມອບລາງວັນໃຫ້ບັນດາຫົວໜ່ວຍທີ່ເຂົ້າຮ່ວມງານມະໂຫລານ. ໃນນັ້ນ, ແຂວງ ດົ່ງນາຍ ແລະ ນະຄອນ ໂຮ່ຈີມິນ ໄດ້ຮັບລາງວັນທີ 1; ແຂວງ ບິ່ງເຢືອງ ໄດ້ຮັບລາງວັນທີສອງ; 2 ແຂວງ ເບັນແຈ ແລະ ໄຕນິງ ໄດ້ຮັບລາງວັນທີ 3 ແລະ 2 ແຂວງ ລອງອານ ແລະ ຕຽນຢາງ ໄດ້ຮັບລາງວັນທີ 4.
ຄະນະຈັດຕັ້ງງານມະໂຫລານດົນຕີມິດຕະພາບພາກຕາເວັນອອກສ່ຽງໃຕ້ ເປີດກວ້າງ (ກຸ່ມ 4) ປີ 2022 ໄດ້ມອບລາງວັນທີ 1 ໃຫ້ຫົວໜ່ວຍແຂວງ ດົ່ງນາຍ ແລະ ນະຄອນໂຮ່ຈິມິນ.
ພ້ອມກັນນັ້ນ, ສະຫະພັນບັນດາອົງການຈັດຕັ້ງມິດຕະພາບແຂວງກໍ່ໄດ້ມອບລາງວັນໃຫ້ສະມາຄົມມິດຕະພາບສະມາຊິກທີ່ເຂົ້າຮ່ວມງານມະໂຫລານດົນຕີມິດຕະພາບແຂວງ ດົ່ງນາຍ ປີ 2022, ໃນນັ້ນ, ສະມາຄົມມິດຕະພາບ ຫວຽດນາມ - ລັດເຊຍ ຍາດໄດ້ລາງວັນທີ 1.
ບູນມີ
